Talde txuri-urdinak Valentziarengandik urrun mantendu nahi du

Getaferen aurka garaipena behar du Realak distantzia mantentzeko

Bihar 22:00etatik jokatuko da Getafe eta Realaren arteko partida Coliseum futbol zelaian. Txuri-urdinek Valentziarekiko duten distantzia mantendu nahi badute ezinbestekoa izango dute irabaztea. Getafek, aldiz, ez du datorren denboraldian Europan jokatzeko aukera baztertu nahi.

Joan den jardunaldiarekin alderatuta, Griezmann, José Ángel eta Javi Ros deialdian sartu dira. Elustondo, Xabi Prieto eta Illarra, aldiz, min hartuta daude eta zerrendatik kanpo geratu dira. 

www.eitb.com

Deialdiak:

Getafe:

Reala: Bravo, Zubikarai, Carlos Martínez, Dani Estrada, Mikel, Ansotegi, Iñigo, Cadamuro, José Ángel, De la Bella,  Zurutuza, Rubén Pardo, Markel, Javi Ros, Vela, Agirretxe, 'Chory' Castro, Griezmann eta Ifrán

Epailea: Undiano Mallenco

Zapore gazi-gozodun berdinketa Iruñan (0-0)

Golik gabeko derbia jokatu da El Sadarren

Osasuna eta Realaren arteko derbiak zapore gazi-gozoa utzi du golik gabe berdindu ostean. Partida parekatua egon da baina inor ez da baloia sarera bialtzeko gai izan. Txuri-urdinak puntu bakarra lortu ondoren, datorren igandeko Valentziaren aurkako partidan, laugarren postua jokatuko dute. Osasuna, berriz, puntu bakarra lortuta, jeitsiera postuetara gerturatu da. 

Juaris25

Partida parekatuta izan da, talde gorritxoa baloiaren jabe izan da eta Montanierren gizonek kontraerasoetan sortu dute arriskua. Lehen aukera Armenterosek izan du, falta bikain bat aterata, baina jaurtiketa kanpora joan da.  24. minutuan, txuri-urdinak gola egitetik gertu egon dira, baina Agirretxeren erremateak zutoienean jo du, ondoren Xabi Prietok aldaratzea jaso eta Andres Fernadezek gelditu du. Atsedenaldiaren ordua heldu da, ia gol aukerarik sortu gabe. 

Juaris25

Bigarren zatian hasi bezain laster jokaldi polemiko bat izan da. Donostiarrek penaltia eskatu dute Flañok area barruan Iñigo Martinezi falta eginda, baina Mateu Lahozek ez du adierazi. Ondoren, Osasunak erasora jo du, baina Reala bikain aritu da defentsa lanetan. Bi taldeek aukera gutxi batzuk izan dituzte, baina inork ez du asmatu. Donostiarrak, Andres Fernandezen atera heldu dira Xabi Prieto eta Ifranen bidez, baina ez dute zorterik izan. Mendilibarren taldeak ere lehenengoa egiteko aukera izan du Gato Silvaren bitartez. Azkenean golik gabe amaitu da partida. 

Fitxa teknikoa:

Osasuna: Andres Fernandez; Oier, Arribas, Miguel Flaño, Nano; Raoul Loe, Silva (Puñal, 79. min); Cejudo (Masoud, 90. min), Armenteros, De las Cuevas (Nino, 74. min); eta Kike Sola.

Reala: Bravo; Carlos Martinez, Mikel, Iñigo Martinez, Cadamuro; Markel Bergara, Elustondo (Chory Castro, 68. min), Xabi Prieto; Vela (Ifran, 82. min), Agirretxe eta Griezmann.

Realak Valladolid jipoitu du Anoetan (4-1)

 Griezmann (2), Agirretxe eta Xabi Prieto izan dira goleatzaile txuri-urdinak

Realak aise irabazi du Anoetan Valladoliden aurka. Djukic-en gizonek ezer gutxi egin dute lehen zatian eta txuri-urdinek ederki baliatu dituzte aukerak. Dagoeneko hamar jardunaldi daramatza Realak galtzea zer den jakin gabe. Bihar Malaga eta Espanyolen arteko partidaren emaitzaren esperoan, Montanierren mutilek Txapeldunen Ligako postuetan igaroko dure gaua. 

Realak indartsu hasi du lehenengo zatia, izan ere, Valladolid ez da Bravoren atera hurbildu 25. minutua bete arte. Hala ere, nahiz eta txuri-urdinak jokoaren jabe izan, aurreneko minutuetan ez da gol aukerarik egon. 

