Realak puntu bat atera du Cornellatik (2-2)

Txuri-urdinek hamaika partida daramatzate galtzea zer den jakin gabe

Realak berdinketa (2-2) lortu du Espaynolen aurka Cornella-El Prat futbol zelaian jokatutako partidan. Puntu horri esker, Txapeldunen Liga jokatzea ahalbidetzen duen laugarren postuan jarraitzen dute Montanierren mutilek. Donostiarrak galtzen hasi diren arren, puntu bat berreskuratzea lortu dute. 

Lehen zatiaren hasieran neurketa parekatuta egon da, baina zortzigarren minutuan Segio Garciak 1-0ekoa egin du, Simaoren pase dotorea aprobetxatuz. Gola jaso eta gero Reala berdinketaren bila joan da, 23. minutura arte abagunerik sortu ez duen arren. Orduan etorri da lehen aukera argia eta gola, izan ere, Casilla atezainak huts egin du erdiraketa bat aldentzerakoak eta Zurutuzak boleaz norgehiagoka berdintzea lortu du. 

Lehen zatian, golak egon diren arren, aukera gutxi izan dituzte bi taldeek. Hala ere, atsedenaldia heltzear zela, 38. minutuan, Stuanik 2-1ekoa egin du. Espanyoleko jokalariak Sergio Garciaren pase dotorea jaso ondoren ez du Zubikarairen aurrean hutsik egin. Etxeko taldea markagailuan aurretik zela iritsi da atsedenaldia. 

Bigarren zatian Montanierren mutilak nagusi izan dira dira. Ahalik eta arinen berdintzea izan dute helburu eta abagunerik onenak beraiek izan dituzte. Agirretxek, 57. minutuan, gol aukera argia izan du, baina errematean huts egin du. Hamar minutu beranduago, 67. minutuan, Casilla atezainak erantzun bikaina eman dio, gola izango zela ematen zuen Griezmannek jaurtiketa bati. 

Reala berdinkeraren gola lortzeko merituak egiten aritu dira eta azkenean lortu dute. 76. minutuan Pardok pase bikaina eman dio Griezmanni, frantziarrak kontrolean kale egin du, baina baloiak Javi Lopezengan jo eta bere atean sartu du gola. 

Norgehiagokako azken minutuetan txuri-urdinak garaipenaren bila joan dira eta horretarako aukerak izan dituzte. Hala ere, ez du Casillaren aurrean asmatzea lortu eta 2-2ko berdinketarekin amaitu da partida. Emaitza horrekin, Realak laugarren postuari eustea lortu du. 

Fitxa teknikoa:

Espanyol: Kiko Casilla; Javi Lopez, Colotto, Hector Moreno, Victor Alvarez (Raul Rodriguez, 70. min); Victor Sanchez, Forlin; Stuani, Verdu (Baena, 84. min), Simao (Petrov, 78. min) eta Sergio Garcia.

Reala: Zubikarai; Carlos Martinez, Mikel Gonzalez, Iñigo Martinez, De la Bella; Bergara (Ifran, 63. min), Illarramendi (Pardo, 74. min); Xabi Prieto, Zurutuza, Griezmann eta Agirretxe.

Golak: 1-0, 8. min: Sergio Garcia; 1-1, 22. min: Zuturuza; 2-1, 38. min: Stuani; 2-2, 75. min: Javi Lopez (b.a.).

Geldialdiaren ondoren, Realak segida eman nahi dio bolada onari

Txuri-urdinek baja garrantzitsuekin egin beharko diote aurre Espanyolen aurkako partidari

Bihar 19:00etatik aurrera jokatuko da Espanyol eta Realaren arteko neurketa Cornellà-El Prat futbol zelaian. Espanyolera Aguirre heldu zenetik, narbarmen egin dute onera Kataluinako taldearen emaitzek. Hala ere, Montanierren mutilek laugarren postuari eustea dute helburu.

