Reala gertuago dago Txapeldunen Liga jokatzeko ametsetik

Txuri-urdinek 4-2 irabazi dute Valentziaren aurka

Realak garaipen garrantzitsua lortu du Anoetan Valentziaren aurka 4-2 irabazita. Ondorioz, txuri-urdinak Txapeldunen Ligan jokatzeko ametsetik gertuago daude. Izan ere, donostiarrek bost puntuko alde lortu dute Valentziarekiko eta Malagarekiko. 

Neurketaren hasiera indartsua izan da, biek nahi zuten garaipena kosta ala kosta. Txuri-urdinen lehen aukera bigarren minutuan izan da, baina Velaren jaurtiketa gutxigatik kanpora joan da. Jarraian Valentziak lehen aukera izan du, baina Claudio Bravok bikain erantzun dio Mathieuren jaurtiketari. Lehen gola 25. minutuan iritsi da, Cissokhok erdiraketa ona atera eta soldadok ez du Bravoren aurrean hutsik egin, horrela, talde valentziarra aurretik jarri da.

Juaris25

Valentziak gola sartu eta minutu gutxira, 29. minutuan, Bravok area kanpoan baloia eskuaz jo du, baina epaileak ez du ezer adierazi. Gutxinaka, Montanierren taldea suspertuz joan da eta 35. minutuan Iñigo Martinezek norgehiagoka berdintzea lortu du. Kornerretik zetorren erdiraketa bat boleaz sarera bidalita 1-1ekoa egin du. Lehen zatiaren amaiera 1-1eko berdinketarekin iritsi da. 

Bigarren zatiaren hasieran, Valverderen taldea izan da baloiaren jabe, baina Reala sendo aritu da defentsan eta kontraerasoan min egitea bilatu du. Valentzia ondoen ari zenean, iritsi da txuri-urdinen bigarren gola, kontraerasoan 'Chory' Castrok 2-1ekoa egin du. 

Golaren ondoren, Valentziak gogor jo du erasora, baina Realak ez du defentsan hutsik egin. Donostiarrak kontraeraso bidez arriskuz iritsi dira zenbaitetan Diego Alvesen atera. Horrela, 88. minutuan, Agirretxek 3-1ekoa egin du Xabi Prietoren erdiraketa on bat baliatuz. Golaren ondoren, Valentziak ez du etsi eta bi minutu geroago, 90. minutuan, Jonasek 3-2koa sartu du.

Juaris25

Luzapenean, Valentzia berdinketaren bila joan da lerro guztiak aurreratuz. Baina Realak beste kontraeraso bat baliatu du partidari amaiera bikaina emateko, Agirretxek gol eder bat sartu du 4-ekoa eginez. Honenbestez, txuri-urdinek lauagrren postuari eutsi diote.

Fitxa teknikoa:

Reala: Bravo; Carlos Martínez, Iñigo Martinez, Mikel, De la Bella; Illarramendi (Pardo, 87. min), Bergara, Xabi Prieto (Ansotegi, 88. min); Chory Castro (Zurutuza, 76. min), Vela eta Agirretxe.

Valentzia: Diego Alves; Joao, Ricardo Costa, Mathieu, Cissokho (Valdez, 79. min); Albelda (Guardado, 75. min), Ever Banega, Feghouli (Piatti, 72. min), Dani Parejo; Jonas, Soldado.

Golak: 0-1, 25. min: Soldado. 1-1: Iñigo Martinez. 2-1, 73. min: Chory Castro. 3-1, 86. min: Agirretxe. 3-2, 90. min: Jonas. 90+4. min: Agirretxe.

Zapore gazi-gozodun berdinketa Iruñan (0-0)

Golik gabeko derbia jokatu da El Sadarren

Osasuna eta Realaren arteko derbiak zapore gazi-gozoa utzi du golik gabe berdindu ostean. Partida parekatua egon da baina inor ez da baloia sarera bialtzeko gai izan. Txuri-urdinak puntu bakarra lortu ondoren, datorren igandeko Valentziaren aurkako partidan, laugarren postua jokatuko dute. Osasuna, berriz, puntu bakarra lortuta, jeitsiera postuetara gerturatu da. 