Donostiarren lehen gola 33. minutuan izan da, Griezmannek Mikel jaurtiketa bat aprobetxatu du Reala markagailuan aurretik jartzeko. Sei minutu geroago, Agirretxek jaurtiketa bikain batekin baloia eskuadran jarri du 2-0ekoa eginez. 

Bigarren gola egin eta bost minututara, Griezmannek bere bigarren gola sartu du, frantziarraren kontrola eta jaurtiketa bikainak izan dira. Atsedenaldia heldu orduko, 3-0eko markagailuarekin, Montanierren mutilek partida erabakita utzi dute.

Bigarren zatia hasi bezain laster, 48. minutuan, Xabi Prietok 4-0ekoa egin du, jokaldi bikain bati amaiera ezin hobea emanez. Anoetako armailetan poza zen nagusi, gol gehiagoren zain. Valladolidek ez du amorerik eman eta Bravoren atera hurbiltzen saiatu da. Azkenean, partida amaitzear zela, 87. minutuan, Javi Guerrak 4-1ekoa egin du. 

Garaipen honi esker, laugarren postura igotzeaz gain, Reala Ligan gol gehien sartu dituen hirugarren taldea da, Bartzelonaren eta Real Madrilen atzetik. 

Fitxa teknikoa:

Reala: Bravo; Carlos Martinez (Estrada, 76 min), Mikel, Iñigo Martínez, De la Bella (Jose Angel, 65 min); Illarramendi, Zurutuza, Xabi Prieto (Pardo, 67 min); Vela, Griezmann eta Agirretxe.

Valladolid: Dani; Balenziaga, Rueda, Sereno, Rukavina; Rubio (Baraja, 83 min), Sastre, Omar, Oscar, Rama (Bueno, 54 min); Manucho (Guerra, 70 min).

Golak: 1-0, 33 min: Griezmann. 2-0, 39 min: Agirretxe. 3-0, 43 min: Griezmann. 4-0, 48 min: Xabi Prieto. 4-1, 87 min: Javi Guerra.

Realak Atleticoren etxeko menderaezintasuna zapustu du (0-1)

Talde txuri-urdina Txapeldunen Ligako postuetara hurbildu du Xabi Prietoren golak

Realak Atletico Madrid 0-1eko emaitzarekin gainditu du Vicente Calderón futbol zelaian. Denboraldi honetan Reala lehen taldea izan da zelai honetan puntuatzen, orain arte beste inork ez baitzuen lortu. Donostiarrek sendo garraitzen dute Europako postuetan Xabi Prietok egindako golari esker.

Etxeko taldeak intentsitarearekin hasi du neurketa eta erasora jo dute. Aurreneko minutuetan Atletico Madrid izan da nagusi eta zenbait abagune sortu ditu. Izan ere, zazpigarren minutuan, Kokek urrunetik jaurti du, baina baloia langa gainetik kanpora joan da. Txuri-urdinek defentsan sufritzen jarraitu dute, baina zuri-gorriek ez dute min egiterik lortu. Arda Turanek izan ditu Atletico Madrid aurretik jartzeko aukerarik onenak, baina turkiarraren jaurtiketak kanpora joan dira.

Denbora pasa ahala, Reala erasoan hobetuz joan da eta arriskua sortzea lortu dute. Griezmannek, 27. minutuan, aukera aparta izan du, baina Courtoisek bikain gelditu du frantziarraren errematea. Aukera gutxiko lehen zatia golik gabe amaitu da. 

Bigarren zatiaren hasieran Simeoneren taldeak asko sakatu du, baina Realak kontraeraso bat ondo baliatu eta Xabi Prietok 0-1ekoa egin du. Zuri-gorriak erantzuten saiatu dira, baina Montanierren mutilak sendo aritu dira defentsan. Abagunerik onenak Kokek eta Falcaok izan dituzte, baina kanpora joan dira haien jaurtiketak. 

Azkenengo minutuetan, Montanierrek defentsan gizon gehiago sartu diru eta ez diote etxeko taldeari erosotasunez jokatzen utzi. 0-1ekoa markagailuarekin iritsi da norgehiagokaren amaiera, txuri-urdinek hiru puntu garrantzitsu eskuratu dituzte sailkapenean bostgarren jarriz, Malagarekin 44 puntura berdinduta.

Fitxa teknikoa:
At. Madril: Courtois; Juanfran, Miranda, Godin, Filipe Luis; Cristian Rodriguez (Raúl García 66. minutua), Gabi, Koke (Adrián 70. minutua), Arda Turan; Diego Costa eta Falcao.
 
