Realak garaipen batekin eman dio amaiera urteari (2-1)

Txuri-urdinek 2-1eko garaipena lortu dute Anoetan Sevillaren aurka

Realak bikain amaitu du 2012. urtea Sevillaren aurka garaipen garrantzitsu bat lortu ondoren (2-1). Hiru puntuei esker txuri-urdinak Europa League-n jokatzea ahalbidetzen duten postuetatik gero eta hurbilago daude. Velak egin du lehen gola, baina Medelek berdintzea lortu du. Hala ere, Montanierren mutilek erreakzionatu eta De la Bellak 2-1ekoa egin du. 

Etxeko taldeak erasoan gogor hasi du partida eta Sevilla bere zelaian edukitzea lortu du. Gauzak horrela, 18. minuruan Carlos Velak 1-0ekoa jarri du markagailuan. Griezmannen jokaldi eder baten ondoren, mexikarrak Diego Lopez atezaina gainditu du.

Realaren gola eta gero Andaluziako taldea kontraerasoaren bidez min egiten saiatu da, baina txuri-urdinak bikain aritu dira defentsan. Ruben Pardo urrunetik saiatu da 29. minutuann, baina Sevillako atezainak jaurtiketa desbideratu du. Atsedenaldia heltzear zela gora egin du Michelen taldeak, baina ez du aukera argirik sortu. 

Bigarren zatiko lehenengo minutuetan Xabi Prietok 2-0ekoa jartzeko aukera argia izan du, baina jaurtiketa langa gainetik kanpora joan da. Hurrengo jokaldian, Claudio Bravok baloia gaizki desbideratu du eta Medelek 1-1ekoa egin du. 

Ifranek markagailuan berriz aurretik jartzeko bi aukera izan ditu, baina bi jaurtiketak zuzenean kanpora joan dira. Sevilla erasoan sakatzen indartsu aritu da bigarren zatian eta Bravok bi gelditu erabakigarri egin behar izan dizkio Reyesi. Hala ere, Montanierren mutilek ez dute etsi eta De la Bellak, 68. minutuan, 2-1ekoa egitea lortu Carlos Martinezen pasea ederki aprobetxatuta. Bost minutu geroago, 73. minutuan Cokek bigarren txartel horia ikusi du eta Sevillako taldea hamar jokalarirekin geratu da. 

Norgehiagoka amaitzear zela Claudio Bravok geldu ikusgarri batekin Negredoren errematea desbideratu du, markagailuan 2-1ekoa mantenduz. Azkenean hiru puntuak Realak eskuratu ditu, honekin zortzi partida (zazpi Ligan) porrota zer den jakin gabe daramatzate txuri-urdinek.

Fitxa teknikoa:

Reala: Bravo; Carlos Martinez, Iñigo, Mikel, De la Bella; Illarramendi, Pardo (66. minutuan Zurutuza), Xabi Prieto; Griezmann, Vela (Chory Castro, 84. minutuan) eta Ifran (Agirretxe, 85. minutuan).

Sevilla:  Diego Lopez; Coke, Botia (Luna, 87. minutuan), Spahic, Navarro; Medel, Kondogbia, Del Moral (Baba, 80. minutuan), Reyes (Rabello 67. minutuan), Jesus Navas; Negredo.

Golak: 1-0, 17. minutuan: Vela. 1-1, 49. minutuan; Medel. 2-1, 68. minutuan: De la Bella.

Europan ate joka

Realak Sevillaren aurka garaipena bilatuko du Anoetan Europa postuetara gehiago hurbildu nahian

Txuri-urdinek porrota zer den jakin gabe jarraitu nahi dute. Izan ere, zazpi partida (sei Ligan) daramatzate galdu gabe; hiru garaipen eta beste horrenbeste berdinketa lortuz. 2012. urtea Europa Leaguen jokatzea ahalbidetzen duten postuetatik hurbil amaitzeko Montanierren mutilek ezinbestekoa izango dute Andaluziako taldea garaitzea. 

Michelen mutilak ere garaipenaren bila berdeguneratuko dira, Anoetan irabazi beharra dute sailkapenean behetik gorako norabidea hartu nahi izanez gero.

www.abcsevilla.es

Granadaren aurkako partidarekin konparatuz, Montanierrek ez du zerrendan aldaketarik iragarri. Hau da, Markel, Elustondo eta Cadamuro lesioagatik geratu dira kanporan eta Javi Ros, berriz, erabaki teknikoagatik. 