Relak baja garrantzitsuak ditu partida hau jokatzeko. Izan ere, Claudio Bravo, Carlos Vela eta 'Chory' Castro lesioagatik zerrendatik kanpo geratu dira. Enrique Royok, Sanseko atezainak, txiletarraren lekua beteko du Philippe Montanierrek emandako deialdian. Javi Ros ere zerrendara itzuli da. 

www.eitb.com

Deialdiak:

Espanyol: C. Álvarez, F. Mattioni, Raúl Rodríguez, Víctor Sánchez, Forlín, Baena, Stuani, Sergio García, Verdú, Longo, Kiko Casilla, H. Moreno, Javi López, Petrov, Colotto, Simao, Christian Alfonso eta Víctor Álvarez

Reala: Zubikarai, Royo, Carlos Martínez, Dani Estrada, Mikel, Ansotegi, Cadamuro, Iñigo, De la Bella, Illarra, Rubén Pardo, Zurutuza, Markel, Javi Ros, Xabi Prieto, Vela, Agirretxe, Ifrán eta Griezmann 

Epailea: Pérez Montero

Argitu dira aurtengo Bertsolari Txapelketa Nagusian kantatuko dutenen izenak

Nafarroako Txapelketa amaituta, ezagun dira Txapelketa Nagusian kantatuko duten bertsolarien izenak

Azken Txapelketa Nagusiko finalistak:

• Maialen Lujanbio
• Amets Arzallus
• Jon Maia
• Andoni Egaña*
• Unai Iturriaga
• Sustrai Colina
• Aitor Mendiluze
• Aitor Sarriegi

Gipuzkoako Txapelketatik:

• Beñat Gaztelumendi
• Alaia Martin
• Iñaki Apalategi
• Jexux Mari Irazu Agirre
• Agin Rezola
• Jon Martin
• Unai Agirre
• Felix Zubia
• Iñigo Izagirre
• Amaia Agirre
• Jokin Uranga
• Nerea Elustondo
• Iker Zubeldia
• Iñigo Manzisidor
• Beñat Lizaso
• Ainhoa Agirreazaldegi
• Iban Urdangarin

Xiberoa, Lapurdi eta Baxenabarreko Txapelketatik:

• Odei Barroso
• Maddi Sarasua
• Eneritz Zabaleta

Bizkaiko Txapelketatik:

• Arkaitz Estiballes
• Igor Elortza
• Fredi Paia
• Jone Uria
• Onintza Enbeita
• Miren Amuriza
• Iratxe Ibarra
• Etxahun Lekue
• Beñat Ugartetxea
• Oihana Bartra

Arabako Txapelketatik:

• Oihane Perea
• Manex Agirre

Nafarroako Txapelketatik:

• Xabier Silveira
• Julio Soto
• Erika Lagoma
• Eneko Fernandez

* Andoni Egañak Txapelketa Nagusia jokatzeko txartela duen arren, ez duela parte hartuko adierazi zuen. Beraz, kanporaketetatik sailkatuko da Egañak utzitako lekua hartuko duen bertsolaria. 

Xabier Silveirak jantzi du 2013ko Nafarroako Bertsolari Txapelketako txapela

Buruz burukorik jokatu behar izan gabe irabazi du lesakarrak Nafarroako zazpigarren txapela

Xabier Silveirak zazpigarrenez irabazi du Nafarroako Bertsolari Txapelketa (1997, 2004, 2005, 2006, 2007, 2009,  2013). Lesakarrak 588 puntu lortu ditu eta bigarrenak, kasu honetan Julio Sotok, 568. Lehengonaren eta bigarrenaren arteko aldeak 20 puntu baino txikiagoa behar zuen buruz burukoa jokatzeko. Beraz, 20 puntu zehatzeko aldeak, zuzenean egin du Silveira txapeldun. Ondorengo sei postuetan, puntuazioaren arabera, Erika Lagoma (558), Eneko Fernandez (541,5), Eneko Lazkoz (539,5), Jon Barberena (526), Oskar Estanga (506,5) eta Aimar Karrika (480,5) geratu dira hurrenez hurren.

http://www.nafarroakotxapelketa.com/

Bertsolariek finalean egin beharreko lana honako hau izan da: binaka, zortziko nagusian hiruna bertso; binaka, zortziko txikian hiruna bertso; banaka, bi punturi erantzuna zortziko txikian; binaka, sei puntuko motzean hiruna bertso eta kartzelako lanean, banaka, gaia emanda, hiruna bertso doinu eta neurri librean. 

