Txuri-urdinek Txapeldunen Liga jokatuko dute

Realak Deporren aurka irabazi (0-1) eta Valentziak galdu egin du Sevillan (4-3)

Txuri-urdinek ez du Deporren aurka hutsik egin eta Valentziak, berriz, Sevillaren aurka galdu egin du. Ondorioz, Realak Txapeldunen Liga jokatzeko txartela lortu du. Donostiarren garaipenaren ondorioz, Deportivo Bigarren Mailara jaitsi da. 

Lehen zatiaren hasieran ez da aukera eskorik egon, hala ere, lehen abagunea Deportivok zian du, baina Brunoren jaurtiketa kanpora joan da. Partidako gol bakarra 22. minutuan iritsi da. Agirretxek jokaldi on bat egin du Ze Castro lurrean utzita, usurbildarraren jaurtiketa Aranzubiak desbideratu du, baina Griezmann adi egon da baloia sare barrura bidaltzeko 0-1ekoa eginez.

www.telecinco.es

Realak gola egin ondoren asko zaildu zaio kontua Deportivori. Galiziarrek jaitsiera zuten jokoan, baina aukera argienak Montanierren mutilek izan dituzte. Atsedenaldia iritsi aurretik, Carlso Velak donostiarrentzat bigarrena egiteko aukera izan du, baina errematean huts egin du. Horrenbestez, atsedeladia 0-1eko markagailuarekin iritsi da. 

Bigarren zatian indartsu irten da Depor eta abagune argienak etxeko taldeak izan ditu. Oliveirak Bravoren atea arriskua sortu duen arren, ez du txiletarra gainditzea lortu. Ondoren Salomaoren jaurtiketari ere, bikain erantzun dio Realeko atezainak. 84. minutuan Markel Bergaren bigarren txartel horia ikusi du eta txuri-urdinak jokalari bat gutxiagorekin geratu dira. Deportivo gogor saiatu da norgehiagoka berdintzen, baina ez du lortu. Realak oso lan ona egin du defentsan. Partida donostiarren garaipenarekin amaitu da. Txanponaren bi aurpegiak, Deportivo Bigarren Mailara eta Reala Txapeldunen Ligara.

www.marca.com

Fitxa teknikoa:

Deportivo: Aranzubia; Manuel Pablo, Aythami (Nélson Oliveira, 56. min), Ze Castro, Sílvio; Abel Aguilar, Juan Dominguez; Bruno Gama (Salomao, 46. min), Valeron, Pizzi; eta Riki.

Reala: Bravo; Carlos Martinez, Íñigo Martinez, Mikel, De la Bella; Illarramendi ('Chory' Castro, 79. min), Bergara, Xabi Prieto (Ansotegi, 86. min); Vela (Zurutuza, 70. min), Agirretxe eta Griezmann.

Golak: 0-1, 22. min: Griezmann.

Pausu bat gehiago Txapeldunen Ligarantza (1-2)

Realak urrezko garaipena lortu du Sevillaren aurka

Txuri-urdinek Sanchez Pizjuan zelaian Sevillaren aurka 1-2 irabazi ondoren, datorren denboraldian Txapeldunen Ligan jokatzea ahalbidetzen duen laugarren postuan jarraitzen dute. Valentziak ez du Getaferen aurrean hutsik egin eta 0-1 irabazi du. Beraz, bi taldeak puntuetara berdinduta daude, baina averagea donostiarren aldekoa da. 

Partida bizi hasi da eta lehenengo gola 9. minutuan heldu da. Rakiticek Bravo ederki gainditu eta Sevilla markagailuan aurretik jartzea lortu du (1-0). Bigarren gola ere Kroaziarrak egin du, baina oraingoan atez erratu eta nahigabe Realarentzat egin du gola, markagailuan 1-1eko berdinketa ezarriz. 

Txuri-urdinek bigarrena egin nahi izan dute kosta ala kosta eta 24. minutuan Agirretxek 1-2koa egitea lortu du. Carlos Martinezen erdiraketa bat ederki aprobetxatu du usurbildarrak eta Betok ezin izan du baloia desbideratu. Ondoren, Rakitic beste gol bat egiteko zorian egon da, baina Claudio Bravok bikain gelditu du baloia. 33. minutuan, Agirretxek aukera argia izan du, baina Sevillako atezainak kornerrera bidali du. Atsedenaldia 1-2ko markagailuarekin iritsi da. 

Bigarren zatian, Montanierren mutilek dezente sufritu dute, batez ere estrategiazko jokaldietan. Negredo izan da gola sartzeko abagune gehien izan dituena. Hala ere, ez du Claudio Bravo gainditzea lortu. 60. minutuan Carlos Velak hirugarrena egiteko aukera paregabea izan du, baina Betok gelditu ikusgarria egin du. 