Deialdiak:

Reala: Bravo, Zubikarai, Carlos Martínez, Dani Estrada, Mikel, Iñigo, De la Bella, JoseAngel, Illarra, Rubén Pardo, Zurutuza, Xabi Prieto, Vela, Agirretxe, Ifrán, 'Chory' Castro eta Griezmann 

Sevilla: D. López, Palop, Coke, Cicinho, Botia, Cala, Spahic, F. Navarro, Maduro, Medel, Kondogbia, Reyes, Rabello, Negredo, Manu eta Baba

Epailea: Alvarez Izquierdo

Arkaitz Estiballesek bigarrenez jantzi du Bizkaiko txapela

Galdakaoztarrak irabazi du BaDaGaRa Igor elortzarekin buruz burukoa jokatu ondoren

Hiru puntuko aldearekin irabazi du Arkaitz Estiballesek 2012ko Bizkaiko Bertsolari Txapelketa. Galdakaoztarrak 899 puntu lortu ditu eta 896 Igor Elortzak. 5000 bat bertsozale bildu dira Miribillako Bilbao Arenan, Zuriñek Iarrituk irabazlearen izena esan duenean emozioantu eta negarrez hasi da Estiballes eta txalo batean publikoa.

www.naiz.info

Buruz burukoa jokatu duten bertsolarien atzetik sailkatu dira Fredi Paia (506,5), Jone Uria (500), Onintza Enbeita (494,5), Miren Amuriza (490,5), Iratxe Ibarra (485,5) eta Etxahun Lekue (474). Txapela lortzeko faboritoa izan da Estiballes, orain dela bi urte txapela lortzeaz gain, finalaurrekotan alde nabarmenarekin puntuazio altuena lortu zuelako ere.

Gaurko txapelduna Bizkaiko Bertsolari Txapelketako beste txapeldun batzuen pare jarri da: Unai Iturriaga (1994 eta 1996), Balendin Enbeita (1958 eta 1959) eta Jon Enbeita (1990 eta 1992). Estiballesek 2000. urtetik hona jokatu diren final guztietan kantatu du. 

www.bizkaikotxapeketa.biz

Joxe Agirre finaleko protagonistetako bat izan da, azpeitiko bertsolaria finala hasi baino ordu batzuk lehenago hil baita. Zuriñe Iarritu aritu da aurkezle lanetan; gai-emolea, berriz, Bernar Mandaluniz izan da. Bilbao Arenako epaimahaia Josu Telleriak, Jon Jaiok, Gorka Intxaurbek, Jurgi Fuentesek, Mirali Azulak eta Iñaki Aurrekoetxeak osatu dute. 

Transmisioa izan du ardatz BaDaGaRa-k, beraz, Bizkaiko Bertsozale elkarteak horretan Jon Lopategik egin duen lana eskertzeko asmoz, berak jantzio dio txapela Bizkaiko aurtengo txapeldunari.

Golik gabeko berdinketa Granadan (0-0)

Gol aukera urriko neurketa jokatu da 'Los Carmenes' zelaian

Montanierren mutilek beste puntu bat lortu dute Granadan, honekin zazpi partida daramatzate galtzea zer den jakin gabe. Oro har, bi taldeek jokatu dute norgehiagoka eskasa, erasoan sakatu beharrean atzean geratu dira. 

Lehen zatian bi gol aukera argi besterik ez dira egon, talde bakoitzak bat. Etxeko taldeak partidaren aurreneko minutuetan izan du abagunea, baina Claudio Bravok bikain erantzun dio Ighaloren erremateari. Txuri-urdinen aukera Ifranek izan du 30. minutuan, baina Robertok errematea gelditu du. Horrenbestez, lehen zatiak ez du gehiagorako eman eta atsedenaldia heldu da. 

Bigarren zatiaren hasiera Realak agindu badu ere, ez du arrisku handirik sortu. Zurutuzak eta Griezmannek arriskuarekin heldu dira Granadaren areara, baina zorterik gabe. Bigarren zatia aurrera joan ahala, etxeko taldeak hobera egin du, baina ez dute markagailua aldatzerik lortu. Horrela, 0-0ko markagailuarekin adierazi du epaileak partidaren amaiera. 