Bittor Elizagoien bertsolari nafarra izan da Xabier Silveirari txapela janzteaz arduratu dena. Aurtengo udazkenean hasiko den Bertsolari Txapelketa Nagusian kantatzeko sailkatu diren lau bertsolariak Xabier Silveira, Julio Soto, Erkina Lagoma eta Eneko Fernandez dira.

Txapeldunaren agurra: 

Egoi, Arane, Jon eta Gaizka
aipatu nahiko nituzke.
Ama, izeba, Igoa 
Erki, Esti ta hainbeste. 
Musu haundi bat, agur eta ohore presondegi ta erbeste.
Zuei ere bai, nafar euskaldun
su hau ez baita dena ke. 
Beñat, itxoin ordubete
amets bat behar dut bete.
Baina Silveira goizero jasan
dutenak zuek zarete
zuentzat, beraz, azken txapel hau Solete eta Txabete.

Oihane Pereak jantzi du 2013ko Arabako Bertsolari Txapelketako txapela

Aguraindarrak irabazi du Principal Antzokian jokatu den 2013ko Arabako Bertsolari Txapelketa 616 punturekin. Bigarren, Manex Agirre 606 punturekin.

Oihane Pereak hirugarrenez irabazi du Arabako Bertsolari Txapelketa (2007, 2009, 2013). Aguraindarrak 616 puntu lortu ditu, buruz burukoa Manex Agirrerekin jokatu ondoren; honek, 606 puntu lortu ditu. Ondoren, puntuazioaren arabera, Iñaki Viñaspre (411), Asier Otamendi (410,5), Ruben Sanchez (371) eta Jagoba Apaolaza (341) geratu dira hurrenez hurren.

www.arababertsozale.org

Bertsolariek finalean egin beharreko lana honako hau izan da: binaka, zortziko nagusian hiruna bertso; binaka, zortziko txikian hiruna bertso; banaka, bi punturi erantzuna zortziko txikian; binaka, hamarreko txikian hiruna bertso eta banaka, gaia emanda, bina bertso doinu eta neurri librean. 

Buruz burukoan, Pereak eta Agirrek egin beharreko lana hau izan da: binaka, sei puntuko motzean hiruna bertso eta kartzelan, banaka, gaia emanda, hiruna bertso doinu eta neurri librean. 

Abel Enbeita Arabako bertsogintzaren aitzindaria izan da Oihane Enbeitari, oso hunkituta zegoela, txapela janzteaz arduratu dena. Buruz burukoa jokatu duten Oihane Perea eta Manex Agirre, aurtengo udazkenean hasiko den Bertsolari Txapelketa Nagusian kantatzeko sailkatu dira.

Txapeldunaren agurra: 

Ekaitz ta Iratxe aipatu gabe
ez naiz joango inola.
Unai ta Oier, nere txikiak
a zelako merendola!
Talderik gabe bakarkakoak
ez du gehiegi axola
bonbo soinuak eta zuek jartzen
didazue borborka odola
hau ere bada zuena eta
lautadako bertso-eskola.

Realak Valladolid jipoitu du Anoetan (4-1)

 Griezmann (2), Agirretxe eta Xabi Prieto izan dira goleatzaile txuri-urdinak

Realak aise irabazi du Anoetan Valladoliden aurka. Djukic-en gizonek ezer gutxi egin dute lehen zatian eta txuri-urdinek ederki baliatu dituzte aukerak. Dagoeneko hamar jardunaldi daramatza Realak galtzea zer den jakin gabe. Bihar Malaga eta Espanyolen arteko partidaren emaitzaren esperoan, Montanierren mutilek Txapeldunen Ligako postuetan igaroko dure gaua. 

