Pausu bat gehiago Txapeldunen Ligarantza (1-2)

Realak urrezko garaipena lortu du Sevillaren aurka

Txuri-urdinek Sanchez Pizjuan zelaian Sevillaren aurka 1-2 irabazi ondoren, datorren denboraldian Txapeldunen Ligan jokatzea ahalbidetzen duen laugarren postuan jarraitzen dute. Valentziak ez du Getaferen aurrean hutsik egin eta 0-1 irabazi du. Beraz, bi taldeak puntuetara berdinduta daude, baina averagea donostiarren aldekoa da. 

Partida bizi hasi da eta lehenengo gola 9. minutuan heldu da. Rakiticek Bravo ederki gainditu eta Sevilla markagailuan aurretik jartzea lortu du (1-0). Bigarren gola ere Kroaziarrak egin du, baina oraingoan atez erratu eta nahigabe Realarentzat egin du gola, markagailuan 1-1eko berdinketa ezarriz. 

Txuri-urdinek bigarrena egin nahi izan dute kosta ala kosta eta 24. minutuan Agirretxek 1-2koa egitea lortu du. Carlos Martinezen erdiraketa bat ederki aprobetxatu du usurbildarrak eta Betok ezin izan du baloia desbideratu. Ondoren, Rakitic beste gol bat egiteko zorian egon da, baina Claudio Bravok bikain gelditu du baloia. 33. minutuan, Agirretxek aukera argia izan du, baina Sevillako atezainak kornerrera bidali du. Atsedenaldia 1-2ko markagailuarekin iritsi da. 

Bigarren zatian, Montanierren mutilek dezente sufritu dute, batez ere estrategiazko jokaldietan. Negredo izan da gola sartzeko abagune gehien izan dituena. Hala ere, ez du Claudio Bravo gainditzea lortu. 60. minutuan Carlos Velak hirugarrena egiteko aukera paregabea izan du, baina Betok gelditu ikusgarria egin du. 

Minutu gutxira, 68. minutuan, Cala partida berdintzeko zorioan egon da, baina bere errematea langa gainetik kanpora joan da. Sevilla gogor saiatu da berdinketa lortzen eta defentsa txuri-urdinak lan eskerga izan dute partidaren amaieran. 83. minutuan Realaren aukerarik argiena iritsi da, Griezmann 1-3koa egiteko puntuan egon da, baina, berriz ere, Betok kornerrera bidali du baloia. Azkenean Realak lortu ditu hiru puntuak. 

Fitxa teknikoa:

Sevilla: Beto; Coke (Cicinho, 66. minutuan), Cala, Fernando Navarro, Alberto Moreno; Medel (Stevanovic, 88. minutuan), Rakitic, Kondogbia; Jesus Navas, Perotti (Baba, 66. minutuan); eta Negredo. 

Reala: Claudio Bravo; Carlos Martinez, Iñigo Martínez, Cadamuro, De la Bella; Illarramendi (Javi Ros, 88. minutuan), Bergara, Xabi Prieto; Griezmann (Chory Castro, 88. minutuan), Carlos Vela (Estrada, 79. minutuan) eta Agirretxe. 

Golak: 1-0, 10. minutuan: Rakitic. 1-1, 16. minutuan: Rakitic, bere atean. 1-2, 24. minutuan: Agirretxe.

Talde txuri-urdinak Valentziarengandik urrun mantendu nahi du

Getaferen aurka garaipena behar du Realak distantzia mantentzeko

Bihar 22:00etatik jokatuko da Getafe eta Realaren arteko partida Coliseum futbol zelaian. Txuri-urdinek Valentziarekiko duten distantzia mantendu nahi badute ezinbestekoa izango dute irabaztea. Getafek, aldiz, ez du datorren denboraldian Europan jokatzeko aukera baztertu nahi.

Joan den jardunaldiarekin alderatuta, Griezmann, José Ángel eta Javi Ros deialdian sartu dira. Elustondo, Xabi Prieto eta Illarra, aldiz, min hartuta daude eta zerrendatik kanpo geratu dira. 

www.eitb.com

Deialdiak:

Getafe:

Reala: Bravo, Zubikarai, Carlos Martínez, Dani Estrada, Mikel, Ansotegi, Iñigo, Cadamuro, José Ángel, De la Bella,  Zurutuza, Rubén Pardo, Markel, Javi Ros, Vela, Agirretxe, 'Chory' Castro, Griezmann eta Ifrán

Epailea: Undiano Mallenco

Realak Valentzia atzean utzi nahi du

Txuri-urdinek laugarren postua mantentzea bilatuko dute Anoetan

Bihar jokatuko dute Anoetan elkarren aurkako partida Realak eta Valentziak gaueko 21:00etatik aurrera. Txuri-urdinek Txapeldunen Ligan jokatzeko arerio zuzena atzean utzi nahi dute, laugarren postua mantenduz.

