Partida zoroa Anoetan (3-3)

Txuri-urdinek ez dute Txapeldunen Ligako postuetan sartzea lortu

Realak eta Betisek puntu bana lortu dute, edozeinek irabazi zezakeen partida zoro batean. Talde bakoitzak hiruna gol sartu ditu eta bi taldeak partida jokatu aurretik zeuden postuetan geratu dira. Jorge Molina eta Pabón (2) izan dira Andaluziako taldeko goleatzaileak. Carlos Velak, Iñigo Martínezek eta X. Prietok, berriz, etxeko taldearentzat egin dituzte golak.

Realak indartsu hasi du partida, lehen aukera garbia Agirretxerena izan da, Velaren pase baten ostean, baina Adrianek gelditzea lortu du. Bi taldeek izan dituzte zenbait aukera, baina Montanierren gizonek intentsitate handiagoa eman diote jokoari. Ondoren, 10. minutuan, Pabonek kontraeraso batean urrunetik gola egiteko aukera izan du, baina baloia gora joan da. Jarraian, Xabi Prieto gola egiteko zorian egon da, baina donostiarrak ezin izan du Zurutuzak jarritako baloia errematatu. 16. minutuan Mariok akats bat egin du eta oso aukera argia izan du Carlos Velak, baina atezainak gelditu egin du.  

 

Reala oso ondo ari zen jokatzen 23. minutuan Griezmannek gol bikain bat sartu duenean. Baina epaileak baliogabetu egin du, frantziarra ez zegoen jokoz kanpo. Beste aukera on bat izan du Realak baina Agirretxeren burukadak zutoinean jo eta Betisek kontraerasoa bikain burutu du. Jorge Molina 0-1ekoa egin du 29. minutuan.

Markagailuari buelta ematen saiatu da Reala, baina gola egin ondoren eroso aritu da Pepe Melen taldea. Realak kontraerasora irten ondoren amaitu da lehen zatia, baina ez du inork errematatu Carlos Martinezen errematea. Betis gehiago zela iritsi da atsedenaladia.

Bigarren zatia hasi era bereala Sevillako taldearentzat bigarrena egin du Pabonek, Mikel Gonzalezen akats larri bat aprobetxatuz. Bi minutu geroago, txuri-urdinei gauzak oso zail jarri zaizkiela zirudienean, Velak 1-2koa egin du. Hortik gutxira, 57. minutuan Iñigo Martinezek neurketa berdintzea lortu du burukada batez. Berdindu bezain laster, 60. minutuan, Iglesias Villanueva epaileak penaltia adierazi du Angel Lopezek area barruan baloia eskuarekin ukitu ondoren. Xabi Prietok Panenka estiloan 3-2koa egitea lortu du. Partida zoratu egin da.

Betisen taldeak ez du denbora askorik hartu norgehiagoko berdintzeko, izan ere, 68. minutuan Pabonek gol bilakatu du,  Ruben Castrorekin egin duen jokaldia. Momentu horretatik aurrera edozein taldek eraman zitzakeen hiru puntuak. Aukera argiena Amaya bere aten gola sartzeko zorian egon denean izan da, Adrianek Agirretxeren aukera bat eten ondoren. Azken momentura arte partidak erritmorik galdu ez duen arren, berdinketarekin bukatu da partida.

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella; Bergara, Zurutuza (Ruben Pardo, 66. min.), Xabi Prieto (Diego Ifran, 80. min); Griezmann, Vela eta Agirretxe.

Betis: Adrian, Angel, Mario, Antonio, Nacho; Cañas, Beñat (Chica, 82. min.), Campbell (Nono, 66. min.), Juan Carlos (Castro, 63. min.); Pabon eta Molina.

Golak: 0-1, 29. min.: Jorge Molina. 0-2. 48. min.: Pabon. 1-2, 50. min.: Carlos Vela. 2-2, 57. min.: Iñigo Martinez. 3-2, 60. min.: Xabi Prieto (p). 3-3, 67. min.: Pabon.

Realak ezustekoa eman nahi du Bernabeun

Txuri-urdinak bolada onean daude, azken zazpi jardunaldietan ez baitute galdu

Gaur arratsaldeko 17:00etatik Montanierren mutilek Real Madrilen krisiari probetxua ateratzea bilatuko dute, berain bolada ona luzatzeko asmoz. Realak 2004an irabazi zuen azkeneangoz Santiago Bernabeu futbol zelaian eta 2006an berdinketa lortu zuen. 