Fitxa teknikoa:

Granada: Roberto, Nyom, Siqueira (Angulo, 71. minutua), Iñigo Lopez, Mainz, Siqueira, Iriney, Mikel Rico, Brahimi (El Arabi, 62. minutua), Torje (Jaime Romero, 69. minutua), Dani Benitez eta Ighalo.

Reala: Bravo, Carlos Martinez, Mikel Gonzalez, Iñigo Martinez, De laBella, Illarra, Zurutuza (Ruben Pardo,71. minutua), Xabi Prieto, Griezmann (Castro, 75. minutua), Vela eta Ifran (Agirretxe, 81. minutua).

Reala Europa Leagueko postuetara hurbiltzen saiatuko da Granadan

Txuri-urdinentzat 'Los Carmenes' ez da zelai ona

Realak Granadan orain artean izan duen zorte txarra alde batera uztea bilatuko du, 20:00etatik aurrera. Hiru puntuak lortuz gero Montanierren mutilek oso gertu izango dituzte Europa Leaguen jokatzea ahalbidetzen duten postuak.

Getaferen aurkako partidarekin konparatuz, aldaketa bakarra dago deialdian. Carlos Vela, zigorra beteta, sartu da Javi Rosen ordez. Cadamudo, Elustondo eta Markelen errekuperazio prozesuak aurrera doazen arren, deialdian sartzeko goizegi dela adierazi du Montanierrek. 

http://rincondelforero.wordpress.com

Deialdiak:

Granada: Toño, Roberto, Juanma Ortiz, Diakhaté, Iñigo López, Diego Mainz, Sigueira, Brayan Angulo, Nyom, Brahimi, Mikel Rico, Yebda, Iriney, Torje, Jaime Romero, Dani Benítez, Youssef El-Arabi, Ighalo eta Darwin Machís

Reala: Bravo, Zubikarai, Carlos Martínez, Dani Estrada, Mikel, Iñigo, De la Bella, Jose Angel, Illarra, Rubén Pardo, Zurutuza, Xabi Prieto, Vela, Agirretxe, Ifrán, 'Chory' Castro eta Griezmann 

Epailea: Teixeira Vitienes

Berdinketa Anoetan (1-1)

Azken minutuan Realarentzat puntu garrantzitsu bat lortu du Carlos Martinezek

Realak eta Getafek 1-1 berdindu dute Anoetan. Lafitak 86. minutuan egin du partidako lehen gola eta 93. minutuan Carlos Martinezek sartutako golari esker txuri-urdinek puntu garrantzitsu bat lortu dute. 

Lehenengo zatian partida oso orekatuta egongo da eta aukerak urriak izan dira. Bi taldeak zelaian ondo kokatuta egon dira eta ez dute defentsan ondo jarduteko arazorik izan. 33. minutuan 'Chory' Castrok aukera bikaina izan du bigarren zutoinetik, baina Moyak baloia kornerrera bikain desbideratu du. 

Bigarren zatian indartsu zelairatu dira donostiarrak, Ifranek gola egiteko aukera argia izan du, baina jaurtiketa kanpora joan da. Montanierren mutilek partidaren kontrola izan arren, Getafek erosan gogor jarraitu du.

Lopok 65. minutuan gol auekra argia izan du, baina baloia langara bidali du. Zurutuzak abagune aparta izan du 74. minutuan, baina errematea kanpora joan da. Reala nagusi zenean, 86.  minutuan, Lafitak 0-1ekoa jarri du markagailuan. Hala ere, txuri-urdinek azkar erreakzionatu eta Carlos Martinezek berdinketaren gola egin du 93. minutuan. Txuri-urdinentzat puntu garrantzitsua geratu da etxean. 

Fitxa teknikoa:

Reala: Bravo; Carlos Martinez, Mikel, Iñigo Martinez, De la Bella; Illarra, Pardo, Xabi Prieto (Zurutuza, 66. minutua); Griezmann (Jose Angel, 82. minutua), Chori Castro (Agirretxe, 70. minutua), Diego Ifran.

Getafe: Moya; Alexis, Lopo, Mane, Valera; Lafita (Rodriguez, 88. minutua), Barrada (Gavilan, 84. minutua), Michel, Pedro Leon; Xabi Torres, Alvaro (Alcacer, 74. minutua).

Golak: 0-1, 86. minutua: Lafita. 1-1, 93. minutua: Carlos Martinez.