Illarra, zigorra beteta eta Zurutuza eta Elustondo, lesioetatik sendatuta, deialdian sartu dira. Elustondo, min hartuta dagoelako, eta Griezmann, zigortuta dagoelako, ere Montanierrek emandako zerrendatik at geratu dira. Jose Angel eta Javi Ros erabaki teknikoagatik geratu dira kanpoan. 

www.rtve.es

Deialdiak:

Reala: Bravo, Zubikarai, Carlos Martínez, Dani Estrada, Mikel, Ansotegi, Iñigo, Cadamuro, De la Bella,  Zurutuza, Rubén Pardo, Markel, Illarra, X. Prieto, Vela, Agirretxe, 'Chory' Castro eta Ifrán

Valentzia: 

Epailea: Fernández Borbalán

Realak hamabost minututan irabazi du Rayoren aurkako partida (0-2)

Agirretxek egin dituen bi golek eman diote garaipena talde txuri-urdinari

Realak laugarren postuak jarraitzen du Rayoren aurka 0-2 irabazi ondoren. Garaipen honi esker atzean datozkion taldeekiko abantaila hartu du Montanierren taldeak eta lau puntuko aldea du Malagarekiko eta Valentziarekiko. 

Partidako lehen abagunea Rayorena izan da, baina Fitiren jokaldi on bat eta geri, Baptistaoren errematea gora joan da. Hurrengo jokaldian iritsi da Realaren gola. Griezmannek pase doterea jarri dio Agirretxeri eta usurbildarrak ez du hutsik egin. Hortik minutu gutxira, 14. minutuan, Agirretxek beste gol bat egin du taldea 0-2 irabazten jarriz. Madrilgo taldearen defentsak akats bat egin du eta aurrelariak ez du barkatu bigarrena egiteko. 

Bi gol jaso ondoren, Jemezen mutilak aldea murrizten saiatu dira, baina donostiarrek ez dute partidaren kontrola galdu. Atsedenaldia iritsi baino lehen, Pitik jokaldi bikain bat egin du eta Baptistao lehengoa egiteko puntuan egon da, bain ahuts egin du. Atsedenaldia 0-2ko markagailuarekin iritsi da. 

Bigarren zatian erasora irten da Madrilgo taldea, baina Reala sendo mantendu da defentsan. Pitik faltaz lehenengoa izateko aukera izan du, baina Bravo ondo aritu da. Delibasicek ere eskura izan du gola, baina ezin izan du atezain txuri-urdina gainditu. Horrenbestez, 0-2ko garaipena lortu du Realak eta laugarren postuan jarraitzen du. 

Fitxa teknikoa:

Rayo Vallecano: Ruben Martinez; Tito (Arbilla, 16. min), Jordi Figueras, Galvez, Casado; Trashorras (Delibasic, 61. min), Javi Fuego; Lass (Jose Carlos, 16. min), 'Chori' Domínguez, Piti; eta Leo.

Reala: Bravo; Carlos Martínez, Iñigo, Mikel González, De la Bella; Bergara, Illarramendi (Elustondo, 74. min); Vela ('Chori' Castro, 76. min), Xabi Prieto (Ifran, 82. min), Griezmann; eta Agirretxe.

Golak: 0-1: 5. min Agirretxe; 0-2: 14. min Agirretxe.

Partida zoroa Anoetan (3-3)

Txuri-urdinek ez dute Txapeldunen Ligako postuetan sartzea lortu

Realak eta Betisek puntu bana lortu dute, edozeinek irabazi zezakeen partida zoro batean. Talde bakoitzak hiruna gol sartu ditu eta bi taldeak partida jokatu aurretik zeuden postuetan geratu dira. Jorge Molina eta Pabón (2) izan dira Andaluziako taldeko goleatzaileak. Carlos Velak, Iñigo Martínezek eta X. Prietok, berriz, etxeko taldearentzat egin dituzte golak.