Juaris25

Partida parekatuta izan da, talde gorritxoa baloiaren jabe izan da eta Montanierren gizonek kontraerasoetan sortu dute arriskua. Lehen aukera Armenterosek izan du, falta bikain bat aterata, baina jaurtiketa kanpora joan da.  24. minutuan, txuri-urdinak gola egitetik gertu egon dira, baina Agirretxeren erremateak zutoienean jo du, ondoren Xabi Prietok aldaratzea jaso eta Andres Fernadezek gelditu du. Atsedenaldiaren ordua heldu da, ia gol aukerarik sortu gabe. 

Juaris25

Bigarren zatian hasi bezain laster jokaldi polemiko bat izan da. Donostiarrek penaltia eskatu dute Flañok area barruan Iñigo Martinezi falta eginda, baina Mateu Lahozek ez du adierazi. Ondoren, Osasunak erasora jo du, baina Reala bikain aritu da defentsa lanetan. Bi taldeek aukera gutxi batzuk izan dituzte, baina inork ez du asmatu. Donostiarrak, Andres Fernandezen atera heldu dira Xabi Prieto eta Ifranen bidez, baina ez dute zorterik izan. Mendilibarren taldeak ere lehenengoa egiteko aukera izan du Gato Silvaren bitartez. Azkenean golik gabe amaitu da partida. 

Fitxa teknikoa:

Osasuna: Andres Fernandez; Oier, Arribas, Miguel Flaño, Nano; Raoul Loe, Silva (Puñal, 79. min); Cejudo (Masoud, 90. min), Armenteros, De las Cuevas (Nino, 74. min); eta Kike Sola.

Reala: Bravo; Carlos Martinez, Mikel, Iñigo Martinez, Cadamuro; Markel Bergara, Elustondo (Chory Castro, 68. min), Xabi Prieto; Vela (Ifran, 82. min), Agirretxe eta Griezmann.

Festa txuri-urdinak aurrera darrai (4-2)

Realak sailkapenean Malagarengandik urruntzea lortu du Anoetan irabazi ondoren

Txuri-urdinek 4-2 irabazi ditoe Malagari Anoetan, ondorioz, Montanierren tadeak bizirik eta indartsu jarraitzen du Txapeldunen Liga jokatzeko lehian. Pellegriniren taldea horretarako aurkari zuzena da eta harekiko bost puntuko abantaila lortu du Realak. 

Partidaren hasiera eskasa izan dute bi taldeek eta lehen ordu laurdenean ez da abagunerik egon. Lehen aukera eta gola 20. minutuan iritsi da, Griezmannek egindako jaurtiketa indarstuak langa jo du eta ondoren, Velak baloia sarera bidali du. Horrela, mexikarra izan da Realaren historiako 3000. gola egin duena. Realak erasoan jarraitu du eta bost minutu beranduago eta De la Bellak area kanpoko jaurtiketa baten bidez, 2-0ekoa egitea lortu du. Montanierren gizonak gora etorri dira eta 30. minutuan Griezmannek 3-0ekoa egin du kontraeraso bati amaiera ederra emanez. 

Atsedenaldia iristeko minutu bat falta zenean Malagak lehenengo gola egitea lortu du. Pedro Moralesek bolea baten bidez Bravo gainditzea lortu du. Horrenbestez, 3-1eko markagailuarekin joan dira jokalariak aldageletara. 

Bigarren zatia hasi eta minutu gutxira, Realak guztiz erabakita utzi du norgehiagoka. Izan ere, 51. minutuan, Iñigo Martinezek korner batean 4-1ekoa egin du. Gol honen ondoren, guztiz galduta geratu da talde andaluziarra. Carlos Velak partida biribiltzeko aukera izan du, baina baloia zutoinera joan da. 