Reala: Bravo; Carlos Martinez, Mikel Gonzalez, Iñigo Martinez, De la Bella; Illarra (Ansotegi 89. minutua), Zurutuza (Estrada 69. minutua), Markel Bergara, Xabi Prieto; Griezmann eta Vela (Agirretxe 81. minutua).

Gola: 0-1: 52. minutua: Xabi Prieto.

Partida zoroa Anoetan (3-3)

Txuri-urdinek ez dute Txapeldunen Ligako postuetan sartzea lortu

Realak eta Betisek puntu bana lortu dute, edozeinek irabazi zezakeen partida zoro batean. Talde bakoitzak hiruna gol sartu ditu eta bi taldeak partida jokatu aurretik zeuden postuetan geratu dira. Jorge Molina eta Pabón (2) izan dira Andaluziako taldeko goleatzaileak. Carlos Velak, Iñigo Martínezek eta X. Prietok, berriz, etxeko taldearentzat egin dituzte golak.

Realak indartsu hasi du partida, lehen aukera garbia Agirretxerena izan da, Velaren pase baten ostean, baina Adrianek gelditzea lortu du. Bi taldeek izan dituzte zenbait aukera, baina Montanierren gizonek intentsitate handiagoa eman diote jokoari. Ondoren, 10. minutuan, Pabonek kontraeraso batean urrunetik gola egiteko aukera izan du, baina baloia gora joan da. Jarraian, Xabi Prieto gola egiteko zorian egon da, baina donostiarrak ezin izan du Zurutuzak jarritako baloia errematatu. 16. minutuan Mariok akats bat egin du eta oso aukera argia izan du Carlos Velak, baina atezainak gelditu egin du.  

 

Reala oso ondo ari zen jokatzen 23. minutuan Griezmannek gol bikain bat sartu duenean. Baina epaileak baliogabetu egin du, frantziarra ez zegoen jokoz kanpo. Beste aukera on bat izan du Realak baina Agirretxeren burukadak zutoinean jo eta Betisek kontraerasoa bikain burutu du. Jorge Molina 0-1ekoa egin du 29. minutuan.

Markagailuari buelta ematen saiatu da Reala, baina gola egin ondoren eroso aritu da Pepe Melen taldea. Realak kontraerasora irten ondoren amaitu da lehen zatia, baina ez du inork errematatu Carlos Martinezen errematea. Betis gehiago zela iritsi da atsedenaladia.

Bigarren zatia hasi era bereala Sevillako taldearentzat bigarrena egin du Pabonek, Mikel Gonzalezen akats larri bat aprobetxatuz. Bi minutu geroago, txuri-urdinei gauzak oso zail jarri zaizkiela zirudienean, Velak 1-2koa egin du. Hortik gutxira, 57. minutuan Iñigo Martinezek neurketa berdintzea lortu du burukada batez. Berdindu bezain laster, 60. minutuan, Iglesias Villanueva epaileak penaltia adierazi du Angel Lopezek area barruan baloia eskuarekin ukitu ondoren. Xabi Prietok Panenka estiloan 3-2koa egitea lortu du. Partida zoratu egin da.

Betisen taldeak ez du denbora askorik hartu norgehiagoko berdintzeko, izan ere, 68. minutuan Pabonek gol bilakatu du,  Ruben Castrorekin egin duen jokaldia. Momentu horretatik aurrera edozein taldek eraman zitzakeen hiru puntuak. Aukera argiena Amaya bere aten gola sartzeko zorian egon denean izan da, Adrianek Agirretxeren aukera bat eten ondoren. Azken momentura arte partidak erritmorik galdu ez duen arren, berdinketarekin bukatu da partida.

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella; Bergara, Zurutuza (Ruben Pardo, 66. min.), Xabi Prieto (Diego Ifran, 80. min); Griezmann, Vela eta Agirretxe.

Betis: Adrian, Angel, Mario, Antonio, Nacho; Cañas, Beñat (Chica, 82. min.), Campbell (Nono, 66. min.), Juan Carlos (Castro, 63. min.); Pabon eta Molina.

Golak: 0-1, 29. min.: Jorge Molina. 0-2. 48. min.: Pabon. 1-2, 50. min.: Carlos Vela. 2-2, 57. min.: Iñigo Martinez. 3-2, 60. min.: Xabi Prieto (p). 3-3, 67. min.: Pabon.