Minutu gutxira, 68. minutuan, Cala partida berdintzeko zorioan egon da, baina bere errematea langa gainetik kanpora joan da. Sevilla gogor saiatu da berdinketa lortzen eta defentsa txuri-urdinak lan eskerga izan dute partidaren amaieran. 83. minutuan Realaren aukerarik argiena iritsi da, Griezmann 1-3koa egiteko puntuan egon da, baina, berriz ere, Betok kornerrera bidali du baloia. Azkenean Realak lortu ditu hiru puntuak. 

Fitxa teknikoa:

Sevilla: Beto; Coke (Cicinho, 66. minutuan), Cala, Fernando Navarro, Alberto Moreno; Medel (Stevanovic, 88. minutuan), Rakitic, Kondogbia; Jesus Navas, Perotti (Baba, 66. minutuan); eta Negredo. 

Reala: Claudio Bravo; Carlos Martinez, Iñigo Martínez, Cadamuro, De la Bella; Illarramendi (Javi Ros, 88. minutuan), Bergara, Xabi Prieto; Griezmann (Chory Castro, 88. minutuan), Carlos Vela (Estrada, 79. minutuan) eta Agirretxe. 

Golak: 1-0, 10. minutuan: Rakitic. 1-1, 16. minutuan: Rakitic, bere atean. 1-2, 24. minutuan: Agirretxe.

Ihes egin dio garaipenak Realari (2-2)

Txuri-urdinek gehiegi barkatu ostean, Granadak azken minutuan sartu du berdinketaren gola

Realak eta Granadak 2-2ko berdinketa lortu dute Anoetan. Montanierren taldeak gehiegi barkatu du eta azken minutuan Reciok egindako golak puntu bakarrarekin utzi du Reala. Donostiarrek laugarren postuan jarraitzen dute oraindik, baina Valentziarekin puntuetara berdinduta. Izan ere, averagea Realaren aldekoa da. 

Partidaren hasieran ia ez da aukerarik egon. Izan ere, abaguneak ez dira estrategia jokaldietaraino etorri. 8. minutuan, Velak falta bat atera eta Agirretxek ez du area txikitik huts egin 1-0ekoa eginez. Usurbildarra jokoz kanpo zegoen arren, epaileak ez du ezer adierazi. Minutu gutxira, 14. minutuan, Granadak markagailuan berdinketa jartzea lortu du. Andaluziako taldea kontraerasoan atera eta El Arabik ez du barkatu. 

Berdinketarekin partidaren erritmoak behera egin du. Ondorioz, parekotasuna izan da nagusi eta abaguneak eskasak izan dira. Atsedenaldira partida berdinduta iritsiko zela ematen zuenean, lehen zatiko azken minutuan, Realak 2-1ekoa egin du. Velak jokaldi eder batean, area ertzetik erdiraketa bikaina egin eta agirretxek bularrarekin bidali du baloia sare barrura. Honenbestez, 2-1eko emaitzarekin iritsi da partida atsedenaldira. 

www.eitb.com

Bigarren zatian Montanierren taldea izan da nagusi. Lehen minutuetan aukera argiak izan dituzte, baina Agirretxeren eta Velaren erremateak zutoinera joan dira. Txuri-urdinek larregi barkatu dute eta Granada lur jota egon da. Hala ere, Andaluziako taldeak estrategia jokaldi bat ederki bideratu eta partida berdintzeko zorioan egon dira. Bravok erantzun bikaina eman dio erremateari. 

Donostiarrak gehiegi barkatzen ari zirela ikusita, Granada gora joan da berdinketa egiteko asmoz. Bravok lan handia egin behar izan du norgehiagokako azken minutuetan. Granadak aukera onak izan ditu, baina atezain txiletarra fin aritu da. Azken minutuetan kanpoko taldea izan da jaun eta jabe; hala ere, 89. minutuan, Estradak hirugarrena sartzeko aukera izan du, baina Roberto atezainak ederki erantzun du. Realak hiru puntuak eramango zituela ematen zuenean, azken jokaldian, defentsa txuri-urdinak huts egin eta Reciok sare barrura bidali du errematea 2-2ko berdinketa eginez. Horrenbestez, puntu banarekin geratu da talde bakoitza. 

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella (Cadamuro, 88. min); Bergara, Xabi Prieto, Griezmann; Castro (Ifran, 66. min), Agirretxe, Vela (Estrada, 80. min).

Granada: Roberto; Nyom, Mainz, Diakhate, Siqueira (Angulo, 46. min); Torje (Aranda, 57. min), Mikel Rico, Recio, Nolito; Brahimi; El-Arabi (Bounanotte, 73. min).

