Realak laugarren postua jokatuko du Real Madrilen aurka

Txuri-urdinek ezinbesteko dute merengeen aurka irabaztea

Gaur arratsaldeko 20:00etatik aurrera jokatuko dute Realak eta Real Madrilek elkarren aurkako neurketa Anoetan. Txuri-urdinek laugarren postuan jarraitu nahi badute, ezinbestekoa dute andaluziako taldearen aurka irabaztea. Valentziak ere 20:00etan jokatuko du Granadaren aurka. 

Philippe Montanierrek eman duen zerrendan, Sevillako deialdiarekin alderatuta,  Zurutuza eta Jose Angel itzuli dira. Azkenean, astean zehar min hartuta egon ondoren, 'Chory' Castro ere deialdian sartu da.  Dani Estrada, berriz, kanpoan geratu da min hartuta dagoelako. Carlos Vela zigortuta dago.

www.que.es

Deialdiak:

Reala: Bravo, Zubikarai, Carlos Martínez, Mikel, Iñigo, Ansotegi, Cadamuro, De la Bella, José Ángel, Rubén Pardo, Markel, Illarra, Zurutuza, Javi Ros, X. Prieto, Agirretxe, 'Chory' Castro, Griezmann eta Ifrán

Real Madrid: Adán, Diego López, Jesús,Pepe, Carvalho, Marcelo, Arbeloa, Albiol, Nacho, Khedira, Kaká, Ízil, Essien, Modric, Callejón, Di María, Cristiano Ronaldo, Benzema, Higuaín eta Morata

Epailea: González González

Reala gertuago dago Txapeldunen Liga jokatzeko ametsetik

Txuri-urdinek 4-2 irabazi dute Valentziaren aurka

Realak garaipen garrantzitsua lortu du Anoetan Valentziaren aurka 4-2 irabazita. Ondorioz, txuri-urdinak Txapeldunen Ligan jokatzeko ametsetik gertuago daude. Izan ere, donostiarrek bost puntuko alde lortu dute Valentziarekiko eta Malagarekiko. 

Neurketaren hasiera indartsua izan da, biek nahi zuten garaipena kosta ala kosta. Txuri-urdinen lehen aukera bigarren minutuan izan da, baina Velaren jaurtiketa gutxigatik kanpora joan da. Jarraian Valentziak lehen aukera izan du, baina Claudio Bravok bikain erantzun dio Mathieuren jaurtiketari. Lehen gola 25. minutuan iritsi da, Cissokhok erdiraketa ona atera eta soldadok ez du Bravoren aurrean hutsik egin, horrela, talde valentziarra aurretik jarri da.

Juaris25

Valentziak gola sartu eta minutu gutxira, 29. minutuan, Bravok area kanpoan baloia eskuaz jo du, baina epaileak ez du ezer adierazi. Gutxinaka, Montanierren taldea suspertuz joan da eta 35. minutuan Iñigo Martinezek norgehiagoka berdintzea lortu du. Kornerretik zetorren erdiraketa bat boleaz sarera bidalita 1-1ekoa egin du. Lehen zatiaren amaiera 1-1eko berdinketarekin iritsi da. 

Bigarren zatiaren hasieran, Valverderen taldea izan da baloiaren jabe, baina Reala sendo aritu da defentsan eta kontraerasoan min egitea bilatu du. Valentzia ondoen ari zenean, iritsi da txuri-urdinen bigarren gola, kontraerasoan 'Chory' Castrok 2-1ekoa egin du. 

Golaren ondoren, Valentziak gogor jo du erasora, baina Realak ez du defentsan hutsik egin. Donostiarrak kontraeraso bidez arriskuz iritsi dira zenbaitetan Diego Alvesen atera. Horrela, 88. minutuan, Agirretxek 3-1ekoa egin du Xabi Prietoren erdiraketa on bat baliatuz. Golaren ondoren, Valentziak ez du etsi eta bi minutu geroago, 90. minutuan, Jonasek 3-2koa sartu du.

Juaris25

Luzapenean, Valentzia berdinketaren bila joan da lerro guztiak aurreratuz. Baina Realak beste kontraeraso bat baliatu du partidari amaiera bikaina emateko, Agirretxek gol eder bat sartu du 4-ekoa eginez. Honenbestez, txuri-urdinek lauagrren postuari eutsi diote.

Fitxa teknikoa:

Reala: Bravo; Carlos Martínez, Iñigo Martinez, Mikel, De la Bella; Illarramendi (Pardo, 87. min), Bergara, Xabi Prieto (Ansotegi, 88. min); Chory Castro (Zurutuza, 76. min), Vela eta Agirretxe.