Realak ezin izan dio bolada onari eutsi (4-3)

Xabi Prietok saririk gabeko hat-tricka lortu du Bernabeun

Txuri-urdinek ezin izan diote Real Madrileri irabazi partida zoro batean, beraz Montanierren mutilek porrot batekin hasi dute urte berria. Xabi Prietok hiru gol egin dizkio Mourinhoren taldeari, baina azkenean ez dute punturik lortzeko balio izan.

Partida hasi eta bigarren minutuan Benzemak 1-0ekoa egin du, Realari partida maldan gora jarriz. Kedhirak bikain jarri dio aurrelari frantziarrari eta honek ez du hutsik egin. Pozak ez dio asko iraun Madrilgo taldeari, izan ere Adanek penaltia egin dio Carlos Velari eta txartel gorria ikusi du atezainak. Mourinhok Callejon kendu du berdeguneetik eta Casillasek hartu du Adanek lekua. Xabi Prietok ez du penaltia huts egin eta 1-1ekoa jarri du. 

Berdinketa lortu eta gero Realak gora egin du eta Real Madril atzean sartuta egon da, baina 30. minuturik aurrera etxeko taldea aukerak sortzen hasi da. 34. minutuan Bravok gelditu erabakigarria egin du, baina hurrengo jokaldian txuri-urdinek defentsan kale egin dute eta Kedhirak 2-1ekoa egin du. 

Gola jaso arren Realak erasoan sakatzen jarraitu du eta Real Madrilek gola sartu eta bost minutu geroago Xabi Prietok 2-2ekoa jarri du. Casillasen aurrean bakarrik geratu da eta bikain gainditu du atezaina. Atsedenaldia iritsi baino lehen Benzemak izan du azken aukera, baina zutoinera bidali du jaurtiketa. Horrela, 2-2ko berdinketarekin iritsi da atsedenaldia. 

Bigarren zatiko lehen minutuetan berdinketa parekatuta egon da, baina laster hasi da Real Madril zelaian agintzen. Cristiano Ronaldok area kanpotik zenbait jaurtiketa egin ditu, baina kanpora joan dira. Mourinhoren taldea eroso sentitzen hasi da eta 65. minutuan Ronaldok ez du barkatu. Benzemaren pase eder bat aprobetxatuz 3-2koa egin du. Hiru minutu beranduago, Ronaldok 4-2koa sartu du faltaz. Bravoren akats bat egin eta gero, baloiak langa jo du eta barrura sartu da. 

Nahiz eta hiru minututan bi gol hartu Realak erasora jotzen jarraitu du eta 77. minutuan Xabi Prietok 4-3koa jarri du. Jokalari txuri-urdinak kontraerasoari amaiera bikain bat emanez hat-tricka lortu du. Partidako azken minutuetan Reala berdinketa lortzen saiatu den arren Real Madril izan da jaun eta jabe. 80. minutuan epaileak bigarren txartel horia erakutsi dio Dani Estradari Ronaldori egindako falta batengatik.  Amaierako minutuan, hamarna jokalarirekin aritu dira bi taldeak, baina ez da gol gehiagorik egon. 4-3ko porrotarekin, Realak ezin izan dio bolada onari segida eman. 

Fitxa teknikoa:

Real Madril: Adan (Casillas, 6. min; Essien, Varane, Carvalho, Arbeloa; Khedira, Xabi Alonso; Callejon, Özil (Modric, 85. min), Cristiano Ronaldo; eta Benzema (Higuaín, 74. min).

Reala: Bravo; Estrada, Mikel, Iñigo Martinez, De la Bella (Jose Angel, 83. min); Rubén Pardo, Zurutuza (Elustondo, 73. min); Vela, Xabi Prieto, Griezmann; eta Ifran (Chori Castro, 57. min)

Golak: 1-0, 2. min: Benzema. 1-1, 9. min: Xabi Prieto, penaltiz. 2-1, 35. min: Khedira. 2-2, 40. min: Xabi Prieto. 3-2, 67. min: Cristiano Ronaldo. 4-2, 71. min: Cristiano Ronaldo. 4-3, 76. min: Xabi Prieto.

Realak urrezko hiru puntu lortu ditu Malagan (1-2)

Txuri-urdinek aukerak ondo aprobetxatu eta garaipen garrantzitsua lortu dute Rosaledan

Realak 1-2 irabazi du Malagaren kontra, Rosaledan. Txuri-urdinek hamar hilabete zeramatzaten etxetik kanpo garaipenik lortu gabe; horrela Montanierrek ere arnasa hartu du. Gipuzkoarrak aurpegi onena erakutsi dute eta Andaluziako taldeak ez du aukera handirik izan.