Golak: 1-0, 9. min: Agirretxe. 1-1, 15. min: El Arabi. 2-1, 44. min: Agirretxe. 2-2, 93. min: Recio.

Realak 117 egun eta gero berriro galdu du (2-1)

Txuri-urdinek, Getaferen aurka galdu ondoren, amaiera eman diote bolada onari 

Realak 2-1 galdu du Getaren aurka Alfonso Perez Coliseum zelaian. Honenbestez, Montanierren gizonek amaiera eman diote bolada onari 117 partida galdu gabe igaro ondoren. Txuri-urdinek laugarren postuan jarraitzen dute, baina Valentziarekiko zuten bost puntuko aldea bira murriztu da. 

Partida oso erritmo biziarearekin hasi da, bi taldeak golan bila irten dira lehen minututik. Lehengo aukerarekin batera, lehengo gola iritsi da. Izan ere, laugarren minutuan, Carlos Velak ongi errematatu du Zurutuzak hegaletik egindako erdiraketa bikaina, horrela 0-1ekoa eginez. 

Gola sartu eta ondorengo minutuetan Reala izan da nagusi, donostiarrek izan dute baloia. Baina Moyaren atera ez zirela apenas iristen ikusita, Madrilgo taldea zelaian gero eta erosoago sentitzen hasi da. Horrela, neurketako 18. minutuan Markel Bergarak huts egin du area ertzean pase bat ematerakoan eta Pedro Leonek ederki aprobetxatu eta ez du Claudio Bravoren aurrean hutsik egin (1-1). 

Golak guztiz irekita utzi du partida eta bi taldeak joan dira bigarrena egiteko abaguneen bila. 30. minutuan Lafitak aukera argia izan du, baina baloia kanpora joan da. Hiru minutu geroago, Moyak ederki erantzun du Carlos Velaren errematearen aurrean. Atsedenaldia iristear zela, 38. minuruan, Barradak Bravoren desbideraketa oker bat baliatu du Getafe markagailuan aurretik jartzeko (2-1). Atsedenaldia 1-2ko markagailuarekin iritsi da. 

Bigarren zatiaren hasieran, donostiarrak berdinketaren golaren bila irten dira, baina Getafek ederki eutsi dio. Partidaren azken ordu laurdenera arte ez da ia abagunerik egon. 77. minutuan 'Chory' Castrok erdiraketa bikaina egin du, baina Agirretxe eta Vela ez dira iritsi. Hortik sei minutuara, Carlos Martinezek aukera bikaina izan du, baina errematea kanpora joan zaio. Realaren azken aukera Griezmannek izan du 84. minutuan, baina baloia langa gainetik kanpora bidali du. Azken minutuetan Getafek hirugarrena egiteko aukerak izan ditu, baina partida 1-2ko emaitzarekin amaitu da. 

Fitxa teknikoa:

Getafe: Moya; Valera, Rafa (Lopo, 82. min), Fede, Mane; Lacen, Borja (Xavi Torres, 76. min); Pedro Leon, Barrada (Sarabia, 71. min) Diego Castro eta Lafita.

Reala: Bravo; Carlos Martinez (Estrada, 82. min), Mikel Gonzalez, Iñigo Martinez, De la Bella; Bergara, Ruben Pardo (Chory Castro, 67. min); Vela, Zurutuza (Ifran, 76. min) Griezmann; eta Agirretxe.

Golak: 0-1, 4. min: Vela; 1-1, 18. min: Pedro Leon; 2-1, 39. min: Barrada.

Denboraldiko bi errebelazioek Europan jokatu nahi dute

Rayok eta Realak elkarren aurka jokatuko dute bihar Vallecaseko futbol zelaian

Igande honetan Rayok eta Realak elkarren aurka jokatuko dute eguerdiko 12:00etatik aurrera. Txuri-urdinek laugarren postua mantendu nahi dute eta Vallecaseko taldeak Europa Leaguea jokatzea ahalbidetzen duten postuetan sartzea du helburu. 

Illarra, 'Chory' Castro eta Elustondo min hartuta egon diren arren, deialdian sartu dira. Ruben Pardok, ordea, min hartuta jarraitzen du eta ez da Vallecasen jokatzeko prest egongo. Horretaz gain, Zurutuza hiru astetan zehar baja izango da. Jose Angel eta Dani Estrada erabaki teknikoagatik zerrendatik kanpo utzi ditu Philippe Montanierrek. 

www.diariovasco.com/

Deialdiak:

Rayo: Rúben, Cobeño, Arbilla, Tito, Casado, Amat, Gálvez, Jordi Figueras, Javi Fuego, Trashorras, Franco Vázquez, Chori Domínguez, Juan Carlos, Piti, Adrián, Lass, Léo Baptistao eta Delibasic