Realak indartsu hasi du lehenengo zatia, izan ere, Valladolid ez da Bravoren atera hurbildu 25. minutua bete arte. Hala ere, nahiz eta txuri-urdinak jokoaren jabe izan, aurreneko minutuetan ez da gol aukerarik egon. 

Donostiarren lehen gola 33. minutuan izan da, Griezmannek Mikel jaurtiketa bat aprobetxatu du Reala markagailuan aurretik jartzeko. Sei minutu geroago, Agirretxek jaurtiketa bikain batekin baloia eskuadran jarri du 2-0ekoa eginez. 

Bigarren gola egin eta bost minututara, Griezmannek bere bigarren gola sartu du, frantziarraren kontrola eta jaurtiketa bikainak izan dira. Atsedenaldia heldu orduko, 3-0eko markagailuarekin, Montanierren mutilek partida erabakita utzi dute.

Bigarren zatia hasi bezain laster, 48. minutuan, Xabi Prietok 4-0ekoa egin du, jokaldi bikain bati amaiera ezin hobea emanez. Anoetako armailetan poza zen nagusi, gol gehiagoren zain. Valladolidek ez du amorerik eman eta Bravoren atera hurbiltzen saiatu da. Azkenean, partida amaitzear zela, 87. minutuan, Javi Guerrak 4-1ekoa egin du. 

Garaipen honi esker, laugarren postura igotzeaz gain, Reala Ligan gol gehien sartu dituen hirugarren taldea da, Bartzelonaren eta Real Madrilen atzetik. 

Fitxa teknikoa:

Reala: Bravo; Carlos Martinez (Estrada, 76 min), Mikel, Iñigo Martínez, De la Bella (Jose Angel, 65 min); Illarramendi, Zurutuza, Xabi Prieto (Pardo, 67 min); Vela, Griezmann eta Agirretxe.

Valladolid: Dani; Balenziaga, Rueda, Sereno, Rukavina; Rubio (Baraja, 83 min), Sastre, Omar, Oscar, Rama (Bueno, 54 min); Manucho (Guerra, 70 min).

Golak: 1-0, 33 min: Griezmann. 2-0, 39 min: Agirretxe. 3-0, 43 min: Griezmann. 4-0, 48 min: Xabi Prieto. 4-1, 87 min: Javi Guerra.

Realak Txapeldunen Ligan sartu nahi du

Txuri-urdinek Valladoliden aurka garaipena bilatuko dute Anoetan

Bihar 16:00etatik aurrera Realak eta Valladolid elkarren aurkako partida jokatuko dute Anoetan. Txuri-urdinek helburu argi bat dute: sailkapeneko laugarren postua; horretarako garrantzitsu izango dute etxean ahalik eta puntu gehien lortzea. Azken hilabeteotan, talde donostiarra bolada onean dago,  azken hamazazpi partidetatik bakar bat galduz. 

Valladoliden aurkako partidarako Ifran, Elustondo eta Cadamuro baja medikua dira. Javi Ros, aldiz, erabaki teknikoagatik geratu da zerrendatik kanpora. Atleticoren aurkako partidarekin alderatuz, 'Chory' Castro deialdira itzuli da, zerrendan sartzeko garaiz errekuperatuz. 

www.realsociedad.com

Deialdiak:

Reala: Bravo, Zubikarai, Carlos Martínez, Dani Estrada, Mikel, Ansotegi, Iñigo, De la Bella, José Ángel, Zurutuza, Rubén Pardo, Markel, Illarra, Xabi Prieto, Vela, Agirretxe, Griezmann eta 'Chory' Castro

Valladolid: Dani, Jaime, Balenziaga, Rukavina, Jesús Rueda, Sereno, Valiente, Peña, Álvaro Rubio, Sastre, Baraja, Neira, Rama, Omar, Bueno, Óscar, Javi Guerra eta Manucho

Epailea: Clos Gómez

Realak Atleticoren etxeko menderaezintasuna zapustu du (0-1)

Talde txuri-urdina Txapeldunen Ligako postuetara hurbildu du Xabi Prietoren golak

Realak Atletico Madrid 0-1eko emaitzarekin gainditu du Vicente Calderón futbol zelaian. Denboraldi honetan Reala lehen taldea izan da zelai honetan puntuatzen, orain arte beste inork ez baitzuen lortu. Donostiarrek sendo garraitzen dute Europako postuetan Xabi Prietok egindako golari esker.