Realak Europa du helburu

Txuri-urdinek Getaferen aurka irabazi beharra dute Europa Leaguen sartzeko

Gaur Realak Getafe hartuko du Anoetan 16:00etatik aurrera. Montanierren mutilek hiru puntuak izango dituzte helburu, horrela Europa Leagueko postuetan sartzeko. Txuri-urdinak bolada onean daude, Ligako azken lau partidetan hiru garaipen eta berdinketa bat lortu dituzte. 

Markelek eta Elustondok errekuperazio prozesuan jarraitzen dute. Illarramendi eta Jose Angel deialdira itzuli dira; baina Carlos Velak partida honetan zigorra bete beharko du txartel horiengatik. Ifran min hartuta ibili da aste honetan eta ozta-ozta sartu da Montanierrek emandako zerrendan. 

www.abc.es

Deialdiak:

Reala: Bravo, Zubikarai, Carlos Martínez, Dani Estrada, Mikel, Iñigo, De la Bella, Jose Angel, Javi Ros, Rubén Pardo, Illarramendi, Zurutuza, Xabi Prieto, Agirretxe, Ifrán, 'Chory' Castro eta Griezmann

Getafe: Moyá, Codina, Alexis, Mané, Miguel Torres, Lopo, Abraham, Valera, Lacen, Gavilán, Pedro León, Lafita, Barrada, Michel, Juan Rodríguez, Xavi Torres, Álvaro eta Paco Alcácer

Epailea: Estrada Fernández

Miren Amuriza eta Iratxe Ibarra Gernikatik finalera

Miren Amuriza azken finalaurrekoa irabazita eta Iratxe Ibarra puntuazioz sailkatu dira finalerako

Gernika-Lumoko Jai-Alai frontoian jokatu da 2012ko Bizkaiko Bertsolari Txapelketako hirugarren eta azken finalaurrekoa. Miren Amuriza nagusitu da 563,5 punturekin eta finala jokatzeko txartela lortu du. Beste bi finalaurrekoak irabazita, Arkaitz Estiballes eta Etxahun lekue daude finalareko zuzenean sailkatuta. Horietaz gain hauek dira puntuazioz sailkatu diren bost bertsolariak: Igor Elortza, Fredi Paia, Iratxe Ibarra, Jone Uria eta Onintza Enbeita.

Finala abenduaren 15ean jokatuko da Miribillako Bilbao Arenan, arratsaldeko 17:30etan. Bernar Mandaluniz eta Zuriñe Iarritu aurkezleekin batera, Arkaitz Estiballes, Etxahun Lekue, Igor Elortza, Fredi Paia, Miren Amuriza, Iratxe Ibarra, Jone Uria eta Onintza Enbeita izango dira ohildatza gainera.

www.bizkaikotxapelketa.biz

Durangoko puntuazioak:

Miren Amuriza 533

Iratxe Ibarra 529

Beñat Ugartetxea 514,5

Ibon Ajuria 506,5

Peio Ormazabal 499,5

Joseba Artza 'Urta' 495

Realak garaipen sendoa lortu du Mestallan (2-5)

Txuri-urdinek hiru puntu garrantzitsu lortu dituzte etxetik kanpo

Donostiarren Kopako porrota ahazteko garaipen bikaina lortu dute Mestallan (2-5). Valentziak bigarren minutuan aurreneko gola egin arren, Realak buelta eman dio markagailuari. De la Bella, Mikel, Ifran, Agirretxe eta Vela izan dira goleatzaileak. Soldadok, berriz, etxeko taldearen biak. Valentziak bigarren zati osoa hamar jokalarirekin joaktu du. 

Neurketaren hasieran Valentziak izan du kontrola eta bigarren minutuan Roberto Soldadok 1-0ekoa jarri du, Bernaten erdiraketa bati esker. Donostiarrei partida zaildu zaien arren ez dute amorerik eman. Txuri-urdinek gogor sakatu dute eta aukera asko izan dituzte. Garbienak Griezmannek, Velak, Ifranek eta Xabi Prietok eduki dituzte. 41. minutuan Clos Gomezek txartel goria erakutsi dio Jonasi eta bere taldea hamarrekin utzi du. Berdinketaren gola egin duena De la Bella izan da 43. minutuan. Zurutuzak pase bikain eman dio eta atzelariak aurrelari gisan gol ederra sartu du. Berdinketarekin heldu da atsedenaldia. 