Reala: Bravo, Zubikarai, Carlos Martínez, Mikel, Ansotegi, Cadamuro, Iñigo, De la Bella, Illarra, Elustondo, Markel, Javi Ros, Xabi Prieto, Vela, Agirretxe, 'Chory' Castro, Ifrán eta Griezmann 

Epailea: Álvarez Izquierdo

Festa txuri-urdinak aurrera darrai (4-2)

Realak sailkapenean Malagarengandik urruntzea lortu du Anoetan irabazi ondoren

Txuri-urdinek 4-2 irabazi ditoe Malagari Anoetan, ondorioz, Montanierren tadeak bizirik eta indartsu jarraitzen du Txapeldunen Liga jokatzeko lehian. Pellegriniren taldea horretarako aurkari zuzena da eta harekiko bost puntuko abantaila lortu du Realak. 

Partidaren hasiera eskasa izan dute bi taldeek eta lehen ordu laurdenean ez da abagunerik egon. Lehen aukera eta gola 20. minutuan iritsi da, Griezmannek egindako jaurtiketa indarstuak langa jo du eta ondoren, Velak baloia sarera bidali du. Horrela, mexikarra izan da Realaren historiako 3000. gola egin duena. Realak erasoan jarraitu du eta bost minutu beranduago eta De la Bellak area kanpoko jaurtiketa baten bidez, 2-0ekoa egitea lortu du. Montanierren gizonak gora etorri dira eta 30. minutuan Griezmannek 3-0ekoa egin du kontraeraso bati amaiera ederra emanez. 

Atsedenaldia iristeko minutu bat falta zenean Malagak lehenengo gola egitea lortu du. Pedro Moralesek bolea baten bidez Bravo gainditzea lortu du. Horrenbestez, 3-1eko markagailuarekin joan dira jokalariak aldageletara. 

Bigarren zatia hasi eta minutu gutxira, Realak guztiz erabakita utzi du norgehiagoka. Izan ere, 51. minutuan, Iñigo Martinezek korner batean 4-1ekoa egin du. Gol honen ondoren, guztiz galduta geratu da talde andaluziarra. Carlos Velak partida biribiltzeko aukera izan du, baina baloia zutoinera joan da. 

Realak partida kontrolpean zuela, Santa Cruzek 4-2koa egin du 70. minutuan. Malagaren  bigarren golaren ondoren, Montanierren mutilek lan ona egin dute defentsan eta garaipenarekin iritsi da partidaren amaiera. 

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella; Illarramendi, Bergara, Zurutuza (Pardo, 30. min); Griezmann (Ifran, 84. min), Vela (Estrada, 65. min) eta Agirretxe.

Malaga: Kameni; Sergio Sanchez, Lugano, Weligton, Antunes; Portillo (Duda, 57. min), Camacho (Baptista, 74. min), Iturra, Morales (Piazon, 63. min); Sebastian Fernandez eta Santa Cruz.

Golak: 1-0, 20. min: Vela. 2-0, 23. min: De la Bella. 3-0, 29. min: Griezmann. 3-1, 43. min: Morales. 4-1, 51. min: Iñigo Martinez. 4-2, 70. min: Santa Cruz.

Realak Malaga atzean utzi nahi du

Garaipen batek Txapeldunen Ligara asko hurbilduko luke talde txuri-urdina

Gaur 16:00etatik aurrera jokatuko da Reala eta Malagaren arteko neurketa Anoetan. Talde andaluziarra txuri-urdinen arerio zuzena da, beraz, garaipen batek Txapeldunen Liga jokatzeko aurrerapausu handia emango lukete Montanierren gizonek. 

Realak Xabi Prieto gabe hartu beharko du Malaga, izan ere, kontraktura baten ondorioz, Montanierrek eman duen zerrendatik at geratu da donostiarra. Claudio Bravo eta Carlos Vela, aldiz, lesioetatik sendatuta, deialdira itzuli dira. 

www.marca.com

Deialdiak:

Reala: Bravo, Zubikarai, Carlos Martínez, Dani Estrada, Mikel, Ansotegi, Iñigo, Cadamuro, De la Bella, José Ángel, Zurutuza, Rubén Pardo, Markel, Illarra, Vela, Agirretxe, Griezmann eta Ifrán

Malaga: Kameni, Jesús Gámez, Weligton, Lugano, Demichelis, Camacho, Joaquín, Toulalan, Baptista, Seba, Lucas Piazon, Willy, Pedro Morales, Iturra, Duda, Portillo, Sergio Sánchez, Isco, Santa Cruz  eta Antunes

Epailea: Undiano Mallenco

Geldialdiaren ondoren, Realak segida eman nahi dio bolada onari

Txuri-urdinek baja garrantzitsuekin egin beharko diote aurre Espanyolen aurkako partidari

Bihar 19:00etatik aurrera jokatuko da Espanyol eta Realaren arteko neurketa Cornellà-El Prat futbol zelaian. Espanyolera Aguirre heldu zenetik, narbarmen egin dute onera Kataluinako taldearen emaitzek. Hala ere, Montanierren mutilek laugarren postuari eustea dute helburu.

