Real Madrilek aise irabazi dio Realari Bernabeun

Madrilgo taldeak 5-1 irabazi dio Realari Santiago Bernabeu futbol zelaian. Higuainek sartu du lehen gola eta ondoren Ronaldok eta Benzemak bina egin dituzte. Xabi Prietok egin du txuri-urdinen gol bakarra.

Montaneirren taldeak jipoia jaso du Real Madrilen futbol zelaian (5-1) eta ez dute itxura onik eman. Porrot hau Realak jarraian jasotzen duen hirugarrena da. 

Partidaren lehen minutuak nahasiak izan dira eta ez da gol aukera argirik egon, lehenengo abisua Realak eman zuen kanpora joan da Iñigo Martinezen erremate batekin. Mourinhoren taldearen erantzuna berehala etorri zen. Benzemaren lehenengo jaurtiketa ondo geratu du Bravok, baina hurrengo minutuan baloia sareetara bidali du Higuaín aurrelariak. Argentinarrak 1-0ekoa jarri du markagailuan bostgarren minutuan.

Lehenengo gola jaso eta gero Reala erantzunik gabe geratu da eta Ronaldok etxeko taldearentzat bigarrena egin du 31. minutuan. Gauzak gehiago okertu dira 39. minutuan Benzemak hirugarrena sartu duenean. Hala ere, atsedenaldia baino lehen, 42. minutuan, Realak markagailuko distantzia moztu zuen Xabi Prietoren gol baten bidez. Xabi Prietok area hertzetik jaurtik zuen baloia, Sergio Ramosen bizkarrean jo eta Casillas gainditu zuen 3-1ekoa jarriz. Emaitz horrekin jarraitu zuen markagailuak epaileak lehen zatiaren amaiera adierazi zuenean.

Bigarren zatian, txuri-urdinak esperantzarekin irten ziren Xabi Prietoren golari esker. Baina hasi eta berehala, 49. minutuan, Benzemak 4-1ekoa jarri zuen markagailuan. Aurrelariak area barruan baloia jaso, eta jaurtiketa on baten bitartez Bravo gainditu zuen. Gol honekin Real Madrilek erasokor jokatu zuen eta 56. minutuan Ronaldok armailetako festa borobildu zuen 5-1ekoa markagailuan jarriz. Higuainen pase dotorea jaso eta baloia sare barrura bidali zuen portugaldarrak.

Reala azken minutuetan itxura hobea ematen saiatu zen, baina saiakera alferrikakoa izan zen. Casillas atezainak eta Real Madrileko defentsak ez zuten arazo gehiegirik izan eta norgehiagoka 5-1eko emaitzarekin amaitu zen.


Fitxa teknikoa:

Real Madril: Casillas; Arbeloa, Sergio Ramos, Varane, Marcelo; Xabi, Khedira (Sahin, m.76); Cristiano (Jesse, m.80), Kaka, Benzema (Coentrao, m.76); eta Higuain

Reala: Bravo; Cadamuro (Pardo, m.74), Mikel Gonzlez (Zurutuza, m.45), Demidov, Iñigo Martíniez; De la Bella, Illarramendi, Aranburu, Xabi Prieto; Griezmann eta Agirretxe (Vela, m.56).

Golak: 1-0, m.6: Higuaín. 2-0, m.31: C. Ronaldo. 3-0, m.39: Benzema; 3-1, m.41: Xabi Prieto; 4-1, m.49: Benzema; 5-1, m.56: C. Ronaldo.

Epailea: Javier Turienzo Alvarez.

Realak Anoetako bolada ona hautsi du

Realak 1-3 galdu du Anoetan Levanteren aurka. Montaneirren mutilek bostgarren minutuan gola sartuta aurrea hartu dute markagailuan. Minutu batzuk geroago epaileak adierazitako penalti zalantzagarriak, norgehiagokaren norabidea aldatu du. Bigarren zatian epaileak Elustondo kanpora bota du.

Realak 2012ko lehen porrota jaso du gaur Anoetan Levanteren kontra 1-3 galdu ondoren. Aurkari sendo eta praktikoa izan dute txuri-urdinek; Valentziako taldeak lau aldiz jaurti du atera eta hiru gol sartu ditu. Levantek Donostian garaipena lortu ondoren Txapeldunen Ligako postuetan jarraitzen du.