Valentzia: Diego Alves; Joao, Ricardo Costa, Mathieu, Cissokho (Valdez, 79. min); Albelda (Guardado, 75. min), Ever Banega, Feghouli (Piatti, 72. min), Dani Parejo; Jonas, Soldado.

Golak: 0-1, 25. min: Soldado. 1-1: Iñigo Martinez. 2-1, 73. min: Chory Castro. 3-1, 86. min: Agirretxe. 3-2, 90. min: Jonas. 90+4. min: Agirretxe.

Denboraldiko bi errebelazioek Europan jokatu nahi dute

Rayok eta Realak elkarren aurka jokatuko dute bihar Vallecaseko futbol zelaian

Igande honetan Rayok eta Realak elkarren aurka jokatuko dute eguerdiko 12:00etatik aurrera. Txuri-urdinek laugarren postua mantendu nahi dute eta Vallecaseko taldeak Europa Leaguea jokatzea ahalbidetzen duten postuetan sartzea du helburu. 

Illarra, 'Chory' Castro eta Elustondo min hartuta egon diren arren, deialdian sartu dira. Ruben Pardok, ordea, min hartuta jarraitzen du eta ez da Vallecasen jokatzeko prest egongo. Horretaz gain, Zurutuza hiru astetan zehar baja izango da. Jose Angel eta Dani Estrada erabaki teknikoagatik zerrendatik kanpo utzi ditu Philippe Montanierrek. 

www.diariovasco.com/

Deialdiak:

Rayo: Rúben, Cobeño, Arbilla, Tito, Casado, Amat, Gálvez, Jordi Figueras, Javi Fuego, Trashorras, Franco Vázquez, Chori Domínguez, Juan Carlos, Piti, Adrián, Lass, Léo Baptistao eta Delibasic

Reala: Bravo, Zubikarai, Carlos Martínez, Mikel, Ansotegi, Cadamuro, Iñigo, De la Bella, Illarra, Elustondo, Markel, Javi Ros, Xabi Prieto, Vela, Agirretxe, 'Chory' Castro, Ifrán eta Griezmann 

Epailea: Álvarez Izquierdo

Geldialdiaren ondoren, Realak segida eman nahi dio bolada onari

Txuri-urdinek baja garrantzitsuekin egin beharko diote aurre Espanyolen aurkako partidari

Bihar 19:00etatik aurrera jokatuko da Espanyol eta Realaren arteko neurketa Cornellà-El Prat futbol zelaian. Espanyolera Aguirre heldu zenetik, narbarmen egin dute onera Kataluinako taldearen emaitzek. Hala ere, Montanierren mutilek laugarren postuari eustea dute helburu.

Relak baja garrantzitsuak ditu partida hau jokatzeko. Izan ere, Claudio Bravo, Carlos Vela eta 'Chory' Castro lesioagatik zerrendatik kanpo geratu dira. Enrique Royok, Sanseko atezainak, txiletarraren lekua beteko du Philippe Montanierrek emandako deialdian. Javi Ros ere zerrendara itzuli da. 

www.eitb.com

Deialdiak:

Espanyol: C. Álvarez, F. Mattioni, Raúl Rodríguez, Víctor Sánchez, Forlín, Baena, Stuani, Sergio García, Verdú, Longo, Kiko Casilla, H. Moreno, Javi López, Petrov, Colotto, Simao, Christian Alfonso eta Víctor Álvarez

Reala: Zubikarai, Royo, Carlos Martínez, Dani Estrada, Mikel, Ansotegi, Cadamuro, Iñigo, De la Bella, Illarra, Rubén Pardo, Zurutuza, Markel, Javi Ros, Xabi Prieto, Vela, Agirretxe, Ifrán eta Griezmann 

Epailea: Pérez Montero

Realak Txapeldunen Ligan sartu nahi du

Txuri-urdinek Valladoliden aurka garaipena bilatuko dute Anoetan

Bihar 16:00etatik aurrera Realak eta Valladolid elkarren aurkako partida jokatuko dute Anoetan. Txuri-urdinek helburu argi bat dute: sailkapeneko laugarren postua; horretarako garrantzitsu izango dute etxean ahalik eta puntu gehien lortzea. Azken hilabeteotan, talde donostiarra bolada onean dago,  azken hamazazpi partidetatik bakar bat galduz. 