Relak baja garrantzitsuak ditu partida hau jokatzeko. Izan ere, Claudio Bravo, Carlos Vela eta 'Chory' Castro lesioagatik zerrendatik kanpo geratu dira. Enrique Royok, Sanseko atezainak, txiletarraren lekua beteko du Philippe Montanierrek emandako deialdian. Javi Ros ere zerrendara itzuli da. 

www.eitb.com

Deialdiak:

Espanyol: C. Álvarez, F. Mattioni, Raúl Rodríguez, Víctor Sánchez, Forlín, Baena, Stuani, Sergio García, Verdú, Longo, Kiko Casilla, H. Moreno, Javi López, Petrov, Colotto, Simao, Christian Alfonso eta Víctor Álvarez

Reala: Zubikarai, Royo, Carlos Martínez, Dani Estrada, Mikel, Ansotegi, Cadamuro, Iñigo, De la Bella, Illarra, Rubén Pardo, Zurutuza, Markel, Javi Ros, Xabi Prieto, Vela, Agirretxe, Ifrán eta Griezmann 

Epailea: Pérez Montero

Partida zoroa Anoetan (3-3)

Txuri-urdinek ez dute Txapeldunen Ligako postuetan sartzea lortu

Realak eta Betisek puntu bana lortu dute, edozeinek irabazi zezakeen partida zoro batean. Talde bakoitzak hiruna gol sartu ditu eta bi taldeak partida jokatu aurretik zeuden postuetan geratu dira. Jorge Molina eta Pabón (2) izan dira Andaluziako taldeko goleatzaileak. Carlos Velak, Iñigo Martínezek eta X. Prietok, berriz, etxeko taldearentzat egin dituzte golak.

Realak indartsu hasi du partida, lehen aukera garbia Agirretxerena izan da, Velaren pase baten ostean, baina Adrianek gelditzea lortu du. Bi taldeek izan dituzte zenbait aukera, baina Montanierren gizonek intentsitate handiagoa eman diote jokoari. Ondoren, 10. minutuan, Pabonek kontraeraso batean urrunetik gola egiteko aukera izan du, baina baloia gora joan da. Jarraian, Xabi Prieto gola egiteko zorian egon da, baina donostiarrak ezin izan du Zurutuzak jarritako baloia errematatu. 16. minutuan Mariok akats bat egin du eta oso aukera argia izan du Carlos Velak, baina atezainak gelditu egin du.  

 

Reala oso ondo ari zen jokatzen 23. minutuan Griezmannek gol bikain bat sartu duenean. Baina epaileak baliogabetu egin du, frantziarra ez zegoen jokoz kanpo. Beste aukera on bat izan du Realak baina Agirretxeren burukadak zutoinean jo eta Betisek kontraerasoa bikain burutu du. Jorge Molina 0-1ekoa egin du 29. minutuan.

Markagailuari buelta ematen saiatu da Reala, baina gola egin ondoren eroso aritu da Pepe Melen taldea. Realak kontraerasora irten ondoren amaitu da lehen zatia, baina ez du inork errematatu Carlos Martinezen errematea. Betis gehiago zela iritsi da atsedenaladia.

Bigarren zatia hasi era bereala Sevillako taldearentzat bigarrena egin du Pabonek, Mikel Gonzalezen akats larri bat aprobetxatuz. Bi minutu geroago, txuri-urdinei gauzak oso zail jarri zaizkiela zirudienean, Velak 1-2koa egin du. Hortik gutxira, 57. minutuan Iñigo Martinezek neurketa berdintzea lortu du burukada batez. Berdindu bezain laster, 60. minutuan, Iglesias Villanueva epaileak penaltia adierazi du Angel Lopezek area barruan baloia eskuarekin ukitu ondoren. Xabi Prietok Panenka estiloan 3-2koa egitea lortu du. Partida zoratu egin da.

Betisen taldeak ez du denbora askorik hartu norgehiagoko berdintzeko, izan ere, 68. minutuan Pabonek gol bilakatu du,  Ruben Castrorekin egin duen jokaldia. Momentu horretatik aurrera edozein taldek eraman zitzakeen hiru puntuak. Aukera argiena Amaya bere aten gola sartzeko zorian egon denean izan da, Adrianek Agirretxeren aukera bat eten ondoren. Azken momentura arte partidak erritmorik galdu ez duen arren, berdinketarekin bukatu da partida.