Realak partida kontrolpean zuela, Santa Cruzek 4-2koa egin du 70. minutuan. Malagaren  bigarren golaren ondoren, Montanierren mutilek lan ona egin dute defentsan eta garaipenarekin iritsi da partidaren amaiera. 

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella; Illarramendi, Bergara, Zurutuza (Pardo, 30. min); Griezmann (Ifran, 84. min), Vela (Estrada, 65. min) eta Agirretxe.

Malaga: Kameni; Sergio Sanchez, Lugano, Weligton, Antunes; Portillo (Duda, 57. min), Camacho (Baptista, 74. min), Iturra, Morales (Piazon, 63. min); Sebastian Fernandez eta Santa Cruz.

Golak: 1-0, 20. min: Vela. 2-0, 23. min: De la Bella. 3-0, 29. min: Griezmann. 3-1, 43. min: Morales. 4-1, 51. min: Iñigo Martinez. 4-2, 70. min: Santa Cruz.

Partida zoroa Anoetan (3-3)

Txuri-urdinek ez dute Txapeldunen Ligako postuetan sartzea lortu

Realak eta Betisek puntu bana lortu dute, edozeinek irabazi zezakeen partida zoro batean. Talde bakoitzak hiruna gol sartu ditu eta bi taldeak partida jokatu aurretik zeuden postuetan geratu dira. Jorge Molina eta Pabón (2) izan dira Andaluziako taldeko goleatzaileak. Carlos Velak, Iñigo Martínezek eta X. Prietok, berriz, etxeko taldearentzat egin dituzte golak.

Realak indartsu hasi du partida, lehen aukera garbia Agirretxerena izan da, Velaren pase baten ostean, baina Adrianek gelditzea lortu du. Bi taldeek izan dituzte zenbait aukera, baina Montanierren gizonek intentsitate handiagoa eman diote jokoari. Ondoren, 10. minutuan, Pabonek kontraeraso batean urrunetik gola egiteko aukera izan du, baina baloia gora joan da. Jarraian, Xabi Prieto gola egiteko zorian egon da, baina donostiarrak ezin izan du Zurutuzak jarritako baloia errematatu. 16. minutuan Mariok akats bat egin du eta oso aukera argia izan du Carlos Velak, baina atezainak gelditu egin du.  

 

Reala oso ondo ari zen jokatzen 23. minutuan Griezmannek gol bikain bat sartu duenean. Baina epaileak baliogabetu egin du, frantziarra ez zegoen jokoz kanpo. Beste aukera on bat izan du Realak baina Agirretxeren burukadak zutoinean jo eta Betisek kontraerasoa bikain burutu du. Jorge Molina 0-1ekoa egin du 29. minutuan.

Markagailuari buelta ematen saiatu da Reala, baina gola egin ondoren eroso aritu da Pepe Melen taldea. Realak kontraerasora irten ondoren amaitu da lehen zatia, baina ez du inork errematatu Carlos Martinezen errematea. Betis gehiago zela iritsi da atsedenaladia.

Bigarren zatia hasi era bereala Sevillako taldearentzat bigarrena egin du Pabonek, Mikel Gonzalezen akats larri bat aprobetxatuz. Bi minutu geroago, txuri-urdinei gauzak oso zail jarri zaizkiela zirudienean, Velak 1-2koa egin du. Hortik gutxira, 57. minutuan Iñigo Martinezek neurketa berdintzea lortu du burukada batez. Berdindu bezain laster, 60. minutuan, Iglesias Villanueva epaileak penaltia adierazi du Angel Lopezek area barruan baloia eskuarekin ukitu ondoren. Xabi Prietok Panenka estiloan 3-2koa egitea lortu du. Partida zoratu egin da.

