Mariga jada ez da Realeko jokalaria

Reala eta Inter de Milán akordio batera heldu dira, Mariga talde txuri-urdinarekin lotzen duen kontratua bertan behera uzteko. Erdilari keniarra Italiara itzuliko da.

www.afrikansoccer.com

Gol festa Anoetan

Oso ondo hasi dute norgehiagoka txuri-urdinek, aurreneko hiru minutuetan Zurutuzak bi gol sartu ditu. Realaren kalitateak 5-1eko markagailua jartzea lortu du.

Realak Sporting jipoitu du Anoetan. Horrela, Manolo Preciado entrenatzailea egoera larrian utzi dute, eta bide batez, arnasa hartu dute sailkapenean.

Realak bikain hasi du neurketa eta bi jokaldi onen bidez jarraian sartu ditu lehen bi golak Zurutuzak. Realeko erdilaria protagonista izan da partidako lehen m

inutuetan, izan ere bi golak sartu ondoren lesionatu egin da. Gregory Sportingeko defensaren eta Zurutuzaren buruek elkar jo dute airean eta bi jokalariek lesionaturik berdegunea utzi behar izan dute.

www.eitb.com

Jokaldi horren ondore neurketak erritmoa galdu du eta Realaren baloi-jabetza jeitsiz joan da, baina Sportingek ez du arriskurik sortu.

Bigarren zatia ere bizi hasi da, lehen minutuan De las Cuevas Sportingeko jokalariak 2-1ekoa jarri du markagailuan. Golaren ondoren beraien jokoa bizitu dute asturiarrek, baina ez dituzte aukerak aprobetxatu.

Griezmannek 76. minutuan jarritako kornerrean Elustondok hirugarrena sartu du. Sportingek kolpe latza hartu du eta luzapenean Aranburuk eta Griezmannek 5-1ean uzti dute markagailua.

www.eitb.com

Fitxa teknikoa:

Reala: Bravo; Carlos Martinez, Mikel Gonzalez, Iñigo Martinez, Estrada; Elustondo, Aranburu, Zurutuza (Markel Bergara, 8. minutua), Vela (Xabi Prieto, 80. minutua), Griezmann; Agirretxe (Ifran, 61. minutua).

Sporting: Juan Pablo; Canella, Galvez, Gregory (Botia, 13. minutua), Damian; Rivera, Nacho Cases (Muñiz, 46. minutua), De las Cuevas, Trejo, Carmelo (Sergio Alvarez, 78. minutua); Bilic.

Golak: 1-0, 1. minutua: Zurutuza. 2-0, 2. minutua: Zurutuza. 2-1, 46. minutua: De las Cuevas. 3-1, 75. minutua: Elustondo. 4-1, 90. minutua: Aranburu. 5-1, 90+3. minutua: Griezmann.

Agur bolada onari

Txuri-gorriek partida hasi bezain laster lortu dute 0-1ekoa eta partida osoan zehar nagusi izan dira Simeoneren mutilak. Realak ez du gol aukera argirik sortzeko betarik izan.

Txuri-urdinek porrot mingarria jaso dute etxean Atletico Madrilen aurka 0-4 galduta. Penalti bati esker Falcaok lehenengoa egin du 2. minutuan eta erabat zaildu zaio partida Montaneirren taldeari. Bigarren zatian ere Realak ez du gol aukerarik sortu eta txuri-gorrientzat erraza izan da partida irabaztea.

Partida ez da batere ondo hasi Realarentzat, lehengo minutuetan Muñiz Fernández epaileak penaltia adierazi du txuri-urdinen aurka. Demidovek besoarekin ikutu du baloia area barruan eta Falcaok 11 metrotatik 0-1ekoa jarri du.

Lehenengo minutuetan Reala ez da oso eroso sentitu eta Atletico Madrilek izan du baloiaren jabetza. Minutuak aurrera joan ahala, Montaneirren mutilak txuri-gorrien atera hurbilduz joan dira. Abagune nabarmenenak Carlos Velak eta Agirretxek izan dituzte; hala ere, ez dute gol aukera argirik sortu. Norgehiagokako aukerarik argiena Griezmannek izan du 29. minutuan, baina edertki geratu du baloia Courtois atezainak.

www.eitb.com

Simeoneren mutilak kontraerasoan gogor aritu dira, baian Claudio Bravo atezain txuri-urdinak ez du aparteko arazorik izan. Aldageletara markagailuan 0-1 jartzen zuelarik joan dira.