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella; Bergara, Zurutuza (Ruben Pardo, 66. min.), Xabi Prieto (Diego Ifran, 80. min); Griezmann, Vela eta Agirretxe.

Betis: Adrian, Angel, Mario, Antonio, Nacho; Cañas, Beñat (Chica, 82. min.), Campbell (Nono, 66. min.), Juan Carlos (Castro, 63. min.); Pabon eta Molina.

Golak: 0-1, 29. min.: Jorge Molina. 0-2. 48. min.: Pabon. 1-2, 50. min.: Carlos Vela. 2-2, 57. min.: Iñigo Martinez. 3-2, 60. min.: Xabi Prieto (p). 3-3, 67. min.: Pabon.

Realak garaipen batekin agurtu du Katedrala (1-3)

 Athletic irabazten hasi den arren, txuri-urdinek erraz irauli dute markagailua

Realak aise irabazi du San Mames zaharrean jokatu den azken derbia. Zuri-gorriek hobeto hasi dute partida eta markagailuan aurretik jartzea lortu dite. Baina ez die pozak askorik iraun, Realak berehala berdindu du partida eta bigarren zatian markagailua iraultzea lortu dute jokalari txuri-urdinek.

Lehen zatian Athletic hasi da agintzen eta txuri-urdinek defentsa sendo mantentzeko sufritu egin dute. Adurizek bi aukera izan ditu partidaren hasieran, baina aurrelariak ez du golik sartzerik lortu.Agirretxek ere aukera argi bat izan du, baina usurbildarraren jaurtiketa zuzenean kanpora joan da. Realak presioa egin duen arren, Bielsaren mutilek sakatzen jarraitu dute. Adurizek aukera bikain bat izan du, baina Claudio Bravok gelditu erabakigarria egin du.

30. minutuan Ibai Gomezek 1-0ekoa egin du, Santutxuko jokalariak jaurtiketa indartsu batekin Bravo gainditzea lortu du. Hala ere, zuri-gorrien pozak ez du askorik iraun. Izan ere, 34. minutuan, Griezmannek 1-1ekoa egin du. Frantziarrak 'Chory' Castroren erdiraketa bikaina aprobetxatu du berdinketa lortzeko. Gol banarekin heldu da atsedenaldia. 

Bigarren zatian txuri-urdinak nagusi izan dira eta talde zuri-gorriak asko sufritu du defentsan. 66. mintuuan Raul atezainaren akats larri bat aprobetxatu du Agirretxek 1-2koa egiteko. Realaren golak ukituta utzi du Bilboko taldea eta partida aldapa gora jarri zaie. Montanierrek Carlos Vela zelairatu du Agirretxeren ordez, eta mexikarrak 1-3koa egin du. Athletic-ek ez du markagailuko aldea murrizteko ia aukerarik izan eta azkenean txuri-urdinak eraman dituzte hiru puntuak. Realak Europako postuetan jarraitzen du. 

Fitxa teknikoa:
Athetic: Raul; Iraola, San Jose, Laporte, Aurtenetxe (Muniain, 64. minutua); Iturraspe, De Marcos, Herrera; Susaeta, Aduriz (Llorente, 73. minutua) eta Ibai Gomez.

Reala: Bravo; Carlos Martinez, Mikel Gonzalez, Iñigo Martinez, De la Bella; Bergara, Illarramendi (Ruben Pardo, 88. minutua); Prieto, Chory Castro (Zurutuza, 75. minutua), Griezmann; eta Agirretxe (Vela, 66. minutua). 

Golak: 1-0, 30. minutua: Ibai Gomez. 1-1, 34. minutua: Griezmann. 1-2, 66. minutua: Agirretxe.

Berdinketa Anoetan (1-1)

Realak gehiago merezi izan du, baina ezin izan du Levanteren kontra irabazi

Talde txuri-urdinak ez du hirugarren garaipena jarraian lortu, baina beste puntu bat lortu du Levanteren aurkako partida berdinduz. Montanierren mutilak bolada onean jarraitzen dute, azken hamairu neurketarik bakarra baino ez baitute galdu. 

Indartsu berdeguneratu da talde txuri-urdina, baina Levante ondo kokatuta egon da eta kontraerasoak osatu ditu. Talde valentziarra hobeto zegoenean, 17. minutuan, Realak lehen gola egin du penaltiz. Nikos Karabelasek Calos Vela lurrera bota du eta aurrelari mexikarrak ez du hamaika metrotatik hutsik egin.

Gola sartu eta gero Reala ondo aritu da eta ez dio Levanteri jokatzen utzi. Hala ere, 27. minutuan epaileak Jose Ignacio Martinezen taldearen aldeko penalti bat adierazi du epaileak 'Chory' Castrok Lelliri egindako falta baten ondorioz. Michelek 1-1eko jarri du markagailuan.