Valladoliden aurkako partidarako Ifran, Elustondo eta Cadamuro baja medikua dira. Javi Ros, aldiz, erabaki teknikoagatik geratu da zerrendatik kanpora. Atleticoren aurkako partidarekin alderatuz, 'Chory' Castro deialdira itzuli da, zerrendan sartzeko garaiz errekuperatuz. 

www.realsociedad.com

Deialdiak:

Reala: Bravo, Zubikarai, Carlos Martínez, Dani Estrada, Mikel, Ansotegi, Iñigo, De la Bella, José Ángel, Zurutuza, Rubén Pardo, Markel, Illarra, Xabi Prieto, Vela, Agirretxe, Griezmann eta 'Chory' Castro

Valladolid: Dani, Jaime, Balenziaga, Rukavina, Jesús Rueda, Sereno, Valiente, Peña, Álvaro Rubio, Sastre, Baraja, Neira, Rama, Omar, Bueno, Óscar, Javi Guerra eta Manucho

Epailea: Clos Gómez

Realak Vicente Calderon konkistatu nahi du

Txuri-urdinek Atleticoren aurka garaipena bilatuko dute

Realak ligako bigarren sailkatuaren aurka ezustekoa ematea bilatuko du. Atleticok etxean oso sendoa dela erakutsi du, ez baitu oraindik denboraldi honetan Vicente Calderonen galdu. Donostiarrek Europara begira jarraitu nahi badute, puntuak lortu beharko dituzte. Txuri-urdinak ez diote bolada onari amaiera eman nahi, izan ere, azken hamesei partidetatik bakarra galdu dute.

Atleticoren aurkako partidari aurre egiteko baja garrantzitsuak izango ditu Philippe Montanierrek. 'Chory' Castro, Diego Ifrán eta Gorka Elustondo baja medikuak dira. Javi Ros, aldiz, erabaki teknikoagatik geratu da kanpoan. Illarra eta Estrada zerrendara bueltatu dira.

www.eitb.com

Deialdiak:

Atlético: Asenjo, Courtois, Godín, Filipe Luis, Cata Díaz, Juanfran, Insua, Miranda, Koke, Raúl García, Arda Turan, Cristian Rodríguez, Gabi, Oliver Torres, Thomas, Adrián, Falcao eta Diego Costa

Reala: Bravo, Zubikarai, Carlos Martínez, Dani Estrada, Mikel, Ansotegi, Cadamuro, Iñigo, De la Bella, Illarra, Rubén Pardo, Zurutuza, Markel, Xabi Prieto, Vela, Agirretxe eta Griezmann 

Epailea: Ayza Gámez

Realak Europan jokatzeko leiatik urrundu nahi du Betis

Philippe Montanierrek baja garrantzitsuekin egin beharko dio aurre partidari

Bihar gaueko 21:00etatik aurrera Reala eta Betisen arteko norgehiagoka jokatuko da Anoetan. Bi taldeek datorren denboraldian Europan jokatu nahi dute, beraz, bi taldeentzako izango da garrantzitsua garaipena eskuratzea. Txuri-urdinak oso bolada onean daude, azken hamabost partidetatik bakarra galduz. Betisek berriz orain arte puntu asko lortu izan ditu donostiarren zelaian.

Philippe Montanierrek zenbait aldaketa egin beharko ditu ohiko hamaikakoan, Gorka Elustondo, Asier Illarramendi eta 'Chory' Castro baja medikua baitira. Ansotegi, aldiz, erabaki teknikoagatik geratu da deialditik at. Javi Ros eta Jose Angel zerrendara itzuli dira. 

www.eitb.com

Deialdiak:

Reala: Bravo, Zubikarai, Carlos Martínez, Estrada, Mikel, Cadamuro, Iñigo, De la Bella, Jose Angel, Javi Ros, Rubén Pardo, Markel, Zurutuza,  Xabi Prieto, Vela, Agirretxe, Ifrán eta Griezmann 

Betis: Adrián, Casto, Chica, Ángel, Nacho, Paulao, Amaya, Mario, Cañas, Beñat, Joel, Juan Carlos, Fausto, Pozuelo, Nono, Pabón, Molina eta Rubén Castro

Epailea: Iglesias Villanueva

Realak garaipen batekin agurtu du Katedrala (1-3)

 Athletic irabazten hasi den arren, txuri-urdinek erraz irauli dute markagailua

Realak aise irabazi du San Mames zaharrean jokatu den azken derbia. Zuri-gorriek hobeto hasi dute partida eta markagailuan aurretik jartzea lortu dite. Baina ez die pozak askorik iraun, Realak berehala berdindu du partida eta bigarren zatian markagailua iraultzea lortu dute jokalari txuri-urdinek.