Reala oso ondo kokatuta zelairatu da, Montanierrek hamaikakoan egindako aldaketak nabarmenak izan dira. Ruben Pardok eta Ifranek hasierarik jokatu dute. Partida hasi bezain laster egin dute txuri-urdinek lehen gola. 'Chory' Castrok baloia zelai erdian lapurtu eta kontraerasoan azkar irten da. Carlos Velak lehen zutoinetik jaurtiketa egin eta 0-1ekoa jarri du markagailuan. Donostiarrak konfidantza hartu eta neurketa kontrolpean izatea lortu dute. 

Montanierren gizonak oso ondo ari ziren, bain hanka-sartzea egin dute korner bat defendatzerakoan. Gaizki defendatu eta 37. minutuan Saviolak 1-1eko berdinketa jarri du Rosaledako markagailuan. Atsedenaldiaren ordua berdinketarekin iritsi da.

www.eitb.com

Bigarren zatian ere Reala indartsu zelairatu da, Malagari partida zailduz. Horrela, 59. minutuan Malagako Onyewu atzelariak huts egin du baloia aldaratzean eta Xabi Prietoren oinetan geratu da. Donostiarrak ez du aukera alferrik galdu eta 1-2koa jarri du. 

Ondorengo minutuetan norgehiagokak intentsitatea galdu du. Malagak gol aukera izan du Iscoren jaurtiketa batean, baina Reala defentsan ondo aritu da. Realaren 1-2ko garaipenarekin iritsi da partidaren amaiera.

Fitxa teknikoa:

Malaga: Caballero; Gamez (Iturra, 46. minutua), Onyewu, Weligton, Sergio Sanchez; Eliseu, Toulalan, Portillo (Santa Cruz, 61. minutua), Isco; Joaquin (Sebastian Fernandez, 73. minutua) eta Saviola.

Reala: Zubikarai; Carlos Martinez, Mikel Gonzalez, Iñigo Martinez, De la Bella; Ruben Pardo (Estrada, 90. minutua), Illarramendi, Xabi Prieto, Vela; Castro (Jose Angel, 69. minutua) eta Ifran (Agirretxe, 79. minutua).

Golak: 0-1, 1. minutua: Vela. 1-1, 37. minutua: Saviola. 1-2, 59. minutua: Xabi Prieto.

Realak Levanten bilatuko du etxetik kanpoko lehen garaipena

Txuri-urdinek urtarriletik ez dute etxetik kanpo partidarik irabazi 

Realak gaur arratsaldeko 16:00etan jokatuko du Levanteren aurkako partida Ciutat de Valencian. Donostiarrentzat zelai madarikatua da hau, bertan jokatutako sei partidetik bakarra irabazi baitute.

Zaragozaren aurkako deialditik aldaketa batzuk egon dira, Xabi Prieto eta  'Chory' Castro sartu dira oraingoan, berain lesioetatik errekuperatuz. Agirretxe ez da deialdian sartu minduta dagoelako. Beraz, jokatzeko aukerak izan ditzake Diego Ifranek. Carlos Martinez ere deialdian sartu da, aurtengo denboraldian lehen aldiz.

www.vavel.com

Deialdiak:

Levante: Múnúa, Keylor Navas, Navarro, Hector Rodas, Juanfran, Nikos, Ballesteros, Pedro López, Chris, Barkero, El Zhar, Iborra, Dudka, Pedro Ríos, Juanlu, Michel, Diop, Rubén, Ángel, Martins

Reala: Bravo, Zubikarai, Dani Estrada, Carlos Martínez, Ansotegi, Mikel, Iñigo, De la Bella, José Ángel, Javi Ros, Markel, Illarramendi, Griezmann, Xabi Prieto, Ifrán, Vela, 'Chory' Castro

Epailea: Hernández Hernández

Realak ez du Anoetan hutsik egin nahi

Txuri-urdinek Zaragozaren aurka irabazi nahi dute, kanpoan bi porrot jaso ondoren

Gaur arratsaldeko 19:50etan jokatuko da Reala eta Zaragozaren arteko neurketa Anoetan, Montanierren mutilek hiru puntuak eskuratu nahi dituzte sailkapenean lasaitasuna lortzeko. Etxetik kanpo bi porrot jaso eta gero, Zaragozaren aurka galtzeak urduritasuna ekarriko luke aldagelara.