Realak indartsu hasi du partida, lehen aukera garbia Agirretxerena izan da, Velaren pase baten ostean, baina Adrianek gelditzea lortu du. Bi taldeek izan dituzte zenbait aukera, baina Montanierren gizonek intentsitate handiagoa eman diote jokoari. Ondoren, 10. minutuan, Pabonek kontraeraso batean urrunetik gola egiteko aukera izan du, baina baloia gora joan da. Jarraian, Xabi Prieto gola egiteko zorian egon da, baina donostiarrak ezin izan du Zurutuzak jarritako baloia errematatu. 16. minutuan Mariok akats bat egin du eta oso aukera argia izan du Carlos Velak, baina atezainak gelditu egin du.  

 

Reala oso ondo ari zen jokatzen 23. minutuan Griezmannek gol bikain bat sartu duenean. Baina epaileak baliogabetu egin du, frantziarra ez zegoen jokoz kanpo. Beste aukera on bat izan du Realak baina Agirretxeren burukadak zutoinean jo eta Betisek kontraerasoa bikain burutu du. Jorge Molina 0-1ekoa egin du 29. minutuan.

Markagailuari buelta ematen saiatu da Reala, baina gola egin ondoren eroso aritu da Pepe Melen taldea. Realak kontraerasora irten ondoren amaitu da lehen zatia, baina ez du inork errematatu Carlos Martinezen errematea. Betis gehiago zela iritsi da atsedenaladia.

Bigarren zatia hasi era bereala Sevillako taldearentzat bigarrena egin du Pabonek, Mikel Gonzalezen akats larri bat aprobetxatuz. Bi minutu geroago, txuri-urdinei gauzak oso zail jarri zaizkiela zirudienean, Velak 1-2koa egin du. Hortik gutxira, 57. minutuan Iñigo Martinezek neurketa berdintzea lortu du burukada batez. Berdindu bezain laster, 60. minutuan, Iglesias Villanueva epaileak penaltia adierazi du Angel Lopezek area barruan baloia eskuarekin ukitu ondoren. Xabi Prietok Panenka estiloan 3-2koa egitea lortu du. Partida zoratu egin da.

Betisen taldeak ez du denbora askorik hartu norgehiagoko berdintzeko, izan ere, 68. minutuan Pabonek gol bilakatu du,  Ruben Castrorekin egin duen jokaldia. Momentu horretatik aurrera edozein taldek eraman zitzakeen hiru puntuak. Aukera argiena Amaya bere aten gola sartzeko zorian egon denean izan da, Adrianek Agirretxeren aukera bat eten ondoren. Azken momentura arte partidak erritmorik galdu ez duen arren, berdinketarekin bukatu da partida.

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella; Bergara, Zurutuza (Ruben Pardo, 66. min.), Xabi Prieto (Diego Ifran, 80. min); Griezmann, Vela eta Agirretxe.

Betis: Adrian, Angel, Mario, Antonio, Nacho; Cañas, Beñat (Chica, 82. min.), Campbell (Nono, 66. min.), Juan Carlos (Castro, 63. min.); Pabon eta Molina.

Golak: 0-1, 29. min.: Jorge Molina. 0-2. 48. min.: Pabon. 1-2, 50. min.: Carlos Vela. 2-2, 57. min.: Iñigo Martinez. 3-2, 60. min.: Xabi Prieto (p). 3-3, 67. min.: Pabon.

Realak garaipen batekin agurtu du Katedrala (1-3)

 Athletic irabazten hasi den arren, txuri-urdinek erraz irauli dute markagailua

Realak aise irabazi du San Mames zaharrean jokatu den azken derbia. Zuri-gorriek hobeto hasi dute partida eta markagailuan aurretik jartzea lortu dite. Baina ez die pozak askorik iraun, Realak berehala berdindu du partida eta bigarren zatian markagailua iraultzea lortu dute jokalari txuri-urdinek.

Lehen zatian Athletic hasi da agintzen eta txuri-urdinek defentsa sendo mantentzeko sufritu egin dute. Adurizek bi aukera izan ditu partidaren hasieran, baina aurrelariak ez du golik sartzerik lortu.Agirretxek ere aukera argi bat izan du, baina usurbildarraren jaurtiketa zuzenean kanpora joan da. Realak presioa egin duen arren, Bielsaren mutilek sakatzen jarraitu dute. Adurizek aukera bikain bat izan du, baina Claudio Bravok gelditu erabakigarria egin du.