Lehen zatian Athletic hasi da agintzen eta txuri-urdinek defentsa sendo mantentzeko sufritu egin dute. Adurizek bi aukera izan ditu partidaren hasieran, baina aurrelariak ez du golik sartzerik lortu.Agirretxek ere aukera argi bat izan du, baina usurbildarraren jaurtiketa zuzenean kanpora joan da. Realak presioa egin duen arren, Bielsaren mutilek sakatzen jarraitu dute. Adurizek aukera bikain bat izan du, baina Claudio Bravok gelditu erabakigarria egin du.

30. minutuan Ibai Gomezek 1-0ekoa egin du, Santutxuko jokalariak jaurtiketa indartsu batekin Bravo gainditzea lortu du. Hala ere, zuri-gorrien pozak ez du askorik iraun. Izan ere, 34. minutuan, Griezmannek 1-1ekoa egin du. Frantziarrak 'Chory' Castroren erdiraketa bikaina aprobetxatu du berdinketa lortzeko. Gol banarekin heldu da atsedenaldia. 

Bigarren zatian txuri-urdinak nagusi izan dira eta talde zuri-gorriak asko sufritu du defentsan. 66. mintuuan Raul atezainaren akats larri bat aprobetxatu du Agirretxek 1-2koa egiteko. Realaren golak ukituta utzi du Bilboko taldea eta partida aldapa gora jarri zaie. Montanierrek Carlos Vela zelairatu du Agirretxeren ordez, eta mexikarrak 1-3koa egin du. Athletic-ek ez du markagailuko aldea murrizteko ia aukerarik izan eta azkenean txuri-urdinak eraman dituzte hiru puntuak. Realak Europako postuetan jarraitzen du. 

Fitxa teknikoa:
Athetic: Raul; Iraola, San Jose, Laporte, Aurtenetxe (Muniain, 64. minutua); Iturraspe, De Marcos, Herrera; Susaeta, Aduriz (Llorente, 73. minutua) eta Ibai Gomez.

Reala: Bravo; Carlos Martinez, Mikel Gonzalez, Iñigo Martinez, De la Bella; Bergara, Illarramendi (Ruben Pardo, 88. minutua); Prieto, Chory Castro (Zurutuza, 75. minutua), Griezmann; eta Agirretxe (Vela, 66. minutua). 

Golak: 1-0, 30. minutua: Ibai Gomez. 1-1, 34. minutua: Griezmann. 1-2, 66. minutua: Agirretxe.

Berdinketa Anoetan (1-1)

Realak gehiago merezi izan du, baina ezin izan du Levanteren kontra irabazi

Talde txuri-urdinak ez du hirugarren garaipena jarraian lortu, baina beste puntu bat lortu du Levanteren aurkako partida berdinduz. Montanierren mutilak bolada onean jarraitzen dute, azken hamairu neurketarik bakarra baino ez baitute galdu. 

Indartsu berdeguneratu da talde txuri-urdina, baina Levante ondo kokatuta egon da eta kontraerasoak osatu ditu. Talde valentziarra hobeto zegoenean, 17. minutuan, Realak lehen gola egin du penaltiz. Nikos Karabelasek Calos Vela lurrera bota du eta aurrelari mexikarrak ez du hamaika metrotatik hutsik egin.

Gola sartu eta gero Reala ondo aritu da eta ez dio Levanteri jokatzen utzi. Hala ere, 27. minutuan epaileak Jose Ignacio Martinezen taldearen aldeko penalti bat adierazi du epaileak 'Chory' Castrok Lelliri egindako falta baten ondorioz. Michelek 1-1eko jarri du markagailuan.

Gola jaso ostean, Realak sakatzen jarraitu du, baina Valentziako taldeak ere aurkera batzuk izan ditu. Bravo oso adi egon da eta ez du gola ekiditzeko arazorik izan. Griezmannek lehen zatiaren bukaeran aukera ona zian du, baina kanpora joan zaio. Reala nagusi zela heldu da atsedenaldia.

Bigarren zatian ere Montanierren gizonak izan dira nagusi, baloia txuri-urdinena izan da eta aurkariak baino aukera gehiago izan dituzte. Aukera nagusiak Carlos Velak, 'Chory' Castrok eta Griezmannek izan dituzte. Hala ere, bigarren zatia hasi eta minutu gutxira, Levantek markagailuan aurretik jartzeko aukera izan du, baina Michelen jaurtiketak langan jo du.