Deialdiko berririk handiena Zurutuzaren itzulera da. Hala ere, baja oso garrantzitsuak dituzte donostiarrek. Xabi Prieto eta Rubén Pardo lesionatuen ordez Sanseko jokalari diren Fuchs eta Jonathan deitu ditu Philippe Montanierrek. Elustondo, Cadamuro eta 'Chory' Castro ere baja medikua dira, eta Carlos Martínez deialditik at geratu da erabaki teknikoagatik. 

www.heraldo.es

Deialdiak:

Reala: Bravo, Zubikarai, Dani Estrada, Ansotegi, Mikel, Iñigo, De la Bella, José Ángel, Javi Ros, Fuchs, Markel, Illarramendi, Griezmann, Ifrán, Vela, Agirretxe, Jonathan

Celta: Roberto, Leo Franco, Movilla, Paredes, Álvaro, Goni, Aranda, Edu Oriol, Postiga, Apoño, Montañés, Romaric, José Mari, Stefan, Sapunaru, Zuculini, Abraham, Javi Álamo eta Víctor Rodríguez. 

Epailea: Iglesias Villanueva

Realak SD Eibarri 0-3 irabazi dio Azpeitian

Llorente, Griezmann eta Xabi Prieto izan dira goleatzaileak Mikel Aranbururen omenez jokatutako partidan

wwww.mirealsociedad.com

Realak hiru eta huts irabazi dio SD Eibarri Azpeitian gaur arratsaldean. Mikel Aranburuk bere herritarren maitasuna jaso du: bi taldeek ohorezko pasilloa egin diote, ondoren bere lehengusinak aurreskua dantzatu dio eta azkenik bai Realak, Eibarrek, Lagun Onakek, Gipuzkoako futbol federazioak eta bere sendiak hainbat oroigarri eman dizkiote. 

Norgehiagokari dagokionez, neurketa ona izan da arerio lehiakor baten aurka. Lehen gola Llorentek egin du 19. minutuan, area barruan baloi bat aprobetxatuz. Bigarren zatian iritsi dira beste bi golak; Griezmannek ezkerrreko hankaz egin du bigarrena eta Xabi Prieto izan da hirugarren goleatzailea talde osoko jokaldi on bat egin eta gero. 

Neurketa intentsoa izan da, datorren froga datorren ostiralean izango dute txuri-urdinek Donibane Lohitzunen Lyongo Olympiquen aurka. 

Fitxa teknikoa:

Reala: Zubikarai, Carlos Martínez (Estrada, min.32), Ansotegi (Cadamuro, min.67), Callens (Mikel, min.46), Cadamuro (De la Bella, min.46), Markel (‘Chory’ Castro, min.46), Rubén Pardo (Elustondo, min.62), Javi Ros (Griezmann, min.62), Ifrán (Agirretxe, min.62), Llorente (Sarpong, min.62) e Iker Hernández (Xabi Prieto, min.62). 

Eibar: Xabi, Bóveda, Añibarro, Aketxe, Arroyo, Dani García, Salgado, Abaroa, Yuri, Capa y Juaristi. En la segunda parte han jugado: Erdozia, Arregi, Sagastibeltza, Mainz, Errasti, Arruabarrena, Altamira, Jimenez, Del Olmo, Roldán, Albisua y Pradera.

Golak: 1-0: Llorente, min.19. 2-0: Griezmann, min.73. 3-0: Xabi Prieto, min.83.

Epailea: Sagués. Palencia eta Arzamendigatik lagundua.

Gaur aurkeztu dute Nike-ren bilduma berria

Gaur eguerdiko 12:00etan, entrenamenduaren ondoren, Realaren ekipazio berriaren aurkezpena izan da Zubietan.

www.realsociedad.com

Garaipenak ihes egin dio Realari

Realak berdindu (2-2) egin du Cornellá-El Prat zelaian Espanyolen aurka. Carlos Velak bi gol egin ditu 12 eta 14. minutuetan, baina txuri-urdinen bi opariren ostean neurketa berdindu du Bartzelonako taldeak.

Realak puntu bat eskutatu du Espanyolen aurka 2-2 berdindu ondoren. Berdinketak ez du guztiz zapore gozoa izan, donostiarrak 0-2 irabazten hasi ondoren. 