Bigarren zatiko aurreneko minutuetan 0-2koa jarri du Adrianek. Atletico Madrilek taldeko jokaldi aparta egin du eskuineko hegaletik eta aurrelariak baloia sarera bidali du. Realak bigarren zatian izan duen aukerarik argiena Elustondok falta bat jaurti duenean izan da, baina baloia zuzenean kanpora joan da.

Partidako 81. minutan Falcaok gol bikaina sartu du Claudio Bravo gainetik gaindituz eta 0-3koa jarri du markagailuan. Txuri-urdinak erabat etsituta geratu dira eta partidako azken gola, 0-4koa, Falcaok egin du.

Fitxa teknikoa:

Reala: Bravo; Estrada (Diego Ifran, 73. minutuan), Demidov, Mikel Gonzalez, Cadamuro (Xabi Prieto, 59. minutuan); Elustondo, Aranburu, Zurutuza, Griezmann, Vela; Agirretxe (Llorente, 82. minutuan).

Atletico Madril: Courtois; Juanfran, Godín, Miranda, Filipe Luis; Gabi, Mario Suarez (Perea, 68. minutuan); Arda Turan (Assunçao, 87. minutuan), Diego (Koke, 79. minutuan), Adrian; Falcao

Golak: 0-1, 2. minutuan: Falcaok penaltiz. 0-2, 47. minutuan: Adrian. 0-3, 82. minutuan: Falcao. 0-4, 90. minutuan: Falcao.

Bolada onari segida eman nahian

Montaneirren taldeak ligako zazpi norgehiagoka daramatza galtzea zer den jakin gabe. Gaur Anoetan Atletico Madrilen aurka bolada ona mantentzen saiatuko dira txuri-urdinak.

Taulan aurrerapausu bat emateko txuri-urdinek Simenoneren taldea gainditu beharko dute. Argentinarraren taldeak itxura ona eman du Manzano joan zenetik; beraz, ez da erraza izango koltxoneroen aurka irabaztea. Txuri-gorriek Anoetan irabazi duten partida bakarra iazko denboladikoa izan zen (2-4).

www.marca.com

Bi taldeak sasoi onean aurkitzen dira Realak ligako azken zazpi partidetan lau berdinketa eta 3 garaipen lortu ditu. Azkenengo garaipena gainera, joan den larunbatean lortu zuten Mestallan, horrek indarberrituta eramango ditu jokalari txuri-urdinak Anoetara. Hala ere, Atletiko Madrilek Simeonerekin izan duen hasiera paregabeareakin, konfiantzaz beteta helduko dira Donostiara.

Montaneirren Iñigo Martínez eta Carlos Martínez atzelariak berreskuratu baditu ere, badirudi ez direla hasierako hamaikakoan egongo. Erasoan Imanol Agirretxe, Antoine Griezmann eta Xabi Prieto arituko dira.

www.que.es

Deialdiak

Reala: Bravo, Zubikarai, Carlos Martínez, Dani Estrada, Demidov, Mikel González, Cadamuro, Iñigo Martínez, Xabi Prieto, Markel, Elustondo, Zurutuza, Mariga, Griezmann, Vela, Agirretxe, Ifrán, Llorente.

Atletico: Courtois, Asenjo, Perea, Godín, Filipe, Domínguez, Miranda, Assunçao, Juanfran, Diego, Mario Suarez, Gabi, Koke, Salvio, Arda Turan, Adrián, Pizzi, Falcao.

Zauria zirikatzen

Gaur ospatzen da Athletic eta Mallorcaren arteko joaneko norgehiagoka San Mamesen arratsaldeko zortziretatik aurrera. Min handia ematen dit partida horrek, gauzak beste era batera gertatu izan balira, ni hor egongo nintzateke Katedralean, oihuka, nire taldea animatzen. Gauzak ez ziren ondo joan eta gaur ez gara errealzaleak San Mamesen egongo. Etxean geratuko gara Bilboko partidaren eta Bernabeun gaueko hamarretan jokatuko den klasikoaren zain.

Zer egingo diogu? Sufrimendua eta tristura ekarriko dizkigu gaurko partidak, baina burua altxatu beharra dago, eta horretarako pausu erraldoia izan zen larunbatean Mestalla gertutu zena. Espero dut datorren denboraldiko Erregearen Kopan erne egotea, eta sartutako golak eta hartutako abantaila pikutara ez bidaltzea.