30. minutuan Ibai Gomezek 1-0ekoa egin du, Santutxuko jokalariak jaurtiketa indartsu batekin Bravo gainditzea lortu du. Hala ere, zuri-gorrien pozak ez du askorik iraun. Izan ere, 34. minutuan, Griezmannek 1-1ekoa egin du. Frantziarrak 'Chory' Castroren erdiraketa bikaina aprobetxatu du berdinketa lortzeko. Gol banarekin heldu da atsedenaldia. 

Bigarren zatian txuri-urdinak nagusi izan dira eta talde zuri-gorriak asko sufritu du defentsan. 66. mintuuan Raul atezainaren akats larri bat aprobetxatu du Agirretxek 1-2koa egiteko. Realaren golak ukituta utzi du Bilboko taldea eta partida aldapa gora jarri zaie. Montanierrek Carlos Vela zelairatu du Agirretxeren ordez, eta mexikarrak 1-3koa egin du. Athletic-ek ez du markagailuko aldea murrizteko ia aukerarik izan eta azkenean txuri-urdinak eraman dituzte hiru puntuak. Realak Europako postuetan jarraitzen du. 

Fitxa teknikoa:
Athetic: Raul; Iraola, San Jose, Laporte, Aurtenetxe (Muniain, 64. minutua); Iturraspe, De Marcos, Herrera; Susaeta, Aduriz (Llorente, 73. minutua) eta Ibai Gomez.

Reala: Bravo; Carlos Martinez, Mikel Gonzalez, Iñigo Martinez, De la Bella; Bergara, Illarramendi (Ruben Pardo, 88. minutua); Prieto, Chory Castro (Zurutuza, 75. minutua), Griezmann; eta Agirretxe (Vela, 66. minutua). 

Golak: 1-0, 30. minutua: Ibai Gomez. 1-1, 34. minutua: Griezmann. 1-2, 66. minutua: Agirretxe.

Reala postu europearretan sartu da (1-2)

Txuri-urdinek aise irabazi dute Zaragozaren kontra La Romaredan

Reala Europa Leaguen jokatzea ahalbidetzen duten postuetan sartu da Zaragoza mendean hartuta. Montanierren mutilak laster hasi dira irabazten eta gainera Zaragoza jokalari bat gutxiagorekin geratu da 21. minutuan.

Lehen zatiko aurreneko minutuetan Zaragozarenak izan dira gol aukerak, hala ere, ez dute arrisku handirik sortu. Jimenezen mutilak zelaian nagusi zirela, kontraerasu bat aprobetxatu du Griezmannek 0-1ekoa egiteko. Golaren ostean, Hectorrek lehenengo txartel horia ikusi du Carlos Velari egindako sarrera batengatik. Hamar minutu geroago, 21. minutuan, beste sarrera gogor bat egin dio mexikarrari eta epaileak bigarren txartel horia erakutsi ondoren, egotzi egin du. 

Donostiarren golaren ondoren Zaragoza partidaren kontrola berreskuratzen saiatu da, baina orduan Agirretxek 0-2ekoa lortu du area barruan baloi bat aprobetxatuz. Usurbildarrak partida ia erabakita utzi du. Lehenengo zatia amaitzear zela, Griezmannek baloia sarera bidalu du, baina epaileak gola ezeztatu du frantziarra jokoz kanpo zegoelako. 0-2ko markagailuarekin iritsi da atsedenaldia.

Bigarren zatian Reala izan da nagusi eta hainbat aukera izan ditu. Carlos Martinez, Agirretxe eta Vela izan dira aukera garbienak izan dituztenak. Hala ere, donostiarren ez dute hirugarren gola sartzea lortu. 

75. minutuan Bienvenu gola sartzeko zorian egon da korner batean. Hori izan da Zaragozak izan duen abagune argi bakarra. Realak aukera asko izan ditu, baina azken minutuan Apoño Zaragozako jokalaria izan da gola lortu duena penaltiz. Montanierren mutilek hiru puntuak lortu dituzte eta Europako postuetan sartzea lortu du. 

Fitxa teknikoa:

Zaragoza: Roberto; Sapunaru, Álvaro, Paredes, Héctor; Movilla (José Fernández, 27. min), Apoño, Romaric, Montañés (Rochina, 71. min); Víctor (Bienvenu, 46. min) eta Helder Postiga.

Reala: Bravo; Carlos Martínez (Estrada, 88. min), Mikel, Iñigo Martinez, De la Bella; Illarra (Ruben Pardo, 77. min), Markel; Vela ('Chory' Castro, 72. min), Xabi Prieto, Griezmann; eta Agirretxe.