Neurketa erritmoarekin hasi da eta Realak bostgarren minutuan aurrea hartu du markagailuan. Xabi Prietok kontraerasoko jokaldia zuzendu du eta Velari pase bikaina eman dio. Aurrelariak ez du barkatu eta denboraldiko bere seigarren gola sartu du.

Armailetan gutxi iraun du pozak, izan ere, El Zharren barnekaldi bat Iñigo Martinezek oztopatu du eta epaileak penalti zalantzagarria adierazi du hamargarren minutuan. Barkerok, hamaika metrotatik, berdinketa jarri du markagailuan.

www.eitb.com 

Atsedenaldia iristear zenean, 44. minutuan, Konek baloi luze bat aprobetxatu du talde Valentziarra aurretik jartzeko. Atzelari txuri-urdinak atzean utzi ditu eta baloia gurutzatu du Bravoren aurrean.

Bigarren zarian norgehiagoka gehiago okertu da Realarentzat eta epaileak Elustondori bigarren txartel hori atera dio. Honen ondoren, txuri-urdinen aukera bakarra kemenari eustea izan da.

Gauzak horrela, Diego Ifranek berdinketa bere oinetan izan du, baina Munuaren aurrean barkatu egin du. Aukerak ihes egin dio Montaneirren taldeari eta neurketa erabakita utzi duen gola luzapenean jaso du. Levanterek kontraerasoan harrapatu ditu txuri-urdinak eta Torresek hirugarrena sartu du. Epaileak 3-1eko markagailuarekin adierazi du partidaren bukaera.

www.eitb.com

Fitxa teknikoa:
Reala: Bravo; Estrada (Diego Ifran, 73. minutua), Martinez, Mikel Gonzalez, De la Bella; Elustondo, Aranburu, Zurutuza (Ruben Pardo, 70. minutua), Xabi Prieto, Vela; Agirretxe (Llorente).

Levante: Munua; Juanfran, Ballesteros, David Navarro, Botelho (Ruben, 69. minutua), Pedro Lopez; Iborra, El Zhar (Torres, 80. minutua), Farinos, Barkero; Kone (Ghezzal, 62. minutua).

Golak: 1-0, 6. minutua: Vela. 1-1, 10. minutua: Barkero penaltiz. 1-2, 44. minutua: Kone. 1-3, 90. minutua: Torres.

Levanteren aurka garaipena lortzeko beharra du Realak

Gaur 20:00etan Reala eta Levanteren arteko norgehiagoka jokatuko da Anoetan. Realak beheko postuetra hurbildu nahi ez badu, hiru puntuak lortzera behartuta dago. Griezmannek partida bateko zigorra beteko du eta Montaneirrek aldaketak egin beharko ditu hamaikakoan.

Antoine Griezmann gabe jokatuko du gaur Realak Levanteren aurkako partida. Txuri-urdinek Anoetan indartsu jarraitu beharko dute taulan aurrerapausua emateko. Montaneirren mutilek etxean jokatutako azken lau partidak irabazi dituzte, eta etxetik kanpo joko ona erakutsi dute nahiz eta porrotak jaso.

www.zimbio.com

Imanol Agirretxe hasierako hamaikakoan sartzea da litekeena. Aurrelariak Zaragozaren aurkako partidan bi gol sartu zituen, baina Getaferen aurka atseden hartu zuen. Erdialdeari dagokionez, Markel Bergara minduta dago eta Aranburuk har dezake bere tokia. Mikel González ere hamaikakora itzul daiteke zigorra bete ondoren.

Levante sailkapeneko laugarren postuari eustsi nahian etorriko da Anoetara. Valentziako taldeak azken lau partidetan, hiru garaipen lortu ditu, beraz, aurkari gogorra izango da Montaneirren mutilentzat.

www.zimbio.com

Deialdiak:
Reala: Bravo, Ramírez, Estrada, Demidov, Mikel, Iñigo Martínez, Cadamuro, De la Bella, Xabi Prieto, Pardo, Aranburu, Zurutuza, Elustondo, Illarramendi, Agirretxe, Vela, Llorente, Ifrán.

Levante: Munúa, Keylor Navas, Navarro, Juanfran, Del Horno, Javi Venta, Ballesteros, Pedro López, Cabral, Farinós, Barkero, Iborra, Botelho, Xavi Torres, El Zhar, Koné, Rubén, Ghezzal.