Agur eta ohore Epelde!

Larunbatean eman zuen azken hatsa Joxe Mari Soraluze "Epelde" soinu jotzaileak

Joan den larunbatean zendu zen Epelde, baina atzo zabaldu zuen berria Euskal Herriko Trikitixa Elkarteak. Hileta elizkizuna atzo egin zen Azkoitiko parrokian.

Ia mende oso bat bizi izan da Epelde eta urte horietatik, 80 bat eman ditu soinu txikiari lotuta. Xabier Gantzarain idazleak haren inguruko biografia idatzi zuen 2004ean eta Euskal Herriko Trikitixa Elkarteak argitaratu zuen.

www.berria.com

1914an jaio zen Epelde Azkoitiako Martirieta auzoan, Munoa baserrian. Auzo horretako baserri gehienetan zeuden soinu jotzaileak eta berari ere irrika piztu zitzaion. Hala ere, etxetik zetorkion musikarako zaletasuna aita eta aitona dultzaineroak bait zituen.

Baserriko lana amitu ondoren ekiten zion soinua jotzeari, baina 1936ko gerra iritsi zenean denboratxo bat eman zuen jo gabe. Gerrak oroitzapen gogorrak uzteaz gain, hiru balen markak ere utzi zizkion: sorbaldan, gibel aldean eta oinean.

Gerratik bueltatu zenean berriro hartu zuen soinua eta Epelde baserriko Joxepa Balentziagarekin ezkondu zen, baita 8 seme-alaba izan ere. Seme-alabak hezi beharraren pisuak ez zuen inoiz Epelde soinua jotzetik aldendu. Frankismo garaian ere ez zuen soinua isildu eta erromeriak egin zituen mendi partean.

1972an bere semeetako batek, Tomasek alegia, Euskal Herriko Trikitixa Txapelketa irabazi zuen; bere aita bigarren geratu zen Egurrolarekin, bere ohiko pandero jotzailearekin. 1979koa da Epelde eta Egurrolaren grabazio bakarretakoa, ez bait ziren sekula atrebitu.

80 urterekin utzi zion Epeldek soinu txikia jotzeari, baina harekiko sentitzen zuen maitasuna baztertu gabe.

Burua altxatzeko lehen pausua

Realak urrezko 3 puntu lortu ditu Valentzian 0-1 irabazita. Erregearen Kopan jasotako jipoiaren ondoren Antoine Griezmannek zoriona banatu du txuri-urdinen artean.

Mestallako garaipen garrantzitsu honetan, Antoine Griezmann izan da Realeko jokalaririk onena. Bere golari esker txuri-urdinak balio handiko hiru punturekin itzuliko dira etxera. Bigarren zatiko 10. minutuan sartu du gola jokalari frantziarrak.

Partidako aurreneko minutuetan Unai Emeryren taldea izan da nagusi eta gol aukera batzuk ere izan ditu. 14. mintuan Bravok ederki gelditu du Pablo Hernandez-en urrutiko jaurtiketa bat eta 15. mintuan Adurizen errematea langara joan da zuzenean. Valentziarrek ez dituzte aukera horiek aprobetxatu eta etxeko taldea indarra galduz joan da.

Adurizen saiakeraren ostean, Montaneirren taldea baloiarekin egin da eta gehiago sakatu du. Hala ere, Agirretxek laguntza gutxi izan du eta Realak ez du aukera argiegirik sortu. Atsedenaldia baino lehen, Dani Parejok Valentziarentzat lehena egiteko aukera izan du, baina jaurtiketa oso desbideratuta joan da.

Bigarren zatiko bigarren minutuan Feghoulik gol aukera aparta izan du, baina baloia gutxigatik kanpora joan zaio. Talde txuri-urdinak ondo erantzun du eta 55. minutuan Griezmannek 0-1ekoa jarri du markagailuan. Frantziarrak bere aldaratzea hartu du eta Dani Alves atezainaren gainetik, primeran bidali du baloia sare barrura.

Errealak ondo mantendu ditu lerroak markagailua alde izanda eta Valentziak ezin izan du gol aukera garbirik sortu. Txuri-urdine sakatzen jarraitu dute eta Griezmannek bigarrena egiteko aukera paregabea izan du 43. minutuan, baina baloia langaren gainetik joan da. Jonasek berdinketa lortzeko aukera izan du 83. minutuan, baina Bravok ongi gelditu du baloia. Azkenean, Montaneirren taldeak eraman ditu hiru puntuak.