Golak: 0-1, 10. min: Griezmann. 0-2, 31. min: Agirretxe. 1-2, 92. min: Apoño (p).

Berdinketa Balaidosen (1-1)

Realak ezin izan du garaipena lortu Celtaren aurka nahiz eta horretarako aukerak izan

Txuri-urdinek puntu bakarra lortu dute Balaidosen Celtaren aurka jokatutako partidan. Ia bigarren zati osoa jokalari bat gehiagorekin jokatu arren, Realak ez du aukera aprobetxatu. Lehen zatian eteko taldea nagusi izan da, baina partida amaieran garaipena eskugarrri izan dute donostiarrek.

Lehen zatiko aurreneko minutuetan ez da aukerarik izan, lehena ordu erdi pasatakoan iritsi da. Celta izan da nagusi lehen zatian, eta 30. minutuan Augustu Fernandezek gol aukera izan du, baina Claudio Bravok jaurtiketa geratu du. Jarraian iritsi da Celtaren gola, Iago Aspasen takoikada baten ondoren Krohn-Dehlik ez du hutsik egin eta 1-0ekoa jarri du markagailuan. Atsedenaldia Galiziako taldea aurretik zihoala heldu da. 

Bigarren zatia hasi eta gutxira, 55. minutuan, Augusto Fernandezek bigarren txartel horia ikusi du, baloia eskuarekin ikutzeagatik eta Celta bat gutxiagorekin geratu da. Momentu horretarik aurrera Reala izan da nagusi. Park etxeko taldearen bigarrena egiteko zorian egon da, baina minutu gitxi geroago, 59. minutuan Elustondok korner bat baliatu du markagailuan berdinketa ezartzeko.

Berdinketa lortu ondoren, Montanierren gizonek dena alde izan dute, baina ez dute markagailua iraultzerik lortu. Agirretxek ezin izan du Xabi Prietoren erdiraketa errematatu, Markelek balia zutoinera bidali du eta Pardok eta Griezmannek ere ez dute asmatu. Garaipena gertu egon arren, berdinetarekin bukatu da neurketa. 

Fitxa teknikoa:

Celta: Javi Varas; Jonny, Cabral, Demidov, Lago; Augusto, Oubiña, Krohn-Dehli, Park (Natxo Insa, 62. min.); Iago Aspas (Alex López, 46. min) y Bermejo (Pranjic, 56. min).

Reala: Bravo; Carlos Martínez, Elustondo, Iñigo Martinez, De la Bella; Illarra (Ruben Pardo, 76. min), Markel; Vela, Xabi Prieto, 'Chory' Castro (Griezmann, 70. min); eta Ifran (Agirretxe, 60. min)

Golak: 1-0, 32. min: Krohn-Dehli. 1-1, 59. min: Elustondo.

Realak garaipen batekin eman dio amaiera urteari (2-1)

Txuri-urdinek 2-1eko garaipena lortu dute Anoetan Sevillaren aurka

Realak bikain amaitu du 2012. urtea Sevillaren aurka garaipen garrantzitsu bat lortu ondoren (2-1). Hiru puntuei esker txuri-urdinak Europa League-n jokatzea ahalbidetzen duten postuetatik gero eta hurbilago daude. Velak egin du lehen gola, baina Medelek berdintzea lortu du. Hala ere, Montanierren mutilek erreakzionatu eta De la Bellak 2-1ekoa egin du. 

Etxeko taldeak erasoan gogor hasi du partida eta Sevilla bere zelaian edukitzea lortu du. Gauzak horrela, 18. minuruan Carlos Velak 1-0ekoa jarri du markagailuan. Griezmannen jokaldi eder baten ondoren, mexikarrak Diego Lopez atezaina gainditu du.

Realaren gola eta gero Andaluziako taldea kontraerasoaren bidez min egiten saiatu da, baina txuri-urdinak bikain aritu dira defentsan. Ruben Pardo urrunetik saiatu da 29. minutuann, baina Sevillako atezainak jaurtiketa desbideratu du. Atsedenaldia heltzear zela gora egin du Michelen taldeak, baina ez du aukera argirik sortu. 

Bigarren zatiko lehenengo minutuetan Xabi Prietok 2-0ekoa jartzeko aukera argia izan du, baina jaurtiketa langa gainetik kanpora joan da. Hurrengo jokaldian, Claudio Bravok baloia gaizki desbideratu du eta Medelek 1-1ekoa egin du. 