Gola jaso ostean, Realak sakatzen jarraitu du, baina Valentziako taldeak ere aurkera batzuk izan ditu. Bravo oso adi egon da eta ez du gola ekiditzeko arazorik izan. Griezmannek lehen zatiaren bukaeran aukera ona zian du, baina kanpora joan zaio. Reala nagusi zela heldu da atsedenaldia.

Bigarren zatian ere Montanierren gizonak izan dira nagusi, baloia txuri-urdinena izan da eta aurkariak baino aukera gehiago izan dituzte. Aukera nagusiak Carlos Velak, 'Chory' Castrok eta Griezmannek izan dituzte. Hala ere, bigarren zatia hasi eta minutu gutxira, Levantek markagailuan aurretik jartzeko aukera izan du, baina Michelen jaurtiketak langan jo du.

56. minutuan Nikos Karabelasek bigarren txartel horia ikusi du eta Realari guztiz alde jarri zaio partida. Montanierren mutilek Levante bere zelaian sartu dute, baina valentziarrak atzean itxi dira. Zenbait aukera izan dituzten arren ez dute beste golik egitea lortu. Azkenean berdinketarekin geratu dira bi taldeak. Puntuak zapore gozoagoa izan du Levanterentzat Realarentzat baino. 

Fitxa teknikoa:

Real Sociedad: Bravo; Carlos Martinez, Iñigo Martinez, Mikel, De la Bella; Illarramendi, Bergara (Ruben Pardo, 63. min), Xabi Prieto (Agirretxe, 70. min); Griezmann, Vela y Chory Castro (Diego Ifran, 78. min).

Levante: Kiko Navas; Vintra, Iborra, Ballesteros, Lell (Pedro Lopez 46. min); Diop, Valdo, Rios (Juanfran, 59. min), Karabelas; Michel (Ruben, 79. min), Martins.

Golak: 1-0, 17.min : Vela (p). 1-1, 29.  min: Michel (p)

Garaipen lasaia Anoetan (3-0)

Realak etxean menderaezin izaten jarraitzen du

Txuri-urdinek gehiegi sufritu gabe hartu dute Mallorca mendean. Lehen zatian ez da gol aukera askorik egon, baina Caparrosen taldea bat gutxiagorekin geratu da eta donostiarrek bigarren zatian ederki aprobetxatu dute aukera. Garaipenak Europa Leaguea jokatzeko postuetatik puntu bakarrera utzi dute Reala.

Lehen zatian txuri-urdinak nagusi izan diren arren, ez da aukera argirik egon. Ruben Pardok agindu du zelai erdian eta Mallorca ez du ia arriskurik sortzeko aukerarik izan. Montanierren mutilak Calatayuden areara heldu dira, baina erdiraketa onak bururu arren, ez dute errematean asmatu. 

29. minutuan epaileak bigarren txartel hori eztabaidagarri bat erakutsi dio Javi Marquez Mallorcako jokalariari. Orduan, neurketa guztiz alde jarri zaie gipuzkoarrei. Hala ere, lehen zatiko azkenengo minutuetan Realak ez du ia aukerarik sortu eta golik gabe iritsi da atsedenaldia.

Bigarren zatian Montanierren mutilak erasora irten dira eta 55. minutuan 'Chory' Castrok 1-0ekoa jarri du markagailuan. Uruguaiarrak atezainaren aldaratze bat aprobetxatu du gola egiteko. Mallorcak ezin izan dio egoerari buelta eman eta hamabost minutu beranduago Carlos Velak 2-0ekoa egin du Ruben Pardoren pase bikain bat baliatuz. Partida amaitzear zela Ifranek 3-0ekoa egin du eta hiru puntuak Donostian geratu dira.

Fitxa teknikoa:
Reala: Bravo; Carlos Martinez, Elustondo, Iñigo Martinez, Jose Angel (Estrada, 75. minutua); Illarramendi, Ruben Pardo, Xabi Prieto; Griezmann, Chory Castro (Diego Ifran,  90. minutua) eta Vela (Agirretxe, 75. minutua).

Mallorca: Calatayud; Luna, Nunes, Geromel, Hulton; Tissone (Alfaro, 75. minutua), Javi Marquez, Nsue (Lopez, 59. minutua), Giovani; Hemed (Marti, 33. minutua) eta Casadesus.

Golak: 1-0, 55. minutua: Chory Castro. 1-1, 70. minutua: Vela. 3-0, 87. minutua: Ifran.