Fitxa teknikoa:

Valentzia: Diego Alves, Bruno, Rami, Dealbert, Mathieu (Jordi Alba, 54. minutuan), Topal, Banega, Feghouli (Alcacer, 71. minutuan), Parejo (Jonas, 65. minutuan), Pablo eta Aduriz.

Reala: Bravo, Estrada, Mikel Gonzalez, Demidov, Cadamuro, Aranburu (Mariga, 80. minutuan), Elustondo, Xavi Prieto, Zurutuza, Griezmann (Martinez, 90. minutuan) eta Agirretxe (Vela, 69. minutuan)

Gola: 0-1: 55. minutuan: Griezmann.

Burutik kendu ezinik

Ez dut sekula horrelakorik sentitu. Galdu, irabazi edo berdindu egin dugu askotan, baina asteartekoa ez zen horietako ezer izan, penagarria izan zen. Errealzale sutsua izan naiz beti eta taldeagatik dena emango nuke. Orain gauzak ez dira aldatu, ez diot sekula errealzalea izateari utziko, baina gauza arraro bat sentitzen dut. Gaur Valentzian daukagu ligako norgehigoka, ez dakit ikusi nahi dudan, oraindik ez zait astearteko partidak egin zidan zauria itxi. Min eman zidan taldeak, ez nuen horrelakorik espero. Zaleekiko errespetu falta ikaragarria izan zen, nahiz eta hedabideetan lotsatuta agertu ziren jokalariak, zerbait egin beharko dute zaleon haserrea baretzeko. Zelaian bakarrik konpon daiteke hau, eta espero dut egun hori laster heltzea. Gure taldeaz berriro harro sentitzea; irabaziz, berdinduz edo galduz, baina duintasuna galdu gabe.

Gau lotsagarria

Reala Erregearen Kopatik kanpo geratu da Mallorcaren aurka 6-1 galdu ondoren. Partida lotsagarria jokatu dute txuri-urdinek San Moixen. Anoetan lortutako abantaila handia (2-0) eta lehen minutuetan Ifranek sartutako gola ez dituzte batere aprobetxatu. Mallorcak berdinketaren gola sartu duenetan Reala erabat desagertu da.

Lehen minutuan hainbat aukera izan ditu Mallorcako taldeak, baina Ifranek gola sartu du De la Bellaren erdiraketa batekin 16. minutuan. Gol honekin dena erabakita zegoela zirudien, gainera Realak baloiaren jabetza berreskuratu du. Zubikarairen areatik gertu egindako falta batek dena aldatu du, Chori Castrok gol bikaina sartu du 34. minutuan atezain txuri-urdinaren eskuadratik.

Caparrosen taldeak lehen gola sartu ondoren Reala lur jota geratu da. Hemedek bigarrena egin du areaz kanpo 35. minutuan, Nunesek korner batean hirugarrena sartu du 37. minutuan eta Castrok laugarrena sartu du 40. minutuan Zubikarairen hutsegite larri bat aprobetxatuz.

www.eitb.com

Realaren egoerak ez du hobera egin atsedenaldia eta gero. Alfarok bostgarren gola egin du 53. minutuan eta Hemedek seigarrena 59. minutuan, Reala aukerarik gabe hutsiz. Montaneir ez da batere pozik agertu norgehiagoka ondoren egindako adierazpenetan.

Fitxa teknikoa:

Mallorca: Calatayud; Zuiverloon (Company, 65. minutua), Nunes, Crespi, Bigas; Alfaro, Marti, Pina, Castro (Tejera, 80. minutua); Hemed eta Ogunjimi (Nsue, 78. minutua).

Reala: Zubikarai; Estrada, Martinez, Demidov, De La Bella; Xavi Prieto (Griezmann, 60.minutua), Mariga (Aranburu, 60.minutua), Elustondo, Vela; Zurutuza (Agirretxe, 68. minutua) y Ifrán.

Golak: 0-1, 16. minutua: Ifran; 1-1, 34. minutua: 2-1, 35. minutua: Hemed; 3-1, 37. minutua: Nunes; 4-1, 40.minutua: Castro; 5-1, 50. minutua: Alfaro; 6-1, 60.minutua: Hemed.