56. minutuan Nikos Karabelasek bigarren txartel horia ikusi du eta Realari guztiz alde jarri zaio partida. Montanierren mutilek Levante bere zelaian sartu dute, baina valentziarrak atzean itxi dira. Zenbait aukera izan dituzten arren ez dute beste golik egitea lortu. Azkenean berdinketarekin geratu dira bi taldeak. Puntuak zapore gozoagoa izan du Levanterentzat Realarentzat baino. 

Fitxa teknikoa:

Real Sociedad: Bravo; Carlos Martinez, Iñigo Martinez, Mikel, De la Bella; Illarramendi, Bergara (Ruben Pardo, 63. min), Xabi Prieto (Agirretxe, 70. min); Griezmann, Vela y Chory Castro (Diego Ifran, 78. min).

Levante: Kiko Navas; Vintra, Iborra, Ballesteros, Lell (Pedro Lopez 46. min); Diop, Valdo, Rios (Juanfran, 59. min), Karabelas; Michel (Ruben, 79. min), Martins.

Golak: 1-0, 17.min : Vela (p). 1-1, 29.  min: Michel (p)

Garaipen lasaia Anoetan (3-0)

Realak etxean menderaezin izaten jarraitzen du

Txuri-urdinek gehiegi sufritu gabe hartu dute Mallorca mendean. Lehen zatian ez da gol aukera askorik egon, baina Caparrosen taldea bat gutxiagorekin geratu da eta donostiarrek bigarren zatian ederki aprobetxatu dute aukera. Garaipenak Europa Leaguea jokatzeko postuetatik puntu bakarrera utzi dute Reala.

Lehen zatian txuri-urdinak nagusi izan diren arren, ez da aukera argirik egon. Ruben Pardok agindu du zelai erdian eta Mallorca ez du ia arriskurik sortzeko aukerarik izan. Montanierren mutilak Calatayuden areara heldu dira, baina erdiraketa onak bururu arren, ez dute errematean asmatu. 

29. minutuan epaileak bigarren txartel hori eztabaidagarri bat erakutsi dio Javi Marquez Mallorcako jokalariari. Orduan, neurketa guztiz alde jarri zaie gipuzkoarrei. Hala ere, lehen zatiko azkenengo minutuetan Realak ez du ia aukerarik sortu eta golik gabe iritsi da atsedenaldia.

Bigarren zatian Montanierren mutilak erasora irten dira eta 55. minutuan 'Chory' Castrok 1-0ekoa jarri du markagailuan. Uruguaiarrak atezainaren aldaratze bat aprobetxatu du gola egiteko. Mallorcak ezin izan dio egoerari buelta eman eta hamabost minutu beranduago Carlos Velak 2-0ekoa egin du Ruben Pardoren pase bikain bat baliatuz. Partida amaitzear zela Ifranek 3-0ekoa egin du eta hiru puntuak Donostian geratu dira.

Fitxa teknikoa:
Reala: Bravo; Carlos Martinez, Elustondo, Iñigo Martinez, Jose Angel (Estrada, 75. minutua); Illarramendi, Ruben Pardo, Xabi Prieto; Griezmann, Chory Castro (Diego Ifran,  90. minutua) eta Vela (Agirretxe, 75. minutua).

Mallorca: Calatayud; Luna, Nunes, Geromel, Hulton; Tissone (Alfaro, 75. minutua), Javi Marquez, Nsue (Lopez, 59. minutua), Giovani; Hemed (Marti, 33. minutua) eta Casadesus.

Golak: 1-0, 55. minutua: Chory Castro. 1-1, 70. minutua: Vela. 3-0, 87. minutua: Ifran.

Realak liderra balaztatu du (3-2)

Bartzelonak denboraldiko lehen porrota jaso du Anoetan

Talde txuri-urdinak garaipen bikaina lortu du Anoetan FC Bartzelonaren kontra (3-2). Talde kataluinarrak denboraldiko lehen porrota jaso du. 0-2 galtzen joan arren Montanierren mutilek markagailua iraultzea lortu dute. 'Chory' Castro (2) eta Agirretxe izan dira goleatzaile txuri-urdinak. 