Epailea: Álvarez Izquierdo

Bizitzaren galderak

Urteak pasa ahala konturatzen gara denbora gero eta arinago doala. Erabakiak hartzeko dugun denbora tartea murriztuz doa. Aurretik izan dugu erabaki horiek hartzeko unea; baina esaera zaharrak dioenari jarraituz, ez dugu gaur egingo bihar egin dezakeguna. 

Nor izan nahi dut? Zer izan nahi dut? Horiek dira bizitzan zehar erantzun beharreko galdera garrantzitsuenetariko batzuk. Umetatik hasten gara galdera horien erantzun posibleetan pentsatzen; are gehiago, esango nuke umeetan argiago ditugula erantzunak heldutan baino. Garrantzitsua da ahalik eta azkarren jakitea galderak erantzuten, ez dakigu noiz izango den horretarako izango dugun azken eguna. Haizeak nondik jotzen duen jakin gabe heriotza hurbiltzen ikusteak ez du samurra izan behar.

Galdera guztiak dira errazak, erantzunak dira zailak...

"Ahula" esateko erraztasuna

Joan den igandean, igandero lez, "El conquistador del fin del mundo" ETB2ko programa ikusten ari nintzen telebistan. Hiru talde daude bertan, bakoitza kapitain batekin. Taldeak neska eta mutilek osatzen dituzte, baina nabarmena da gero eta neska gutxiago geratzen direla. 

Partehartzaileak etxea bidaltzeko prozedurari dagokionez,  hiru taldeek inmunitate proba bat egiten dute eta garailea kanpamentu aberatsera doa, bigarrena kanpamentu pobrera eta galtzailea oso pobrera. Talde irabazleak, bigarren taldeko norbaiten izena emango du zuzenean duelura bidaltzeko eta talde galtzaileak bilera bat egingo du beste bi posible duelista atera daitezen. Lehengoa taldeko kapitainak aukeratuko du zuzenean eta bigarrena taldekideen nominazio gehien jasotzen dietuena izango da. Dueloa bigarren taldekoak eta talde galtzailetik honek aukeratzen duenak gauzatuko dute.

Hor dago koska, nor aukeratu duelora joateko? Talde irabazleak indartsu bat bidaliko du, salbuespenak salbuespen, paretik kentzeko aukera aprobetxatuz. Indartsu hori, normalean, gizona izango da, nola ez. Indar fisikoa jartzen dute guztiaren gainetik, eta ez dira konturatzen (edo ez dute nahi) egin diren zortzi edizioetan zehar, indar fisikoaz harago doazen dueluak egin direla. Baina okerrena talde galtzaileen biltzarretan gertatzen da. Gizonak "ahul" hitza erabiltzen dute emakume bat nominatzeko aitzaki moduan, eta neskak onartu egiten dute, gizonek erabakitzen dute nor den indartsua eta nor ahula. Lehen eguneko inmunitate proba emakume batek irabazi zuen, baina hori berehala ahazten da, inor ez da horretaz gogoratzen, eta emakumea eta ahula sinonimotzat jotzen dira. Noiz jarriko dute muga? Bertara joan eta emakume bakotzari zaplasteko bat emateko gogoa ematen du. Euskal Herrira iristean kexatzen dira denak, han hori saiehsteko gauza handirik egin gabe. Igandero kontu bera...

Reala punturik gabe bueltatu da Getafetik

Getafe eta Realaren arteko partida berdindua izan da, Madrilgo taldea hiru puntuekin geratu da Iñigo Martinezek bere atean sartutako gol baten ondorioz. Bravok ez du asmatu baloia aldentzerakoan.

Realak 1-0 galdu du Getaferen aurka Alfoso Pérez Coliseumean jokatutako partidan. Norgehiagoka berdindua izan da, baina txuri-urdinek egindako akats batengatik hiru puntuak Madrilen geratu dira.

Partidaren erritmoa motela izan da eta bi taldeek zailtasunak izan dituzte gol aukerak sortzeko. Hala ere, partidako lehen aukera Realarentzat izan da, Velak gol aukera argia huts egin du. Baloia iritsi zaio Moyaren aldentze baten ondoren eta atean inor ez zegoela, mexikarraren jaurtiketa kanpora joan da. Getafek jarraian erantzun du, baina Mikuren errematea langa joz kanpora joan da. Lehen zatiaren amaieran ere gol aukera bana izan dute. Zurutuzak ez du gol aukera argia aprobetxatu Moya atezainaren aurrean. Minutu gutxi geroago, Miku bakarrik geratu zen Bravoren aurrean, baina jaurtiketa gora bidali du. Lehenengo zatia golik gabe bukatu da.