El conquistador del fin del mundo

Atzo hasi zen ETB2-k urtero eskaintzen duen programa: El conquistador del fin del mundo. Lotsagarria da bertara joateko hartu zituzten pertsonak hartzea. Zenbat pertsonek egingo zuten casting-a? Zenbat pertsona egongo dira bertara joateko irrikitan? Zortzigarren edizioa dugu hau eta normala al da parte hartzen dituzten pertsonak okerretik txarrera joatea?

Audientzia kontuak izango dira, baina horrelako pertsonaiak Gran Hermanora bidal ditzatela eta ez bizirautea helburu duen lehiaketa batera. Edo hori suposatzen da behintzat.

Okerrena da ikusten jarraitzen dugula eta 24,9ko share-a izan zuela.

www.eitb.com

Jeitsiera postuetatik aldendu nahian

Bihar arratsaldeko 18:00etan jokatuko da Realaren eta Osasunaren arteko derbia Anoetan. Osasuna UEFA postuetan dago ligan izan dituen emaitza onei esker eta Reala ere fin aritu da Erregearen Kopako azkenengo partidan

www.elpais.com

Bihar arratsaldeko 18:00etan Realak jeitsiera postuetatik aldentzea izango du helburu, eta Osasunak, berriz, UEFA postuetan jarraitzea. Gorriek Camp Noun Bartzelonaren aurka jokatutako Kopako partida galdu zuten, baina horrek ez luke Iruñan dagoen giro ona zapustu behar. Bostgarren postuan jarraitzeko ahalegin guztiak egingo ditu Mendilibaren taldeak.

Reala konfiantzaz beteta itzuliko da Anoetara Mallorcaren aurka partida bikaina burutu ondoren. Irabaztea beharrezkoa dute jeitsiera postuen pisua gainetik kentzeko. Agirretxe, goleatzaile txuri-urdina, oso sasoi onean iritsiko da biharko partidura gorrien atea zeharkatzeko prest.

Deialdiak

Osasuna: Andrés Fernández, Asier Riesgo, Damiá, Lolo, Satrústegui, Miguel Flaño, Raitala, Sergio, Annunciata, Calleja, Cejudo, Lamah, Neukonam, Puñal, Timor, Ibrahima, Lekic, Nino

Real Sociedad: Bravo, Zubikarai. Estrada, Mikel González,, Ansotegi, Cadamuro, Demidov, Da la Bella, Xabi Prieto, Rubén Pardo, Zurutuza, Elustondo, Aranburu, Mariga, Griezmann, Vela, Agirretxe, Ifrán

Erregeak Vs. Olentzero

Errege eguna heldu da eta aurten ez dira nire etxetik pasatu. Beste urte batzuetan etorri izan dira; hala ere, ez didate Olentzerok adina ilusiorik egiten. Errege eguna beste edozein egun baino aspergarriagoa da eta etxean manta batekin estalita geratzen naiz urtero. Olentzero desberdina da, beste ukitu bat ematen dio egunari. Pentsatu izan dut agian azterketak hurbil daudelako izan daitekeela, baina ez dut uste hori denik. Zer izango ote da?

Umetan erregeek ere ilusioa egiten zidaten, opariengatik seguruenik. Orain ilusio hori ez dut inondik ere aurkitzen. Errege eguna gabonen muga da eta horrek psikologikoki eragina izan dezakeela suposatzen dut. Bihar jada ez gara gabonetan egongo, baina denak berdin jarraituko du: atzo bezain gaizki batzuentzat, eta atzo bezain ongi beste apur batzuentzat. Ni hurrengo urteko Olentzero egunaren esperoan geratuko naiz...

Overbooking-a libututegian

Urtarrilean egonik, azterketa garaia da ia unibertsitate-ikasle guztiontzat. Liburutegira joatera ohituta nago, baina ez da sekula egunotan besteko kaosik antzematen. Unibertsitatean klaseak bukatu eta gero, etxean bazkaldu eta liburutegira joaten naiz, arratsaldea aprobetxatzeko asmotan. 3retan, 4retan, 5etan edota 6etan joanda ere lekua soberan egoten da.