Lehen zatiko aurreneko minutuetan Bartzelonarena izan da baloiaren jabetza, hala ere, Realak hainbat abagune izan ditu. Izan ere, lehen aukera Donostiako taldearena izan da, baina Illarramendiren bolea gutxigatik kanpora joan da. Minutu gutxi batzuk geroago Messik aukera bikaina izan du, baina huts egin du Bravoren aurrean. Hala ere, minutu bat geroago, 0-1ekoa egin du argentinarrak; Iniestaren pasea aprobetxatuz, baloia ate barrura bidali du. 

Hamaikagarren minutuan, estrategia jokaldi batean Realak berdinketa lortzeko puntuan egon da, baina Valdesek Xabi Prietoren jaurtiketa gelditu du. Txuri-urdinek aukera gehiago izan dituzten arren, 26. minutuan, Alvesen erdiraketa baliatuta Pedrok 0-2koa jarri du markagailuan. Messik 0-3koa egiteko aukera bikaina izan du 36. minutuan, baina baloiak zutoina jo du.

Realari neurketa maldan gora jarri zaion arren, ez du etsi eta 41. minutuan 1-2koa egitea lortu du. Velak baloia bikain kontralatu du, 'Chory Castro' ondo kokatuta ikusi eta uruguaiarrak ez du Valdesen aurrean hutsik egin. 

Juaris25

Bigarren zatian indartsu zelairatu da Reala eta 55. minutuan Tito Vilanoraveren taldea hamar jokalarirekin geratu da. Undiano Mallenco epaileak bigarren txartel horia erakutsio dio Piqueri. Txuri-urdinak egoeraz baliatu eta 63. minutuan 'Chory' Castrok norgehiagoka berdindu du. Uruguaiarraren erremateak Mascheranon jo du eta baloia sarera joan da markagailua 2-2koa jarriz. 

Berdinketa lortu eta gero Reala gustora aritu da eta taldeak garaipena lortzeko ahaleginetan jarraitu du. Talde kataluinarra, aldiz, urduritzen hasi da. Montanierren mutilak azken minutura arte golaren bila joan dira eta esfortsu horren ondoren, 91. minutuan, Imanol Agirretxek 3-2koa egin du. Aurrelariak Carlos Martinezen erdiraketa bikaina errematatu ondoren, hiru puntuak Donostian geratzea lortu du.

Juaris25

Fitxa teknikoa:

Reala: Bravo; Carlos Martinez, Mikel Gonzalez, Iñigo, De la Bella; Markel, Illarra, Xabi Prieto (Ruben Pardo, 80'), Griezmann; Vela (Agirretxe, 85') eta Chory Castro (Ifran, 74').

Bartzelona: Valdes; Alves, Pique, Puyol, Jordi Alba; Sergio Busquets, Iniesta, Xavi; Pedro (Adriano, 89'), Cesc (Mascherano, 58') eta Messi.'

Golak: 0-1, 6. minutua: Messi. 0-2, 25. minutua: Vela. 1-2, 41. minutua: 'Chory' Castro. 2-2, 63. minutua: 'Chory' Castro. 3-2, 91. minutua: Agirretxe. 

Reala Kopatik kanpo utzi du Kordobak (2-2)

Montanierren mutilek ez du lortu kanporaketari buelta ematea

Realak ez ditu Erregearen Kopako final-zortzirenak jokatuko Kordobaren aurka kanpoan geratu ondoren. Donostiarren 2-0 galdu zuten joanekoan eta Anoetan berdindu (2-2) ondoren Kopatik kanpo geratu dira. 

Kordoba indartsu zelairatu da Anoetan eta txuri-urdinen lana oztopatu dute. Hala ere, lehen aukera argian Realarenak izan dira, baina Saizar Kordobako atezaina fin aritu da. Aukera onenak Griemannek eta Agirretxek izan dituzte, baina Saizarrek ondo egin du bere lana. 

Antoine Griezmannek 1-0ekoa lortu du 20. minutuan. Ruben Pardoren pase bikain baten ondoren, frantziarrak ederki gainditu du atezaina. Hamar minutu geroago, Agirretxe bigarrena egiteko aukera aparta izan du, baina errematea kanpora joan da. Griezmannek beste aukera bat ere izan du, baina jaurtiketa langa gainetik kanpora joan da. Atsedenaldia heldu baino lehenagoko azken aukera argia 'Chory' Castrorena izan da, baina Saizarrek bikain desbideratu du baloia. 

Bigarren zatiko lehen minutuetan txuri-urdinak erasokor aritu dira, baina ez dute aukera argirik izan. Ruben Pardo urrunetik saiatu da 55.  minutuan, baina Kordobako atezainak baloia kornerrera bidali du.  Dubarbierrek Kordobarentzat lehena egiteko aukera aparta izan du, baina Zubikaraik bikain desbideratu du jaurtiketa.