Bigarren zatian ere indartsu hasi dira Montanierren mutilak. Horrela, 56. minutuan, Mikel Gonzalezek 1-2koa egin du korner bat errematutu eta gero. Handik minutu gutxira, 63. minutuan, Ifranek 1-3koa egin du partida erdi erabakita hutsiz. Hala ere, Valentziako taldeak ez du etzi eta Soldadok 2-3koa egin du 72. minutuan. 

Imanol Agirretxe zelairatu bezain laster, 82. minutuan, gola egin du 2-4koa jarriz. Partida amaitzear zela epaileak Feghoulik Velari egindako penaltia adierazi du eta mexikarrak ez du hamaika metroetatik hutsik egin 2-5ekoa jarriz. Txuri-urdinek etxetik kanpo denboraldiko bigarren garaipena lortu dute, hiru puntu garrantzitsu eskuratuz. 

Fitxa teknikoa:
Valentzia: Alves; Joao (Valdez, 76'), Costa, Ruiz, Cissokho (Guardado, 65'); Banega, Gago, Feghouli, Jonas, Bernat (Viera, 65') eta Soldado.

Reala: Bravo; C.Martinez, Mikel, Iñigo, De la Bella; Zurutuza (Castro, 72'), Pardo, Prieto, Vela, Ifran (Agirretxe, 78') eta Griezmann (Javi Ros, 74').

Golak: 1-0, 2. minutua: Soldado. 1-1, 44. minutua: De la Bella. 1-2, 56. minutua: Mikel. 1-3, 68. minutua: Ifran. 2-3, 73. minutua: Soldado. 2-4, 83. minutua: Agirretxe. 2-5, 91. minutua: Vela (p).

Realak aurrera egin nahi du Ligan

Donostiarrek Kopako porrota ahaztu nahi dute Valentzian

Realak Kordobaren aurkako kanporaketa ahaztu eta Ligan zentratu nahi dute. Horretarako Mestallan hiru puntuak bilatuko dituzte bihar (18:00). Historikoki ez da zelaia erraza txuri-urdinentzat, baina zerbait positiboa ateratzeko ahalegina egingo dute. 

Markel eta Elustondok lesioantuta jarraitzen dute, beraz ez dira deialdian sartu. Asier Illarramendi ere zerrendatik at geratu da Rayoren aurka bostgarren txartel horia ikusi ondoren. Jose Angelek asteartean  ezker oinean jasotako kontusioarekin jarraitzen du; beraz, Philippe Montanierrek ez du deialdian sartu. De la Bella eta Fuchs sartu dira zerrendan. 

www.abc.es

Deialdiak:

Valentzia: Guaita, Diego Alves, Barragán, Joao Pereira, Ricardo Costa, Víctor Ruiz, Cissokho, Albelda, Gago, Éver Banega, Parejo, Guardado, Bernat, Feghouli, Viera, Soldado, Jonas, Valdez eta Piatti.

Reala: Bravo, Zubikarai, Carlos Martínez, Dani Estrada, Mikel, Iñigo, De la Bella, Javi Ros, Rubén Pardo, Zurutuza, Fuchs, Xabi Prieto, Vela, Agirretxe, Ifrán, 'Chory' Castro eta Griezmann

Epailea: Clos Gómez 

Reala Kopatik kanpo utzi du Kordobak (2-2)

Montanierren mutilek ez du lortu kanporaketari buelta ematea

Realak ez ditu Erregearen Kopako final-zortzirenak jokatuko Kordobaren aurka kanpoan geratu ondoren. Donostiarren 2-0 galdu zuten joanekoan eta Anoetan berdindu (2-2) ondoren Kopatik kanpo geratu dira. 

Kordoba indartsu zelairatu da Anoetan eta txuri-urdinen lana oztopatu dute. Hala ere, lehen aukera argian Realarenak izan dira, baina Saizar Kordobako atezaina fin aritu da. Aukera onenak Griemannek eta Agirretxek izan dituzte, baina Saizarrek ondo egin du bere lana. 

Antoine Griezmannek 1-0ekoa lortu du 20. minutuan. Ruben Pardoren pase bikain baten ondoren, frantziarrak ederki gainditu du atezaina. Hamar minutu geroago, Agirretxe bigarrena egiteko aukera aparta izan du, baina errematea kanpora joan da. Griezmannek beste aukera bat ere izan du, baina jaurtiketa langa gainetik kanpora joan da. Atsedenaldia heldu baino lehenagoko azken aukera argia 'Chory' Castrorena izan da, baina Saizarrek bikain desbideratu du baloia. 