Ifranek markagailuan berriz aurretik jartzeko bi aukera izan ditu, baina bi jaurtiketak zuzenean kanpora joan dira. Sevilla erasoan sakatzen indartsu aritu da bigarren zatian eta Bravok bi gelditu erabakigarri egin behar izan dizkio Reyesi. Hala ere, Montanierren mutilek ez dute etsi eta De la Bellak, 68. minutuan, 2-1ekoa egitea lortu Carlos Martinezen pasea ederki aprobetxatuta. Bost minutu geroago, 73. minutuan Cokek bigarren txartel horia ikusi du eta Sevillako taldea hamar jokalarirekin geratu da. 

Norgehiagoka amaitzear zela Claudio Bravok geldu ikusgarri batekin Negredoren errematea desbideratu du, markagailuan 2-1ekoa mantenduz. Azkenean hiru puntuak Realak eskuratu ditu, honekin zortzi partida (zazpi Ligan) porrota zer den jakin gabe daramatzate txuri-urdinek.

Fitxa teknikoa:

Reala: Bravo; Carlos Martinez, Iñigo, Mikel, De la Bella; Illarramendi, Pardo (66. minutuan Zurutuza), Xabi Prieto; Griezmann, Vela (Chory Castro, 84. minutuan) eta Ifran (Agirretxe, 85. minutuan).

Sevilla:  Diego Lopez; Coke, Botia (Luna, 87. minutuan), Spahic, Navarro; Medel, Kondogbia, Del Moral (Baba, 80. minutuan), Reyes (Rabello 67. minutuan), Jesus Navas; Negredo.

Golak: 1-0, 17. minutuan: Vela. 1-1, 49. minutuan; Medel. 2-1, 68. minutuan: De la Bella.

Golik gabeko berdinketa Granadan (0-0)

Gol aukera urriko neurketa jokatu da 'Los Carmenes' zelaian

Montanierren mutilek beste puntu bat lortu dute Granadan, honekin zazpi partida daramatzate galtzea zer den jakin gabe. Oro har, bi taldeek jokatu dute norgehiagoka eskasa, erasoan sakatu beharrean atzean geratu dira. 

Lehen zatian bi gol aukera argi besterik ez dira egon, talde bakoitzak bat. Etxeko taldeak partidaren aurreneko minutuetan izan du abagunea, baina Claudio Bravok bikain erantzun dio Ighaloren erremateari. Txuri-urdinen aukera Ifranek izan du 30. minutuan, baina Robertok errematea gelditu du. Horrenbestez, lehen zatiak ez du gehiagorako eman eta atsedenaldia heldu da. 

Bigarren zatiaren hasiera Realak agindu badu ere, ez du arrisku handirik sortu. Zurutuzak eta Griezmannek arriskuarekin heldu dira Granadaren areara, baina zorterik gabe. Bigarren zatia aurrera joan ahala, etxeko taldeak hobera egin du, baina ez dute markagailua aldatzerik lortu. Horrela, 0-0ko markagailuarekin adierazi du epaileak partidaren amaiera. 

Fitxa teknikoa:

Granada: Roberto, Nyom, Siqueira (Angulo, 71. minutua), Iñigo Lopez, Mainz, Siqueira, Iriney, Mikel Rico, Brahimi (El Arabi, 62. minutua), Torje (Jaime Romero, 69. minutua), Dani Benitez eta Ighalo.

Reala: Bravo, Carlos Martinez, Mikel Gonzalez, Iñigo Martinez, De laBella, Illarra, Zurutuza (Ruben Pardo,71. minutua), Xabi Prieto, Griezmann (Castro, 75. minutua), Vela eta Ifran (Agirretxe, 81. minutua).

Realak garaipen sendoa lortu du Mestallan (2-5)

Txuri-urdinek hiru puntu garrantzitsu lortu dituzte etxetik kanpo

Donostiarren Kopako porrota ahazteko garaipen bikaina lortu dute Mestallan (2-5). Valentziak bigarren minutuan aurreneko gola egin arren, Realak buelta eman dio markagailuari. De la Bella, Mikel, Ifran, Agirretxe eta Vela izan dira goleatzaileak. Soldadok, berriz, etxeko taldearen biak. Valentziak bigarren zati osoa hamar jokalarirekin joaktu du. 