65. minutuan Kordobak berdinketaren gola egin du; Kiko Olivasek hegaleko falta bat bikain errematatu eta 1-1ekoa jarri du. Donostiarrei kanporaketa are beltzago jarri zaie 71. minutuan Dubarbierrek 1-2koa egin duenean. 84. minutuan Agirretxek txuri-urdinen bigarren gola lortu du (2-2); hala ere, Reala Erregearen Kopatik kanpo geratu da. 

Fitxa teknikoa:

Reala: Zubikarai; Estrada, Mikel Gonzalez, Iñigo Martinez, Jose Angel; Illarramendi (Ifran, 68. minutua), Ruben Pardo, Zurutuza (Xabi Prieto, 49. minutua); Griezmann (Vela, 77. minutua), Chory Castro eta Agirretxe.

Kordoba: Saizar; Fuentes, Gaspar, Fernandez, Kiko; Lopez Garay, Caballero (Alberto, 75. minutua); Dubarbier; Lopez Silva (Cristian, 68. minutua), Patiño (Vico, 80. minutua) eta Abel.

Golak: 1-0, 20. minutua: Griezmann. 1-1, 65. minutua: Kiko. 1-2, 72. minutua: Dubarbier. 2-2, 84. minutua: Agirretxe.

Realak Rayo jipoitu du Anoetan (4-0)

Carlos Vela (2), Mikel Gonzalez eta 'Chory' Castro izan dira goleatzaileak

Realak Rayo Vallecano mendean hartu du Anoetan (4-0). Txuri-urdinak indartsu zelairatu dira eta hala jarraitu dute neurketa osoan zehar. Ruben Pardo eta Illarramendik erakustaldia eman dute zelai erdian. Lehen bi golak Carlos Velak egin ditu, ondoren Mikel eta 'Chory' Castro festara batu dira. 

Partidua hasi bezain laster Ifran Cobeñoren aurrean bakarrik geratu eta atezaina gainditu du, baina epaileak baloia eskuarekin eraman duelakoan gola baliorik gabe utzi du txarter horia erakutsiz. Realak ez du amorerik eman eta sakatzen jarraitu du eta Bravok ez du lan handirik izan.

Horrela, 31. minutuan, Realaren lehen gola iritsi da. Carlos Velak area barruan baloi solte bat aprobetxatu eta 1-0ekoa jarri du markagailuan. Lehengo gola sartu eta jarraian mexikarrak Ruben Pardoren pase bikain bat jaso du eta bigarrena egin du jaurtiketa eder baten bidez. 

Bigarren zatian Rayo indartsuago irten dela zirudien, baina 60. minutuan Mikel Gonzalezek kontraeraso azkar batean 3-0ekoa egin du. Handik gutxira, 76. minutuan, Ruben Pardok beste pase bikain bat eman eta 'Chory' Castrok abagunea ondo aprobetxatu du 4-0ekoa egiteko. Horrela, hiru puntuak Donostian geratu dira, Anoetako armailetara poza itzuliz.

Fitxa teknikoa:

Rayo: Cobeño; Tito, Labaka, Gálvez, Casado (Delibasic, 46. minutua); Javi Fuego, Trashorras; José Carlos, Piti, Chori Domínguez (Lass, 65. minutua) y Leo Baptistao (Damian, 83. minutua).

Reala: Bravo; Carlos Martinez, Mikel Gonzalez, Iñigo Martinez, De la Bella; Ruben Pardo (Zurutuza, 78. minutua), Illarramendi, Xabi Prieto, Vela; Castro (Agirretxe, 81. minutua) eta Ifran (Markel, 73. minutua).

Golak: 0-1, 31. minutua: Vela. 0-2, 32. minutua: Vela. 0-3, 60. minutua: Mikel. 0-4, 76. minutua: 'Chory' Castro.

Realak Cordoban bilatuko du Erregearen Kopako lehen garaipena

Txuri-urdinek talde andaluziarraren aurka jokatuko dute final-hamaseirenetako joaneko neurketa

Kordoba Realaren aurka ezustekoaren bila zelairatuko da, Arcangel futbol zeian 14.000 zale egongo dira Andaluziako taldea animatzen. Montanierren mutilentzat ez da partida erraza izango, baina beharrezkoa dute garaipena Anoetako itzulerako neurketa lasaitasunez hartzeko.