Partida erritmo biziarekin hasi da, bi taldeak erasokor zelairatu baitira. Lehengo gola 12. minutuan egon du Carlos Velak area kanpotik jaurtiketa indartsu baten bitartez. Txuri-urdinen poza hiru minutu geroago gehaigo handitu da, Carlos Velak beste gol bat sartu ondoren. Mexikarra bakarrik geratu da Casilla atezainaren aurrean eta buruz gain baloia sare barrura bidalita 0-2koa jarri du markagailuan.

www.eitb.com

Konfiantza eman die Montanierren mutilei markagailuan aurretik joateak eta Espanyolek ez die aparteko arazorik sortu lehen zatiaren azken hamar minutuetara arte. Orduan, perikoek gol aukera argiak izan dituzte eta atsedenaldia iritsi orduko 1-2koa iritsi da markagailura. Area kanpoko jaurtiketa batek Ansotegirengan eta Demidovengan jo du eta sare barrura joan da baloia. Atsedenaldia 1-2ko markagailuarekin iritsi da.

Bigarren zatia hasi eta bi minutura Bartzelonako taldeak partida berdindu du. Weissek jaurtiketa ona atera eta Bravo gainditu du 2-2koa jarriz. Gol horri esker Espanyolek jokoak gora egin du eta gol aukera ugari izan ditu. Bravok era guztietako geldialdi onak egin ditu eta horri esker, Realak ez ditu gol gehiago jaso. 

www.eitb.com

Txuri-urdinek ere izan dute hiru puntuekin gelditzeko aukeraren bat edo beste, argiena Xabi Prietorena izan da. Donostiarra bakarrik geratu da Casilla atezainarekin, baina bere jaurtiketa langa gainetik kanpora joan da. Gauzak horrela, 2-2ko emaitzarekin bukatu da norgehiagoka Cornellá-El Prat futbol zelaian.

Fitxa teknikoa:

Espanyol: Kiko Casilla; Víctor Sanchez (Cristian Gómez, min.72), Raul Rodriguez, Hector Moreno, Dídac; Baena (Weiss, min., Romaric; Sergio Garcia, Verdu, Coutinho eta Uche (Javi Lopez, min.56).

Reala: Bravo; Estrada, Ansotegi, Demidov (Cadamuro, min.76), De la Bella; Elustondo, Aranburu; Xabi Prieto, Zurutuza (Pardo, min.67), Griezmann eta Carlos Vela (Agirretxe, min.70).

Golak: 0-1, min.12: Carlos Vela; 0-2, min.14: Carlos Vela; 1-2, min.44: Demidov (bere atean); 2-2, min.47: Uche.

Real Madrilek aise irabazi dio Realari Bernabeun

Madrilgo taldeak 5-1 irabazi dio Realari Santiago Bernabeu futbol zelaian. Higuainek sartu du lehen gola eta ondoren Ronaldok eta Benzemak bina egin dituzte. Xabi Prietok egin du txuri-urdinen gol bakarra.

Montaneirren taldeak jipoia jaso du Real Madrilen futbol zelaian (5-1) eta ez dute itxura onik eman. Porrot hau Realak jarraian jasotzen duen hirugarrena da. 

Partidaren lehen minutuak nahasiak izan dira eta ez da gol aukera argirik egon, lehenengo abisua Realak eman zuen kanpora joan da Iñigo Martinezen erremate batekin. Mourinhoren taldearen erantzuna berehala etorri zen. Benzemaren lehenengo jaurtiketa ondo geratu du Bravok, baina hurrengo minutuan baloia sareetara bidali du Higuaín aurrelariak. Argentinarrak 1-0ekoa jarri du markagailuan bostgarren minutuan.

Lehenengo gola jaso eta gero Reala erantzunik gabe geratu da eta Ronaldok etxeko taldearentzat bigarrena egin du 31. minutuan. Gauzak gehiago okertu dira 39. minutuan Benzemak hirugarrena sartu duenean. Hala ere, atsedenaldia baino lehen, 42. minutuan, Realak markagailuko distantzia moztu zuen Xabi Prietoren gol baten bidez. Xabi Prietok area hertzetik jaurtik zuen baloia, Sergio Ramosen bizkarrean jo eta Casillas gainditu zuen 3-1ekoa jarriz. Emaitz horrekin jarraitu zuen markagailuak epaileak lehen zatiaren amaiera adierazi zuenean.

Bigarren zatian, txuri-urdinak esperantzarekin irten ziren Xabi Prietoren golari esker. Baina hasi eta berehala, 49. minutuan, Benzemak 4-1ekoa jarri zuen markagailuan. Aurrelariak area barruan baloia jaso, eta jaurtiketa on baten bitartez Bravo gainditu zuen. Gol honekin Real Madrilek erasokor jokatu zuen eta 56. minutuan Ronaldok armailetako festa borobildu zuen 5-1ekoa markagailuan jarriz. Higuainen pase dotorea jaso eta baloia sare barrura bidali zuen portugaldarrak.