Bigarren zatiko lehen minutuetan txuri-urdinak erasokor aritu dira, baina ez dute aukera argirik izan. Ruben Pardo urrunetik saiatu da 55.  minutuan, baina Kordobako atezainak baloia kornerrera bidali du.  Dubarbierrek Kordobarentzat lehena egiteko aukera aparta izan du, baina Zubikaraik bikain desbideratu du jaurtiketa.

65. minutuan Kordobak berdinketaren gola egin du; Kiko Olivasek hegaleko falta bat bikain errematatu eta 1-1ekoa jarri du. Donostiarrei kanporaketa are beltzago jarri zaie 71. minutuan Dubarbierrek 1-2koa egin duenean. 84. minutuan Agirretxek txuri-urdinen bigarren gola lortu du (2-2); hala ere, Reala Erregearen Kopatik kanpo geratu da. 

Fitxa teknikoa:

Reala: Zubikarai; Estrada, Mikel Gonzalez, Iñigo Martinez, Jose Angel; Illarramendi (Ifran, 68. minutua), Ruben Pardo, Zurutuza (Xabi Prieto, 49. minutua); Griezmann (Vela, 77. minutua), Chory Castro eta Agirretxe.

Kordoba: Saizar; Fuentes, Gaspar, Fernandez, Kiko; Lopez Garay, Caballero (Alberto, 75. minutua); Dubarbier; Lopez Silva (Cristian, 68. minutua), Patiño (Vico, 80. minutua) eta Abel.

Golak: 1-0, 20. minutua: Griezmann. 1-1, 65. minutua: Kiko. 1-2, 72. minutua: Dubarbier. 2-2, 84. minutua: Agirretxe.

Realak markagailua iraultzeko beharra du

Txuri-urdinek Kordobaren aurkako kanporaketa irauli beharra dute Erregeraren kopan aurrera egiteko. Montanierren gizonek Kopako final-hamaseirenetako itzulerako neurketa jokatuko dute Anoetan astearte honetan (19:30).

Realak ilusioz jokatuko du Anoetan Kordobaren aurkako itzulerako partida. Joanekokoan taldea andaluziarrak bi golekoa aldea lortu zuen, beraz, txuri-urdinek buelta eman beharko diote kanporaketari. 

www.goal.com

Gaur arratsaldeko entrenamenduaren ondoren Philippe Montanierrek jakitera eman du Kopako partidarako deialdia. Joan den ostiralean Osasunaren aurkako zerrendatik aldaketa bakarra dago: Javi Ros sartu da eta De la Bella, berriz, kanpoan geratu da. Markelek min hartuta jarraitzen du, beraz, oraingoan ere ez da zerrendan sartu. 

Deialdiak:

Reala: Bravo, Zubikarai, Dani Estrada, Carlos Martínez, Ansotegi, Mikel, Iñigo, Jose Angel, Javi Ros, Rubén Pardo, Illarramendi, Zurutuza, Xabi Prieto, Agirretxe, Vela, Ifrán, Griezmann eta 'Chory' Castro

Córdoba: 

Epailea: 

Etxahun Lekuek lortu du finalerako bigarren txartela

Durangoko Landako Gunean jokatu da 2012ko Bizkaiko Bertsolari Txapelketako bigarren finalaurrekoa. Etxahun Lekue nagusitu da 563,5 punturekin eta finala jokatzeko txartela lortu du. Zuzenean sailkatutako Arkaitz Estiballesekin batera, momentuz puntuazioaren arabera finala jokatzeko sailkatuta dauden bost bertsolariak Igor Elortza, Fredi Paia, Jone Uria, Onintza Enbeita eta Oihana Bartra dira. 

Hirugarren finalaurrekoa hurrengo domekan, abenduak 2, jokatuko da Gernika-Lumoko Jai-alai frontoian. Beñat Ugartetxea, Ibon Ajuria, Iratxe Ibarra, Joseba Artza 'Urta', Miren Amuriza eta Peio Ormazabal arituko dira kantuan Maite Berriozabalen esanetara.