Txuri-urdinek Madrilen hiru puntuak lortu ezkero, gertuago izango dute 2013an Europa Leaguen jokatzeko ametsa. 

http://corazontxuriurdin.blogspot.com.es/

Agirretxe gastroenteritisak jota dago eta ez da Real Madrilen aurka jokatzeko deialdian sartu. Carlos Martinez eta Markel ere lesioagatik geratu dira kanpoan. Nobedade nagusia Elustondoren itzulera da eta Illarramendi ere azkenean deialdian sartu da. Javi Ros ere zerrendara itzuli da. 

Deialdiak:

Real Madrid: Iker Casillas, Antonio Adán y Jesús Fernández, Varane, Carvalho, Arbeloa, Llorente, Nacho, Jesús, Xabi Alonso, Khedira, Özil, Essien, Modric, Callejón, Di María, Kaká, Cristiano Ronaldo, Higuaín eta Benzema

Reala: Bravo, Zubikarai, Dani Estrada, Mikel, Ansotegi, Iñigo, De la Bella, Jose Angel, Illarra, Rubén Pardo, Zurutuza, Elustondo, Xabi Prieto, Vela, Ifrán, 'Chory' Castro eta Griezmann 

Epailea: Iglesias Villanueva

Meriturik gabeko garaipena (2-0)

Realak hiru puntuak lortu ditu Anoetan Zaragozaren aurka jokatutako partidan

Txuri-urdinek sendo jarraitzen dute Anoetan. Meritu handirik egin gabe, Montanierren mutilek, Zaragoza mendean hartu dute Iñigo Martinez eta Carlos Velaren golei esker. Horrela, denboraldi honetan etxean jokatutako partida guztiaz irabazi dituzte.

Lehen zatian ez da gol aukera askorik izan eta jokoa aspergarria izan da. Lehen aukera Zaragozak izan du zortzigarren minutuan, baina Bravok ederki geratu du Postigaren jaurtiketa. Lehengo zatiaren amaiera arte Zaragozarrak izan da nagusi; hala ere, ez dute arrisku handiegirik sortu. 

Montanierren taldeari asko kostatu zaio gol aukerak sortzea, ez du abagunerik izan lehen zatiko amaiera arte. De la Bellaren jaurtiketari erantzun ona eman dio Roberto atezainak. Minutu gutxi eta gero, Griezmann bakarrik geratu da Zaragozako atezainaren aurrean, baina Robertok gelditu ikusgarria egin du. Atsedenaldia 0-0ko markailuarekin iritsi da.

Bigarren zatia biziagoa izan da eta gol aukera gehiago izan dira. Neurketa parekatuta egon da, baina reala 57. minutuan markagailuan aurreratu da. Realak korner bat atera eta Iñigo Martinezek 1-0koa jarri du. Golaren ondoren, Zaragoza berdinketa lortzen saiatu arren, ez du aukera argirik sortu. 

Realak erosoago jokatu du markagailuan aurretik joanda, horrela, gol aukerak areagotuz. Gola sartu eta lau minutura, Paredesek area barruan falta egin dio Carlos Velari. Iglesias Villanueva epaileak penaltia adierazi du eta Carlos Velak ez du hutsik egin, 2-0koa jarriz. 

Bi gol jaso ondoren, Zaragoza saiatu da aldea murrizten, baina Reala sendo ibili da defensa lanetan. Txuri-urdinak saiatu dira min gehiago egiten, baina ez dute asmatu. 2-0eko markagailuarekin heldu da partidaren amaiera. Esfortsu handirik gabe, errealak hiru puntuak eskuratu ditu.

Fitxa teknikoa:

Reala: Bravo; Estrada, Mikel Gonzalez, Iñigo Martinez, De la Bella; Markel, Illarramendi, Zurutuza (Ros, 77. min); Griezmann, Vela (Ifran, 85. min) eta Agirretxe (Jose Angel, 82. min).

Zaragoza: Roberto; Abraham, Paredes, Alvaro, Sapunaru; Montañes, Zuculini (Apoño, 63. min), Stefan (Álamo, 75. min), Jose Mari, Edu Oriol (Aranda, 63. min); Helder Postiga.

Golak: 1-0, 55. min: Iñigo Martinez. 2-0, 61. min: Vela.