Orain urtarrila da, liburutegia astegunetan goizeko beratzietan irekitzen dute eta 9:20 direnerako ez da beste inortxo sartzen. Kartel handi bat dago ikasketa geletan: "ezin da lekurik erreserbatu". Inork ez dio kasurik egiten noski. Neska edo mutil bat heltzen da aurrena (suposatzen dut txandakatuko direla) eta beste 5 lekutan folioak uzten ditu beste inor eser ez dadin. Posible da arratsaldera arte pertsona horiek ez agertzea, baina behintzat beste batzuk lortu ez duten lekua izango dute. Eguerdian ere denek uzten dituzte koaderno eta apunteak mahai gainean eta etxera joaten dira bazkaltzera (ni barne). Urrea balio du urtarrilean liburutegian leku bat izateak, horretarako norbait hiltzeko kapazak izango ginatekeela pentsatzen hasia naiz.

Horrelakoa da ikasleon urtarrileko bizitza, etxetik liburutegira eta liburutegitik etxera. Grazia egiten dit egoerak, bertan zerbait oparitzen dutela ematen du eta.

Zorte on azterketetan!

Final-laurdenetarantzara pausu erraldoia

Realak Erregearen Koparen hurrengo txandara pasatzeko abantaila handia lortu du Mallorcaren aurka 2-0 irabazi ondoren.

Final-laudernetarako sailkatzeko joaneko partida jokatu du gaur Realak Mallorcaren aurka Anoetan. Estuasun handiegirik gabe gainditu dute txuri-urdinek Mallorcako taldea. Mikel Aranburu kapitainak eta Imanol Agirretxek sartu dituzte golak.

Lehen zatia hasi bezain laster, 2. minutuan, gol aukera izan du Caparrós-en taldeak, Hemeden bitartez. Aurreneko minutuetan baloiaren kontrala izan dute, baina sakontasun handiegirik gabe.

Kontraeraso bati esker iritsi da Realaren nagusitasuna eta horrela, 17. minutuan Aranburuk gola sartu du. Eñaut Zubikai atezain txuri-urdinak erremate arriskutsu bat gelditu du eta kontraerasoan egin du Realeko kapitainak lehenengo gola. Aranburuk bikain baliatu du Agirretxeren pasea.

Gola sartu ondoren txuri-urdinek izan dute partidaren eta baloiaren kontrola eta Mallorcak ez du arrisku handiegirik sortu atsedenaldia baino lehen.

Bigarren zatiaren hasieran bi taldeek izan dituzte arriskua sortzeko aukerak, bi taldeek pare bat jaurtiketa arriskutsu egin dituzte. Bigarren zatiaren 10. minutuan sartu du gola Agirretxek. Aranburuk jaurteketaren ondore, aurrelariak Calatayud atezainaren aldaratzea aprobetxatu du bigarren gola sartzeko.

Joaquín Caparrosek lerroak aurreratu ditu golen bat sartu eta kanporaketa apur bat erraztu nahian. Mallorca Zubikarairen atera hurbildu arren, markagailuak berdin jarraitu du norgehiagoka amaitu denean.

Fitxa teknikoa:
Reala: Zubikarai; Estrada, Demidov, Mikel Gonzalez, De la Bella; Elustondo, Aranburu (Mariga, 81. minutua), Griezmann (Vela, 72. minutua), Prieto, Zurutuza; Agirretxe (Llorente, 77. minutua).

Mallorca: Calatayud; Cendros, Marti Crespi, Ramis, Pablo Caceres; Alfaro, Joao Víctor, Pep Marti (Tissone, 72. minutua), Tejera (Nsue, 46. minutua), Hemed (Abdon, 82. minutua); Alvaro.

Golak: 1-0, 17. minutua: Aranburu. 2-0, 55. minutua: Agirretxe.

Agirretxek 2015era arte luzatu du kontratua

Orain dela ordu laurden pasatxo eman du berria klubak, beste albiste on bat errealzaleontzat. Imanol Agirretxe aurrelari bi urte gehiagoz luzatu du bere kontratua. Usurbildarrak 2005eko maiatzaren 8an debutatu zuen lehen taldearekin eta hurrengo jaurdunaldian, aste bete beranduago, sartu zuen bere lehen gola.

Kontratua 2013ko ekainaren 30ean amaitzen zitzaion baina klubarekin akordio batera heldu ondoren, bi urte gehiagoz luzatu du Realarekin duen harremana.

Osasuna

Osasuna da urte berri honi eskatu nahi diodan gauza bakarra. Osasuna niretzat eta maite ditudan pertsona guztientzat. Osasuna izanik ezer gutxi faltako zaigu. Osasuna badugu edozer egiteko prest egon gaitezke. Osasunak zoriona ekar diezaguke. Osasuna da gure ardatz.

Ongi etorri 2012! Ekar iezaiguzu osasuna!