Durangoko puntuazioak:

Etxahun Lekue 563,5

Igor Elortza 561,5

Fredi Paia 561

Jone Uria 528

Arrate Illaro 489,5

Gorka Ostolaza 'Potxis' 483 

www.bizkaikotxapelketa.biz

Golik gabeko derbia Anoetan (0-0)

Realak eta Osasunak hutsean berdindu dute neurketa bizi batean

Ez da golik egon Anoetan jokatutako Reala eta Osasunaren arteko derbian. Puntu bakarrarekin Montanierren mutilek ez dute Europan sartzea lortu, gorritxoek ere jaitsiera postuetan jarraitzen dute. 

Neurketa oso bizi hasi da, joko zuzenarekin bi taldeek gol aukerak izan dituzte. Hala ere, txuri-urdinek abagune hobeak izan dituzte. Donostiarrek ez dute asmatu eta partida erritmoa galduz joan da. Minutuak pasa ahala jokoa gogortu egin da, etenaldi asko eragimez. Velaso Carballo epaileak sei txartel atera ditu lehen zatiaren amaieran, hiru talde bakoitzari. 

Bigarren zatiaren hasieran ere Realak agindu du eta Ifranek gola egiteko aukera garbia izan du, baina baloia kanpora joan da. Azken minutuetan Osasuna txuri-urdinek zelaira urreratu da, baina Bravok ez du arazo handiegirik izan. Montanierrek mutilak epaileak partidaren amaiera adierazi arte borrokatu dute garaipenaren gola lortzeko, baina norgehiagoka golik gabe amaitu da. 

Fitxa teknikoa:

Reala: Claudio Bravo; Carlos Martinez, Iñigo Martinez, Mikel, De la Bella; Illarramendi, Xabi Prieto (Chory Castro, 70. minutua), Zurutuza (Rubén Pardo, 73. minutua); Vela, Griezmann eta Diego Ifran (Agirretxe, 82. minutua).

Osasuna: Andres Fernandez; Damia, Arribas, Flaño, Nano; Oier, Raoul Loe, Cejudo, Armenteros (Timor, 85. minutua), Sisi; eta Kike Sola (Onwu, 62. minutua).

Reala eta Osasunaren arteko derbia Anoetan

Txuri-urdinak, 16 punturekin, lasai jokatuko dute derbia

Ostiral honetan (21:30) jokatuko da Anoetan Osasuna eta Realren arteko derbia. Talde nafarrak puntuak behar ditu jeitsiera postuetatik ateratzeko. Realak, aldiz, dituen 16 puntuekin lasai hartuko du derbia. Rayoren aurkako garaipenak (4-0) lasaitasun handia ekarri die Montanierren mutilei eta orain gorantz begiratzeko aukera dute. 

Realak etxean jokatutako sei partidetatik lau irabazi dute. Beraz, Mendilibarren mutilek ez dute erraz izango hiru puntuak eskuratzea. Rayoren aurkako deialditik aldaketa bakarra dago txuri-urdinen zerrendan, Markelek atzoko entrenamenduan min hartu eta deialditik at geratu da. Jose Angel, berriz ere deialdian sartu da. 

www.eitb.com

Deialdiak:

Reala: Bravo, Zubikarai, Dani Estrada, Carlos Martínez, Ansotegi, Mikel, Iñigo, De la Bella, Jose Angel, Rubén Pardo, Illarramendi, Zurutuza, Xabi Prieto, Agirretxe, Vela, Ifrán, Griezmann eta 'Chory' Castro

Osasuna: Andrés Fernández, Asier Riesgo, Arribas, Damiá, Lolo, Miguel Flaño, Nano, Oier, Cejudo, Annan, Armenteros, Lamah, Raoul Loe, Roberto Torres, Sisi, Timor, Onwu eta Sola.

Epailea: Velasco Carballo

Realak Rayo jipoitu du Anoetan (4-0)

Carlos Vela (2), Mikel Gonzalez eta 'Chory' Castro izan dira goleatzaileak

Realak Rayo Vallecano mendean hartu du Anoetan (4-0). Txuri-urdinak indartsu zelairatu dira eta hala jarraitu dute neurketa osoan zehar. Ruben Pardo eta Illarramendik erakustaldia eman dute zelai erdian. Lehen bi golak Carlos Velak egin ditu, ondoren Mikel eta 'Chory' Castro festara batu dira. 