Realak hankak lurrean jarriz irabazi nahi dio Celtari

Txuri-urdinek Vigon beste hiru puntu eskuratu nahi dituzte Bartzelonaren aurkako garaipena ahaztuta

Bihar arratsaldeko 16:00etatik aurrera jokatuko da Reala eta Celtaren aurkako norgehiagoka. Donostiarrek azkenengo hamar partidetatik bakarra galdu dute eta hazita iritsiko dira Vigora. Iragan jardunaldian Bartzelonaren aurka irabazi eta gero (3-2), euforia alde batera utzi behar dute Celta mendean hartzeko. Etxeko taldearen egoera guztiz bestelakoa da, galiziarrek ezinbestekoa dute hiru puntuak lortzea jeitsiera postuetatik urruntzeko. 

http://deportes.terra.es/

Montanierrek defentsan arazoak izango ditu, Mikel Gonzalez eta Ion Ansotegi min hartuta baitaude. Zurutuzak ere baja medikua izaten jarraitzen du eta Cadamuro Afrikako Kopan dago. Javi Ros, aldiz, zerrendara bueltatu da. 

Carlos Vela oraingoan ere titular izango dela dirudi. Mexikok Jamaicaren aurka jokatu behar du Munduko Kopako sailkapen fasean, baina Velak deialdian egoteari uko egin dio.

Deialdiak:

Celta: Sergio Álvarez, Roberto Lago, Borja Oubiña, Jonathan Vila, Dani Abalo, Álex López, Mario Bermejo, Iago Aspas, Danijel Pranjic, Gustavo Cabral, Javi Varas, Vadim Demidov, Carlos Bellvis, I.Y. Park, Toni Rodriguez, Quique De Lucas, Krohn-Delhi, Augusto, Natxo Insa eta Jonny Castro

Reala: Bravo, Zubikarai, Carlos Martínez, Dani Estrada, Iñigo, De la Bella, Jose Angel, Illarra, Rubén Pardo, Javi Ros, Markel, Elustondo, Xabi Prieto, Vela, Agirretxe, Ifrán, 'Chory' Castro eta Griezmann 

Epailea: Paradas Romero

Realak bi puntu bidean utzi ditu (1-1)

 Txuri-urdinek ez dute aprobetxatu Deportivo jokalari bat gutxiagorekin gelditzea

Montanierren mutilek puntu bat bakarrik lortu dute, irabazteko aukera argi bat ez aprobetxatuz. Lehen zatian ez Realak, ez Deportivok ez dute joko handirik erakutsi eta bi golak jokaldi bakartuetan heldu dira. Atsedenaldiaren ondoren txuri-urdinek ez dute aprobetxatu talde galiziarra bat gutxiagorekin gelditu izana. 

Lehen zatian Reala jokaldiak sortzen saiatu da, baina Deportivo defentsan fin aritu da eta donostiarrek ez dute min emateko aukera handirik sortu. Aranzubiak erdiraketa bat gaizki desbideratu du, baina De la Bellak ez du asmatu baloia errematatzerako orduan. Minutu gutxi geroago, 27. minutuan, Deportivok Illarramendiren hanka-sartze bat aprobetxatu du 0-1ekoa egiteko. Pizzik jokaldia ondo burutu eta Bravoren aurrean ez du barkatu. 

Txuri-urdinei maldan gora jarri zaie neurketa 0-1ekoarekin eta talde andaluziarra nagusi izan da golaren ondoren. Hala ere, lehen zatia amaitzear zela, 43. minutuan, Carlos Velak baloia lapurtu eta area barrutik jaurtiketa bikaina egin du, baloia ate barrura bidaliz.

Bigarren zatiaren hasiera epaileak Evaldori bigarren txartel hori erakutsi dio eta Deportivo hamar jokalarirekin geratu da. Pacienciaren taldea atsean sartu da eta Realak erasora jo du. Velak, Agirretxek eta Ifranek aukeraren bat izan dute, baina ez dute Aranzubiaren aurrean asmatu. 1-1eko berdinketarekin iritsi da norgehiagokaren amaiera. Honenbestez, Realak 26 punturekin amaitu du lehen itzulia, iragan denboraldian baino bost gehiago.

Fitxa teknikoa:

Reala: Bravo; Carlos Martinez, Ansotegi, Elustondo, De la Bella; Illarramendi, Ruben Pardo (Chory Castro 70. minutua), Xabi Prieto; Griezmann, Vela eta Agirretxe (Ifran, 78. minutua).

Deportivo: Aranzubia; Manuel Pablo, Marchena, Evaldo, Bergantiños; Ze Castro, Andre (Silvio, 66. minutua), Gama, Vazquez (Assunçao,  56. minutua); Pizzi eta Riki (Oliveira, 65. minutua).

Golak: 0-1, 27. minutua: Pizzi. 1-1, 43. minutua. Vela.