Bigarren zatian are gol aukera gutxiago egon dira. Getafe hobeto irten da berdegunera atsedenaldia eta gero eta ez dio Montaneirren taldeari erraztasunik eman. Alexisek bi gol aukera izan ditu. Bata buruz langa gaientik bidali du eta bestean kale egin zuen Pedro Leonen pase dotore bat hartuta.

Joan etorriko neurketa etorri da gero. Inor ez da baloiaren jabe izan eta norgehiagoka erotu da. Joan etorri horretan Madrilgo taldeak izan du zorte handiagoa eta 82. minutuan gola lortu du. Bravok huts egin du erdiraketa bat aldentzean, baloiak Iñigo Martinez bizkarrean jo eta sare barrura sartu da. Azken minutuetan txuri-urdinak, gogor saiatu arren, ez dira berdinketaren gola sartzeko gai izan eta garaipena etxean geratu da.

Fitxa teknikoa:

Getafe: Moya, Valera, Rafa (Miguel Torres, m.43), Alexis, Mane Michel, Lacen, Pedro León (Casquero, m.85), Barrada, Diego Castro eta Miku (Güiza, m.67). 

Reala: Bravo, Estrada, Demidov, Iñigo Martinez, Cadamuro, Markel Bergara (Elustondo, m.15), Illarramendi, Zurutuza (Agirretxe, m.82), Xabi Prieto, Vela (Ifran, m.72) eta Griezmann

Gola: 1-0, m.82: Iñigo Martinez, bere atean.

Reala, lasaitasun handiagoaren bila Getafera

Arratsaldeko 18:00etan jokatuko da Getafe eta Realaren arteko 28. jardunaldiko partida Alfonso Pérez Coliseum zelaian. Zigortuta dagoen Mikel González, Llorente eta Pardo deialditik kanpo geratu dira. Beraien ordez, Ansotegi, Cadamuro eta Elustondo izan dira deituak.

Bi taldeak taularen erdialdean daude kokatuta eta hiru puntuak etxera eramaten dituenak aurrerapauso handia emango du salbazioa lortzeko. Iaz Realak lehen aldiz irabazi zuen Alfonso Pérez zelaian, aise gainera, 0-4ko garaipenarekin.

www.abc.es

Deialdiak:

Reala: Bravo, Zubikarai, Estrada, Demidov, Ansotegi, Cadamuro, Iñigo Martínez, De la Bella, Xabi Prieto, Markel, Illarramendi, Zurutuza, Elustondo, Aranburu, Griezmann, Vela, Agirretxe, Ifrán.

Getafe: Codina, Moyá, Mané, M. Torres, Alexis, Rafa, Masilela, Valera, Lacen, Sarabia, Gavilán, P. León, A. J. Ríos, D. Castro, Míchel, Casquero, J. Rodríguez, Barrada, Micu, Guiza.

Epailea: Fernández Borbalán

Messi, Messi, Messi, Messi eta berriro Messi

http://wallpaperswide.com

Atzo gauean, partidua ikusteaz gain (Bartzelona 7-1 Bayer Leverkusen), Twitterren murgilduta eman nituen partiduak iraun zituen 90 minutuak. Rooney, Falcao, Rivaldo, Maresca... bezalako futbol jokalari handiak argentinaren aurrean belaunikatu ziren, bere lana goraipatuz. Nola litekete 90 minututan bost gol sartzea? Ez da egunero ikusten dugun gauza. Berriz ere historia egin du Messik eta lehenengoa izan da Txapeldunen Ligan, partidu bakarrean, bost gol sartzen. Oraingoz urrezko baloi gehien lortu dituena da (hiru), eta atzoko erakustaldiaren ondoren, laugarrena ere berarentzat joango dela ziur nago.

Guzti honetatik onena 24 urte dituela da eta oraindik bere joko eta dohainekin urte luzez gozatuko dugu. Edo hori espero dut behintzat.

Zorte onekoak gara jokalari honen belaunaldi berean bizitzeagatik!

Susaetaren golek derbi polemikoa erabaki dute

Eibarko jokalaria protagonista izan da partidako bi golak sartu ondoren. Realaren gol batek gauzak aldatu zitzakeen, baina ez da markagailura igo.