Neurketaren hasieran Valentziak izan du kontrola eta bigarren minutuan Roberto Soldadok 1-0ekoa jarri du, Bernaten erdiraketa bati esker. Donostiarrei partida zaildu zaien arren ez dute amorerik eman. Txuri-urdinek gogor sakatu dute eta aukera asko izan dituzte. Garbienak Griezmannek, Velak, Ifranek eta Xabi Prietok eduki dituzte. 41. minutuan Clos Gomezek txartel goria erakutsi dio Jonasi eta bere taldea hamarrekin utzi du. Berdinketaren gola egin duena De la Bella izan da 43. minutuan. Zurutuzak pase bikain eman dio eta atzelariak aurrelari gisan gol ederra sartu du. Berdinketarekin heldu da atsedenaldia. 

Bigarren zatian ere indartsu hasi dira Montanierren mutilak. Horrela, 56. minutuan, Mikel Gonzalezek 1-2koa egin du korner bat errematutu eta gero. Handik minutu gutxira, 63. minutuan, Ifranek 1-3koa egin du partida erdi erabakita hutsiz. Hala ere, Valentziako taldeak ez du etzi eta Soldadok 2-3koa egin du 72. minutuan. 

Imanol Agirretxe zelairatu bezain laster, 82. minutuan, gola egin du 2-4koa jarriz. Partida amaitzear zela epaileak Feghoulik Velari egindako penaltia adierazi du eta mexikarrak ez du hamaika metroetatik hutsik egin 2-5ekoa jarriz. Txuri-urdinek etxetik kanpo denboraldiko bigarren garaipena lortu dute, hiru puntu garrantzitsu eskuratuz. 

Fitxa teknikoa:
Valentzia: Alves; Joao (Valdez, 76'), Costa, Ruiz, Cissokho (Guardado, 65'); Banega, Gago, Feghouli, Jonas, Bernat (Viera, 65') eta Soldado.

Reala: Bravo; C.Martinez, Mikel, Iñigo, De la Bella; Zurutuza (Castro, 72'), Pardo, Prieto, Vela, Ifran (Agirretxe, 78') eta Griezmann (Javi Ros, 74').

Golak: 1-0, 2. minutua: Soldado. 1-1, 44. minutua: De la Bella. 1-2, 56. minutua: Mikel. 1-3, 68. minutua: Ifran. 2-3, 73. minutua: Soldado. 2-4, 83. minutua: Agirretxe. 2-5, 91. minutua: Vela (p).

Reala Kopatik kanpo utzi du Kordobak (2-2)

Montanierren mutilek ez du lortu kanporaketari buelta ematea

Realak ez ditu Erregearen Kopako final-zortzirenak jokatuko Kordobaren aurka kanpoan geratu ondoren. Donostiarren 2-0 galdu zuten joanekoan eta Anoetan berdindu (2-2) ondoren Kopatik kanpo geratu dira. 

Kordoba indartsu zelairatu da Anoetan eta txuri-urdinen lana oztopatu dute. Hala ere, lehen aukera argian Realarenak izan dira, baina Saizar Kordobako atezaina fin aritu da. Aukera onenak Griemannek eta Agirretxek izan dituzte, baina Saizarrek ondo egin du bere lana. 

Antoine Griezmannek 1-0ekoa lortu du 20. minutuan. Ruben Pardoren pase bikain baten ondoren, frantziarrak ederki gainditu du atezaina. Hamar minutu geroago, Agirretxe bigarrena egiteko aukera aparta izan du, baina errematea kanpora joan da. Griezmannek beste aukera bat ere izan du, baina jaurtiketa langa gainetik kanpora joan da. Atsedenaldia heldu baino lehenagoko azken aukera argia 'Chory' Castrorena izan da, baina Saizarrek bikain desbideratu du baloia. 

Bigarren zatiko lehen minutuetan txuri-urdinak erasokor aritu dira, baina ez dute aukera argirik izan. Ruben Pardo urrunetik saiatu da 55.  minutuan, baina Kordobako atezainak baloia kornerrera bidali du.  Dubarbierrek Kordobarentzat lehena egiteko aukera aparta izan du, baina Zubikaraik bikain desbideratu du jaurtiketa.

65. minutuan Kordobak berdinketaren gola egin du; Kiko Olivasek hegaleko falta bat bikain errematatu eta 1-1ekoa jarri du. Donostiarrei kanporaketa are beltzago jarri zaie 71. minutuan Dubarbierrek 1-2koa egin duenean. 84. minutuan Agirretxek txuri-urdinen bigarren gola lortu du (2-2); hala ere, Reala Erregearen Kopatik kanpo geratu da. 