Betisen taldeak ez du denbora askorik hartu norgehiagoko berdintzeko, izan ere, 68. minutuan Pabonek gol bilakatu du,  Ruben Castrorekin egin duen jokaldia. Momentu horretatik aurrera edozein taldek eraman zitzakeen hiru puntuak. Aukera argiena Amaya bere aten gola sartzeko zorian egon denean izan da, Adrianek Agirretxeren aukera bat eten ondoren. Azken momentura arte partidak erritmorik galdu ez duen arren, berdinketarekin bukatu da partida.

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella; Bergara, Zurutuza (Ruben Pardo, 66. min.), Xabi Prieto (Diego Ifran, 80. min); Griezmann, Vela eta Agirretxe.

Betis: Adrian, Angel, Mario, Antonio, Nacho; Cañas, Beñat (Chica, 82. min.), Campbell (Nono, 66. min.), Juan Carlos (Castro, 63. min.); Pabon eta Molina.

Golak: 0-1, 29. min.: Jorge Molina. 0-2. 48. min.: Pabon. 1-2, 50. min.: Carlos Vela. 2-2, 57. min.: Iñigo Martinez. 3-2, 60. min.: Xabi Prieto (p). 3-3, 67. min.: Pabon.

Iñigo Martinezek 2017ra arte luzatu du kontratua

Iñigo Martinezek kontratua berritu du Realarekin. Aurrekoa 2015eko ekainean bukatzen zitzaion eta bi urtez luzatu du, 2017ko ekainaren 30a arte. Anoetako instalazioetan sinatu du kontratu berria, Jokin Aperribay presidentearekin eta Loren Kirol Zuzendariarekin batera. 

Ezer ez da ezinezkoa

Realak urteko lehen garaipena lortu du Bartzelonaren aurka

Bihar, 18:00etatik aurrera, talde donostiarrak Bartzelonaren kontra, bigarren itzuliko lehen partida jokatuko du Anoetan. Txuri-urdinek emaitza onak lortu dituzte azkenengo denboraldietan Bartzelonaren aurka etxean jokatutako neurketetan. Duela bi denboraldi garaipena lortu zuten eta iragan denboraldian berdinketa.  Gauzak horrela, denboraldi honetan Tito Vilanovaren taldeari irabazten lehenak izan nahi dute gipuzkoarrak. 

Philippe Montanierrek jokalari gehienak jokatzeko moduan ditu. Iñigo, Estrada eta Mikel deialdira bueltatu dira zigorra bete ondoren. Hala ere, Ansotegi eta Zurutuza baja medikuagaitik kanpoan geratu dira, azken hau anemia batek jota. Javi Ros erabaki teknikoagatik geratu da kanpoan. 

www.marca.com

Deialdiak:

Reala: Bravo, Zubikarai, Carlos Martínez, Estrada, Iñigo, Mikel, De la Bella, Jose Angel, Illarra, Rubén Pardo, Elustondo, Markel, Xabi Prieto, Vela, Agirretxe, Ifrán, 'Chory' Castro eta Griezmann 

Bartzelona: Valdes, Pinto, Alves, Adriano, Montoya, Piqué, Puyol, Jordi Alba, Mascherano, Bartra, Song, Xavi, Cesc, Busquets, Thiago, Iniesta, Tello, Pedro, Alexis eta Messi

Epailea: Undiano Mallenco

Meriturik gabeko garaipena (2-0)

Realak hiru puntuak lortu ditu Anoetan Zaragozaren aurka jokatutako partidan

Txuri-urdinek sendo jarraitzen dute Anoetan. Meritu handirik egin gabe, Montanierren mutilek, Zaragoza mendean hartu dute Iñigo Martinez eta Carlos Velaren golei esker. Horrela, denboraldi honetan etxean jokatutako partida guztiaz irabazi dituzte.

Lehen zatian ez da gol aukera askorik izan eta jokoa aspergarria izan da. Lehen aukera Zaragozak izan du zortzigarren minutuan, baina Bravok ederki geratu du Postigaren jaurtiketa. Lehengo zatiaren amaiera arte Zaragozarrak izan da nagusi; hala ere, ez dute arrisku handiegirik sortu. 