Txuri-urdinak norgehiagoka irabazteko faboritoak diren arren, ez daude bere momenturik onenean. Astelehenean jokatutako Valladoliden aurkako partidan jokalari askok min hartu zuten eta  entrenatzaileak taldekide garrantzitsu batzuei atsedena emango die.

Realak Erregearen Kopan zorte txarra izan du azken urteetan, Donostiako taldeak iragan denboraldian porrot mingarria jaso zuten Mallorcaren aurka eta oihartzun handia izan zuen partida horrek. 

Bravo, Zurutuza, Elustondo eta Griezmann ez daude jokatzeko prest. Horretaz gain, deialdian sartu diren arren Zubikarai, Agirretxe eta 'Chory' Castro minduta daude. Montanierrek Sanseko jokalaria den Fuchs ere deitu du; Diego Ifran uruguaiarrak minutuak izatea espero da.

Deialdiak:

Córdoba: 

Reala: Zubikarai, Royo, Dani Estrada, Carlos Martínez, Mikel, Ansotegi, Iñigo, Jóse Ángel, Markel, Pardo, Illarra, Javi Ros, Fuchs, Xabi Prieto, Agirretxe, Vela, Ifrán eta 'Chory' Castro

Epailea: González González

Ez dago etxetik kanpo irabazterik! (2-2)

Bi aldiz joan da Reala markagailuan aurretik, baina ezin izan ditu hiru puntuan eskuratu

Txuri-urdinek lehen aldiz puntuatu dute etxetik kanpo, hala ere, ezin izan dituzte hiru puntuak eskuratu.  Realak 2-2ko berdinketa lortu du Valladoliden kontra Jose Zorrilla zelaian. Donostiarren bi golak Griezmannenak izan dira. Baina Ebert eta Oscar partida berdintzeaz arduratu dira. 

Realak bigarren minutuan izan du lehen aukera argia, baina 'Chory' Castroren jaurtiketa gurutzatua kanpora joan da. Ondoren, Valladolideko taldea erasoan gogor sakatzen hasi da era Bergarak defentsa sendotu behar izan du. Etxeko taldeak falta batean izan du lehen abagune argia, baina Zubikaraik bikain desbideratu du Eberten jaurtiketa.

31. minutuan ere Ebertek urruneko jaurtiketa ona egin du, baina Zubikarain bi alditan gelditu du. Etxeko taldea gogor sakatzen ari zenean, Griezmannek 0-1ekoa jarri du markagailuan. Frantziarrak ederki aprobetxatu du korner baten aldaratzea markagailuan aurretik jartzeko. Pozak ez du asko iraun eta 43. minutuan Ebertek berdinketaren gola (1-1) egin du urruneko jaurtiketa batekin. Berdinduta joan dira bi taldeak aldageletara.

Bigarren zatiaren hasieran txuri-urdinak erasoan sakatzen hasi dira. 47. minutuan Griezmannek aukera argia izan du, baina baloia langara joan da. Realak Valladolid atzean sartu du eta 57. minutuan frantziar gazteak 1-2koa jarri du La Pucela zaharreko markagailuan. Griezmannek urruneko jaurtiketa batekin gainditu du Dani Hernandez.

Djukicen taldeak gogor presionatu du golaren ostean, baina ez da aukera argirik egon. Hala ere, Oscarrek berdinketaren gola (2-2) lortu du 74. minutuan Zubikari buruz gaindituta. Valladolideko taldea azkenengo minutura arte gogor aritu da erasoan, baina Montanierren mutilek ederki eutsi dute defentsan. Neurketako azkengo abagunea Jose Angelek izan du zelai erditik baloia jaurti ondoren, baina Dani Hernandezek gelditu ikusgarri batekin desbideratu du baloia. Azkenean, 2-2koarekin iritsi da partidaren amaiera. 

Fitxa teknikoa:

Valladolid: Dani Hernandez; Rukavina, Rueda, Marc Valiente, Balenziaga; Ebert, Alvaro Rubio (Neira, 65. minutua), Victor Perez, Omar (Bueno, 60. minutua); Oscar eta Guerra.

Reala: Zubikarai; Carlos Martinez, Mikel, Iñigo Martinez, De la Bella; Bergara, Illarramendi, Griezman (Pardo, 78. minutua); Castro (Jose Angel, 73. minutua), Vela (Prieto, 66. minutua), eta Agirretxe.

Golak: 0-1: 36. minutua, Griezmann. 1-1: 43. minutua, Ebert. 1-2: 56. minutua, Griezmann. 2-2: 75. minutua, Oscar.