Reala azken minutuetan itxura hobea ematen saiatu zen, baina saiakera alferrikakoa izan zen. Casillas atezainak eta Real Madrileko defentsak ez zuten arazo gehiegirik izan eta norgehiagoka 5-1eko emaitzarekin amaitu zen.


Fitxa teknikoa:

Real Madril: Casillas; Arbeloa, Sergio Ramos, Varane, Marcelo; Xabi, Khedira (Sahin, m.76); Cristiano (Jesse, m.80), Kaka, Benzema (Coentrao, m.76); eta Higuain

Reala: Bravo; Cadamuro (Pardo, m.74), Mikel Gonzlez (Zurutuza, m.45), Demidov, Iñigo Martíniez; De la Bella, Illarramendi, Aranburu, Xabi Prieto; Griezmann eta Agirretxe (Vela, m.56).

Golak: 1-0, m.6: Higuaín. 2-0, m.31: C. Ronaldo. 3-0, m.39: Benzema; 3-1, m.41: Xabi Prieto; 4-1, m.49: Benzema; 5-1, m.56: C. Ronaldo.

Epailea: Javier Turienzo Alvarez.

Realak arnasa hartzeko aukera izango du Granadan

Ansotegi eta De la Bella dira deialdiko berri nagusiak, eta azkenean Xabi Prieto ere sartu da. Elustondo, Zurutuza eta Demidov, ordea, kanpoan geratu dira.

Igande honetan (12:00h) Realak bisita egingo du Los Carmenes futbol zelaira BBVA ligako 24. jaurdunaldian. Montaneirren taldeak distantzia berdina du jeitsieratik zein Europa League-tik. Astelehenean Anoetan Sevillaren aurka garaipena lortu ondoren, Andaluziako beste talde baten aurka neurtu beharko ditu indarrak.

www.terra.es

Taldeak egindako azken entrenamenduan Xabi Prietoren hobekuntza izan da albiste onena. Zerrendan sartu da Ansotegi eta De la Bellarekin batera. Demidov, Elustondo eta Zurutuza, aldiz, kanpoan geratu dira.

Deialdiak:

Reala: Bravo, Zubikarai, Carlos Martínez, Estrada, Ansotegi, Mikel González, Cadamuro, Iñigo Martínez, De la Bella, Xabi Prieto, Markel, Illarramendi, Aranburu, Pardo, Griezmann, Agirretxe, Vela, Ifrán, Llorente.

Granada: Julio César, Roberto, Siqueira, Nyon, Mainz, Iñigo López, Borja Gómez, David Cortés, Mikel Rico, Fran Rico, Abel Gómez, Jaime Romero, Franco Jara, Martins, Ighalo, Geijo, Uche, Henrique

Xabi Prietok eta Gorka Elustondok kontratuak berritu diztuzte

Egun ona izan zen atzokoa errealzaleontzat, gure jokalaririk onenetariko bat, Xabi Prieto, bost urte gehiago izango dugu gure artean. Jokalari donostiarraren kontratua 2013ko ekainean amaitzen zen, baina Realarekin akordio batera heldu ondoren 2017ko ekainerarte luzatu du kontratua. 28 urte ditu orain Xabi Prietok eta 2017an, kontratua amaitzerakoan, 34 urte betetzear (abuztuaren 23an) izango lituzke, "Realean erretiratzea gustatuko litzaidake, eta gaur amets hori betetzeko pausu bat eman dut" izan dira jokalariak esandako hitzetako batzuk.

Lehen taldearekin 2003ko urrian debutatu zuen Erregearen Kopako Oviedoren aurkako partidan. Ordutik, 269 partidu jokatuta eta 40 gol sartuta taldearentzako ezinbesteko jokalari bihurtu da. Lorenzo Juarrosek "Loren", taldeko kirol zuzendariak, taldeetako estandarteetako bat dela azpimarratu du. Ziur nago taldean jarraituko dituen beste 5 urteetan hainbat momentu on eta beste gol asko oparituko dizkigula.

Xabi Prieto ez da kontratua berritu duen bakarra izan, Gorka Elustondok ere kontratua luzatu du 2015. urtera arte. Hiru urte gehiago emango ditu taldean erdilari beasaindarrak. Kontratua 2013ko ekainean bukatzen zitzaion, baina Realak konfiantza erakutsi nahi izan dio kontratuaren berrikuntza honekin.