Montanierren taldeari asko kostatu zaio gol aukerak sortzea, ez du abagunerik izan lehen zatiko amaiera arte. De la Bellaren jaurtiketari erantzun ona eman dio Roberto atezainak. Minutu gutxi eta gero, Griezmann bakarrik geratu da Zaragozako atezainaren aurrean, baina Robertok gelditu ikusgarria egin du. Atsedenaldia 0-0ko markailuarekin iritsi da.

Bigarren zatia biziagoa izan da eta gol aukera gehiago izan dira. Neurketa parekatuta egon da, baina reala 57. minutuan markagailuan aurreratu da. Realak korner bat atera eta Iñigo Martinezek 1-0koa jarri du. Golaren ondoren, Zaragoza berdinketa lortzen saiatu arren, ez du aukera argirik sortu. 

Realak erosoago jokatu du markagailuan aurretik joanda, horrela, gol aukerak areagotuz. Gola sartu eta lau minutura, Paredesek area barruan falta egin dio Carlos Velari. Iglesias Villanueva epaileak penaltia adierazi du eta Carlos Velak ez du hutsik egin, 2-0koa jarriz. 

Bi gol jaso ondoren, Zaragoza saiatu da aldea murrizten, baina Reala sendo ibili da defensa lanetan. Txuri-urdinak saiatu dira min gehiago egiten, baina ez dute asmatu. 2-0eko markagailuarekin heldu da partidaren amaiera. Esfortsu handirik gabe, errealak hiru puntuak eskuratu ditu.

Fitxa teknikoa:

Reala: Bravo; Estrada, Mikel Gonzalez, Iñigo Martinez, De la Bella; Markel, Illarramendi, Zurutuza (Ros, 77. min); Griezmann, Vela (Ifran, 85. min) eta Agirretxe (Jose Angel, 82. min).

Zaragoza: Roberto; Abraham, Paredes, Alvaro, Sapunaru; Montañes, Zuculini (Apoño, 63. min), Stefan (Álamo, 75. min), Jose Mari, Edu Oriol (Aranda, 63. min); Helder Postiga.

Golak: 1-0, 55. min: Iñigo Martinez. 2-0, 61. min: Vela.

Realak garaipena bilatuko du zelai zail batean

Txuri-urdinek ez dakite Mallorcan irabaztea zer den 2002/03 denboralditik 

Gaueko hamarretan jokatuko da Mallorca eta Realaren arteko neurketa Ono Estadi zelaian. Montanierren mutilek hiru puntuak lortu nahi dituzte Mallorcako zelaiko maldizioa behingoz hausteko, hain zuzen ere, hamar urte dira La Palmako futbol zelaian Realak azkenengo garaipena lortu zuela. Horretaz gain, donostiarrek urtarriletik ez dakite etxetik kanpo irabaztea zer den.

Deialdian lau izen berri daude Celtaren aurkako partidarekin alderatuta. Javi Ros, Iñigo Martínez, David Zurutuza eta Sanseko Royo atezaina. Min hartuta dauden 'Chory Castro', Gorka Elustondo eta Zubikarai etxean geratuko dira, baita Carlos Martínez ere, azken hau erabaki teknikoagatik. 

www.vavel.com

Deialdiak:

Mallorca: Aouate, Miño, Antonio López, Nunes, Anderson Conceiçao, Geromel, Ximo, Bigas, Charlie Took, Joao, Pina, Pereira, Nsue, Javi Marquez, Martí, Alfaro, Marc Fernández, Victor, Tomer

Reala: Bravo, Royo, Dani Estrada, Ansotegi, Iñigo, Mikel, Cadamuro, De la Bella, José Ángel, Xabi Prieto, Rubén Pardo, Javi Ros, Markel, Illarramendi, Zurutuza, Griezmann, 'Chory' Castro, Vela, Agirretxe

Epailea: Fernández Borbalán

Realak denboraldiko lehen hiru puntuak bilatuko ditu Anoetan

Txuri-urdinak Bartzelonako sentsazio txarrak atzean uzten saiatuko dira Celtaren aurka

2012-13 denboraldiko lehen garaipena lortzera irtengo dira Montanierren mutilak Anoetan. Camp Noun lortutako emaitza txarra (5-1) ahaztu nahi dute igo berri den Celta garaituz. Beraz, konfianzta berreskuratzeko, oso garrantzitsua izango da Galiziako taldearen aurka hiru puntuak eskuratzea. 