Athleticek 2-0 irabazi du San Mamesen Realaren aurka. Markel Susaetak derbi polemikoa erabaki du norgehiagokako bi golak sartuta. Bielsaren mutilek Txapeldunen Ligako postuetan egingo dute lo garaipen honen ondoren, txuri-urdinak, aldiz, Europako postuetatik urrundu dira.

Lehen zatian nabari izan da tentsioa eta ez da gol aukera argirik egon. Hala ere, zuri-gorriek aukera urrietako bat aprobetxatu eta lehengoa egin dute. Area ertzean jokaldi ona egin du Athleticek eta Susaeta lehen zutoinean Iraolaren erdiraketa zehatza sareetara bidali du.

www.eitb.com

Golaren ondoren Reala erreakzionatzen saiatu da, baina ez dute arrisku handirik sortu. Griezmannen jaurtiketa bat arazo gabe gelditu du Iraizozek. Zuri-gorriek beste bi aukera izan dituzte, baina lehengoa langara bidali du Susaeta falta bat atera eta gero ederki saiestu ditu Bravok bilbotarren hiru erremate saiakerak.

Bigarren zatian Reala indartsua atera da eta sakatu egin du. Lehen minutu horietan izan da partidako jokaldi polemikoena. Athleticen area barruan, jokaldi nahasi batean, baloiak marra zeharkatu du bai epaileek ez dute golik eman.

Jokaldi horren ondoren Montanierren mutilek sakatzen jarraitu dute eta Athleticek baino arrisku handiagoa sortu du Realak, baina ez dituzte aukerak aprobetxatu. Horrela Susaetak 2-0ekoa jarri du falta bat ederki jaurti ondoren. Jokaldi horren aurretik Realak Xabi Prietoren gaineko falta bat eskatu du. Eibartarraren golak partida erabakita utzi du.

Fitxa teknikoa:
Athletic: Iraizoz; Iraola, San Jose, Amorebieta, Aurtenetxe; Javi Martinez, Herrera (Iñigo Perez, 71. minutua), De Marcos; Susaeta, Llorente (Toquero, 60. minutua) eta Muniain (Ekiza, 85. minutua).

Real Sociedad: Bravo; Estrada, Mikel Gonzalez, Iñigo Martinez, Cadamuro; Markel Bergara, Zurutuza, Aranburu (Agirretxe, 67. minutua), Xabi Prieto, Giezmann; eta Carlos Vela (Llorente, 77. minutua).

Golak: 1-0, 24. minutua, Susaeta. 2-0, 80. minutua, Susaeta.

Epailea: Mateu Lahoz

Euskal derbia San Mamesen

Bielsaren taldeak derbian jarri nahi du arreta guztia, baina Reala Bilbon dagoen mugimenduaz baliatu nahi da hiru puntuak eskuratzeko.

San Mamesen jokatuko da igande honetan arratsaldeko lauretan Athletic eta Realaren arteko derbi zirraragarria. Ostegunean Old Trafforden jokatuko dute partida burutik kendu beharra dute Montaneirren taldea mendean hartzeko. Horretaz gain, aste honetan Marcelo Bielsak arazo handiak izan ditu jokalari guztiak entrenamenduetan biltzeko, horietako bederatzi selekzioarekin deituak izan baitira.

www.eitb.com

Txuri-urdinek Europara hurbildu nahi dute. Hamar urte baino gehiago igaro dira Donostiarrek Bilbon irabazi zuten azken partidatik. Oraingoan bilbon dagoen mugimenduaz baliatu nahi dute. Reala erabat kontzentratuta dago derbian Mallorcaren aurkako partidaz geroztik. Illarramendi, zigortuta, deialditik kanpo geratu da eta Carlos Vela eta Xabi Prietoren artean dago zalantza nagusia.

Deialdiak:

Reala: Bravo, Ramírez, Dani Estrada, Mikel, Ansotegi, Demidov, Iñigo Martínez, Cadamuro, De la Bella, Xabi Prieto, Markel, Pardo, Aranburu, Zurutuza, Griezmann, Llorente, Agirretxe, Ifrán, Carlos Vela.

Athletic: Iraizoz, Raúl, Toquero, Aurtenetxe, Amorebieta, San José, David López, Llorente, De Marcos, Koikili, Susaeta, Iraola, Iñigo Pérez, Muniain, Ander Herrera, Ekiza, Javi Martínez, Ibai