Partidua hasi bezain laster Ifran Cobeñoren aurrean bakarrik geratu eta atezaina gainditu du, baina epaileak baloia eskuarekin eraman duelakoan gola baliorik gabe utzi du txarter horia erakutsiz. Realak ez du amorerik eman eta sakatzen jarraitu du eta Bravok ez du lan handirik izan.

Horrela, 31. minutuan, Realaren lehen gola iritsi da. Carlos Velak area barruan baloi solte bat aprobetxatu eta 1-0ekoa jarri du markagailuan. Lehengo gola sartu eta jarraian mexikarrak Ruben Pardoren pase bikain bat jaso du eta bigarrena egin du jaurtiketa eder baten bidez. 

Bigarren zatian Rayo indartsuago irten dela zirudien, baina 60. minutuan Mikel Gonzalezek kontraeraso azkar batean 3-0ekoa egin du. Handik gutxira, 76. minutuan, Ruben Pardok beste pase bikain bat eman eta 'Chory' Castrok abagunea ondo aprobetxatu du 4-0ekoa egiteko. Horrela, hiru puntuak Donostian geratu dira, Anoetako armailetara poza itzuliz.

Fitxa teknikoa:

Rayo: Cobeño; Tito, Labaka, Gálvez, Casado (Delibasic, 46. minutua); Javi Fuego, Trashorras; José Carlos, Piti, Chori Domínguez (Lass, 65. minutua) y Leo Baptistao (Damian, 83. minutua).

Reala: Bravo; Carlos Martinez, Mikel Gonzalez, Iñigo Martinez, De la Bella; Ruben Pardo (Zurutuza, 78. minutua), Illarramendi, Xabi Prieto, Vela; Castro (Agirretxe, 81. minutua) eta Ifran (Markel, 73. minutua).

Golak: 0-1, 31. minutua: Vela. 0-2, 32. minutua: Vela. 0-3, 60. minutua: Mikel. 0-4, 76. minutua: 'Chory' Castro.

Realak egonkortasuna bilatuko du Rayoren aurka

Txuri-urdinek amaiera eman nahi diote Anoetako bolada txarrari

Montanierren mutilek ezin izan dituzte etxean jokatutako azken bi partidak irabazi, Atletico de Madrilen (0-1) eta Espanyolen (0-1) aurka. Aukera ona du Realak bolada txarrari amaiera emateko gaueko 21:30etan jokatuko duen Rayoren aurkako neurketan. Talde madrildarrak hogei urte daramatza txuri-urdinen etxean irabazi gabe. 

Jokalari garrantzitsuak bueltatu dira donostiarren zerrendara: Bravo, Zurutuza eta Griezmann.  Carlos Vela  eta Markel ere jokatzeko moduan aurkitzen dira. Montanierrek Jose Angel eta Javi Ros zerrendatik kanpo utzi ditu erabaki teknikoagatik. 

www.marca.com

Deialdiak:

Reala: Bravo, Zubikarai, Dani Estrada, Carlos Martínez, Ansotegi, Mikel, Iñigo, De la Bella, Markel, Rubén Pardo, Illarramendi, Zurutuza, Xabi Prieto, Agirretxe, Vela, Ifrán, Griezmann eta 'Chory' Castro

Rayo: Cobeño, Labaka, Piti, Gálvez, Delibasic, Tito, J.Fuego, Chori Domínguez, Adrián, Lass, Casado, Trashorras, Leo, Franco Vázquez, Amat, José Carlos, Rubén, Arana

Epailea: Mateu Lahoz

Osfoora

Twiterren bezero onenetarikoa dela esan daiteke, aplikazio honek Apple enpresako produktuetan eskura daiteke. Gaur egun,  App Storean leia argia dago Twitterren bezero onena bilakatzeko. Osfoora Twitterren bezero osoa dela esan dezakegu, funtzio oso erabilgarriak eskeintzen dituelarik.

Eskeintzen dituen funtzioetako batzuk:

• Multikontua
• Autoscroll-a
• Txioen barruan argazkiak ikusteko aukera
• Kolore desberdinetako txioak
• Txio marketa
• Loturak laburtzeko aukera
• Twitter, Yfrog, Twitpic, Imgly eta CloudApp-era argazkiak igotzeko aukera
• TwitVid, Twitpic, Yfrog eta CloudApp-era bideoak igotzeko aukera
• Bookmark zerbitzuak
• Notifikazioak

www.macgasm.net