Fitxa teknikoa:

Reala: Zubikarai; Estrada, Mikel Gonzalez, Iñigo Martinez, Jose Angel; Illarramendi (Ifran, 68. minutua), Ruben Pardo, Zurutuza (Xabi Prieto, 49. minutua); Griezmann (Vela, 77. minutua), Chory Castro eta Agirretxe.

Kordoba: Saizar; Fuentes, Gaspar, Fernandez, Kiko; Lopez Garay, Caballero (Alberto, 75. minutua); Dubarbier; Lopez Silva (Cristian, 68. minutua), Patiño (Vico, 80. minutua) eta Abel.

Golak: 1-0, 20. minutua: Griezmann. 1-1, 65. minutua: Kiko. 1-2, 72. minutua: Dubarbier. 2-2, 84. minutua: Agirretxe.

Reala Malagaren aurka irabaztera behartuta dago

Txuri-urdinek hiru puntuak behar dituzte jeitsiera postuetatik urruntzeko

Realak Malagaren aurka jokatuko du larubat honetan gaueko hamarretan. Jeitsiera postuetan ez sartzeko arriskuan ez egoteko talde andaluziarraren aurka irabazi beharko dute Montanierren mutilek. Talde donostiarrak baja garrantzitsu bat izango du, Antoine Griezmannek lesionatuta jarraitzen du.

Realak ez du urtarriletik etxetik kanpo irabazten eta beste porrot batek gauzak asko zaildu lizkioke Donostiako taldeari. Markel eta Griezmann baja izango dira lesioagatik, baina Imanol Agirretxe eta Asier Illarramendi Rosaledan jokatzeko prest egongo dira. Montanierrek Sanseko bi jokalari ere deitu ditu: Victor Fuchs eta Pablo Hervias. 

Deialdiak:

Malaga: Kameni, Willy, Gamez, Eliseu, S. Sanchez, Onyewu, Weligton, Joaquin, Toulalan, Iturra, Duda, Portillo, Buonanotte, Isco, Recio, Santa Cruz, Saviola eta Sebas

Reala: Royo, Zubikarai, Dani Estrada, Carlos Martínez, Ansotegi, Mikel, Iñigo, De la Bella, José Ángel, Javi Ros, Rubén Pardo, Illarramendi, Fuchs, Xabi Prieto, Agirretxe, Vela, Ifrán, Hervias eta 'Chory' Castro

Epailea: Undiano Mallenco

Realak Anoetako indarra berreskuratu nahi du

Txuri-urdinek bihar eguerdiko hamabietan jokatuko dute Anoetan Espanyolen aurkako partida

Reala Erregearen Kopan Kordobaren aurka galtzetik dator (2-0), igande honetan Espanyolen aurka garaipena bilatuko du Anoetan. Horrela, Atletico Madrilen aurka galdu baino lehen zuen indarra berrezkuratuz. 

Txuri-urdinek etxean lau partidatik hiru irabazi badituzte ere, etxetik kanpoan ez dabiltza batere fin. Zaleak urduritzen hasiak dira eta Montanierren taldeak armailetako konfidantza berreskuratu nahi badu, ezinbestekoa izango du Espanyolen aurka hiru puntuak eskuratzea.

Bravo, Zurutuza, Elustondo, Cadamuro eta Griezmannek lesionatuta jarraitzen dute, beraz, ez dira deialdian sartu. Kordobaren aurkako zerrendarekin alderatuz, De la Bella sartu da eta Fuchs Sanseko jokalaria kanpoan geratu da. Javi Ros azken momenturarte zalantza izan bada ere, deialdian sartu da.

http://spanishfootballsports.blogspot.com.es

Deialdiak:

Reala: Royo, Zubikarai, Dani Estrada, Carlos Martínez, Ansotegi, Mikel, Iñigo, De la Bella, José Ángel, Javi Ros, Markel, Rubén Pardo, Illarramendi, Xabi Prieto, Agirretxe, Vela, Ifrán eta 'Chory' Castro

Espanyol: C. Álvarez, F. Mattioni, Raúl Rodríguez, Tejera, Raúl Baena, Stuani, Sergio García, J. Verdú, Rui Fonte, Longo, K. Casilla, Galán, H. Moreno, Capdevila, Colotto, Simao, Wakaso, C. Gómez, Christian Alfonso eta V. Álvarez

Epailea: Paradas Romero