Bartzelonan jokatutako partidatik Javi Ros da aldaketa bakarra;. errioxarra, Jefrey Sarpong eta Carlos Martínez deialditik kanpo geratu dira erabaki teknikoagatik eta Zurutuza eta Iñigo Martínez ez dira oraindik ehuneko ehunean aurkitzen. 

www.realsociedad.com

Deialdiak:

Reala: Bravo, Zubikarai, Dani Estrada, Ansotegi, Mikel, Cadamuro, De la Bella, José Ángel, Xabi Prieto, Rubén Pardo, Markel, Elustondo, Illarramendi, Griezmann, 'Chory' Castro, Vela, Agirretxe

Celta: Javi Varas, Sergio, Hugo Mallo, J. Vila, Cabral, Túñez, R. Lago, Bellvís, Bustos, Insa, Oubiña, Alex López, Augusto F., Krhon-Dheli, Joan Tomás, Toni, De Lucas, Iago Aspas, Bermejo

Epailea: Pérez Montero

Reala hiru puntu zailenen bila joango da Camp Noura

Txuri-urdinek lehen jardunaldia Camp Noun jokatuko dute

Realak hiru garaipen bakarrik lortu ditu Bartzelonaren zelaian historian zehar, baina Montanierren mutilak laugarrenaren bila aterako dira berdegunera. Talde txuri-urdinak oso estatistika txarrak ditu Camp Nou zelaian, bertan jokatu dituen 65 neurketatik, hiru irabazi eta zazpi berdindu ditu; horrela, partiden %86a porrotak izanik.

Hala ere, iragan denboraldian, Realak beste aurpegi bat erakutsi zuen. Zelaira indartsu irten zen eta arazo ugari sortu zizkion Guardiolaren taldeari. 2-1eko markagailuarekin amaitu arren, norgehiagoka oso estua izan zen.

Carlos Martínez, Diego Ifrán eta Jeffrey Sarpong deialditik at geratu dira erabaki teknikoagatik. David Zurutuzak eta Iñigo Martinezek ere ezin izango dute lesioagatik Bartzelonaren aurka jokatu.

www.fanpiece.com

Deialdiak:

Bartzelona: 

Reala: Bravo, Zubikarai, Dani Estrada, Ansotegi, Mikel, Cadamuro, De la Bella, José Ángel, Xabi Prieto, Rubén Pardo, Javi Ros, Markel, Elustondo, Illarramendi, Griezmann, 'Chory' Castro, Vela, Agirretxe

Epailea: González González

Salbazioa ziurtatzeko hiru puntuen bila

Gaur arratsaldeko 20:00etan jokatuko da Reala eta Betisen arteko norgehiagoka Anoetan. Claudio Bravok bi txartel hori ikusi zituen Espanyolen aurkako partidan eta gaur Lehiaketa Batzordeak erabakiko duenaren zain dago.

Realak eta Betisek Anoetan jokatuko dute astearte honetan, arratsaldeko 20:00etan. Bi taldeen helburua berdintsua da, garaipena lortu eta salbazioa lortzeko aurrerapausu bat ematea.

Claudio Bravo da partida honetako zalantza nagusia, larunbaten bi txartel hori ikusi baitzituen Espanyolen aurkako partidan. Gaur erabakiko du Lehiaketa Batzordeak txiletarrak Betisen aurka joka dezakeen edo ez. Hori dela eta Montanierrek hiru atezainak sartu ditu deialdian. Atezainak ezin badu jokatu Zubikarai izango da titularra Realeko atean. Aurtengo denboraldian ondarroako atezainak Errege Kopan bakarrik jokatu du.

www.betisweb.com

Montanierren tadeak defentsan Iñigo Martinezen eta Demidoven bajak izango ditu biak min hartuta daudelako. Ruben Pardo erdilaria ere gaixorik dagoelako ez da deialdian sartu. Jokatzeko prest dagoena eta deialdian sartu dena Mikel Gonzalez atzelaria da. Entrenatzaile frantziarrak gaur bertan deialditik jokalari batzuk kendu behar izango ditu.

Deialdiak:

Reala: Bravo, Zubikarai, Ramirez, Dani Estrada, Carlos Martinez, Ansotegi, Mikel, Cadamuro, De la Bella; Xabi Prieto, Aranburu, Zurutuza, Elustondo, Illarramendi, Griezmann, Agirretxe,Vela, Llorente, Ifran

Betis: Fabricio, Casto, Nacho, Chica, Juanma, Dorado, Amaya, Paulao, Beñat, Iriney, Cañas, Matilla, Salva Sevilla, Jefferson Montero, Pereira, Roque Santa Cruz, Jorge Molina, Ruben Castro.

Epailea: Mateu Lahoz

Europa eta salbazioa jokoan

Europa eta salbazioa jokoan egongo dira gaur arratsaldeko seietan Cornellá-El Prat zelaian Espanyol eta Realak jokatuko duten norgehiagokan. Perikoek garaipena bilatuko dute Europarekin amesten jarraitzeko eta txuri-urdinek, aldiz, mailari eusteko.

www.marca.com

Realak Mikel González eta Iñigo Martínez zentralak izango Espanyolen aurka, azken hau denboraldi osorako lesionatuta geraturik. Beraien ordezkoak Demidov eta Ansotegi izan daitezke. Illarramendi ere deialditik kanpo geratu da eta Aranburu izango da bere ordezkoa. Deialdiko berritasunak Diego Ifrán aurrelaria eta Carlos Martínez atzelaria dira.

Montaneirren taldeak kanpoan irabazteko beharra du salbazioa lehen bait lehen eskuratzeko. Txuri-urdinek etxetik kanpo garaipena lortzeko zailtasunak dituztela erakutsi dute, baita Claudio Bravoren atea hutsean mantentzeko ere. Denboraldiaren amaiera heltzear da eta Pochettinoren taldeak garaipena behar du Europan sartzeko aukerak izaten jarraitzeko.

Deialdiak:

Espanyol: Raúl Rodríguez, Baena, Álvaro, Sergio García, Verdú, Romaric, Uche, Kiko Casilla, Héctor Moreno, Javi López, Weiss, Forlín, Víctor Sánchez, Pandiani, Dídac, Coutinho, Cristian Gómez y Edgar.

Reala: Bravo, Zubikarai, Estrada, Carlos Martínez, Demidov, Ansotegi, De la Bella, Aranburu, Elustondo, Zurutuza, Griezmann, Vela, Agirretxe, Llorente, Ifrán

Epailea: Muñiz Fernández

Iñigo Martinezi ebakuntza egin diote

Iñigo Martínez, Realeko zentralari ebakuntza egin diote gaur Policlínica Gipuzkoan eta bihar arte ingresatuta egongo da. Martinez Renobales doktoreak, kirurgia artroskopikoaren bidez, mindutako barne meniskoaren zatiko erresekzio bat egin dio. Ostiralean errekuperazio prozesua hasiko zu Zubietako kirol instalazioetan.

Iñigo Martinezek ez du denboraldi honetan gehiago jokatuko

Iñigo Martínez, Realeko zentralak, eskuin hankako barne meniskoa hautsi du eta bihar egingo diote ebakuntza. Horretaz gain, defentsa txuri-urdinak, albo lotairuko I-II graduko zaintiratua ere badu. Jokalari ondarrutarrak ezin izango du denboraldi honetan gehiago jokatu.

www.marca.com