Etxeko taldeak intentsitarearekin hasi du neurketa eta erasora jo dute. Aurreneko minutuetan Atletico Madrid izan da nagusi eta zenbait abagune sortu ditu. Izan ere, zazpigarren minutuan, Kokek urrunetik jaurti du, baina baloia langa gainetik kanpora joan da. Txuri-urdinek defentsan sufritzen jarraitu dute, baina zuri-gorriek ez dute min egiterik lortu. Arda Turanek izan ditu Atletico Madrid aurretik jartzeko aukerarik onenak, baina turkiarraren jaurtiketak kanpora joan dira.

Denbora pasa ahala, Reala erasoan hobetuz joan da eta arriskua sortzea lortu dute. Griezmannek, 27. minutuan, aukera aparta izan du, baina Courtoisek bikain gelditu du frantziarraren errematea. Aukera gutxiko lehen zatia golik gabe amaitu da. 

Bigarren zatiaren hasieran Simeoneren taldeak asko sakatu du, baina Realak kontraeraso bat ondo baliatu eta Xabi Prietok 0-1ekoa egin du. Zuri-gorriak erantzuten saiatu dira, baina Montanierren mutilak sendo aritu dira defentsan. Abagunerik onenak Kokek eta Falcaok izan dituzte, baina kanpora joan dira haien jaurtiketak. 

Azkenengo minutuetan, Montanierrek defentsan gizon gehiago sartu diru eta ez diote etxeko taldeari erosotasunez jokatzen utzi. 0-1ekoa markagailuarekin iritsi da norgehiagokaren amaiera, txuri-urdinek hiru puntu garrantzitsu eskuratu dituzte sailkapenean bostgarren jarriz, Malagarekin 44 puntura berdinduta.

Fitxa teknikoa:
At. Madril: Courtois; Juanfran, Miranda, Godin, Filipe Luis; Cristian Rodriguez (Raúl García 66. minutua), Gabi, Koke (Adrián 70. minutua), Arda Turan; Diego Costa eta Falcao.
 
Reala: Bravo; Carlos Martinez, Mikel Gonzalez, Iñigo Martinez, De la Bella; Illarra (Ansotegi 89. minutua), Zurutuza (Estrada 69. minutua), Markel Bergara, Xabi Prieto; Griezmann eta Vela (Agirretxe 81. minutua).

Gola: 0-1: 52. minutua: Xabi Prieto.

Realak Vicente Calderon konkistatu nahi du

Txuri-urdinek Atleticoren aurka garaipena bilatuko dute

Realak ligako bigarren sailkatuaren aurka ezustekoa ematea bilatuko du. Atleticok etxean oso sendoa dela erakutsi du, ez baitu oraindik denboraldi honetan Vicente Calderonen galdu. Donostiarrek Europara begira jarraitu nahi badute, puntuak lortu beharko dituzte. Txuri-urdinak ez diote bolada onari amaiera eman nahi, izan ere, azken hamesei partidetatik bakarra galdu dute.

Atleticoren aurkako partidari aurre egiteko baja garrantzitsuak izango ditu Philippe Montanierrek. 'Chory' Castro, Diego Ifrán eta Gorka Elustondo baja medikuak dira. Javi Ros, aldiz, erabaki teknikoagatik geratu da kanpoan. Illarra eta Estrada zerrendara bueltatu dira.

www.eitb.com

Deialdiak:

Atlético: Asenjo, Courtois, Godín, Filipe Luis, Cata Díaz, Juanfran, Insua, Miranda, Koke, Raúl García, Arda Turan, Cristian Rodríguez, Gabi, Oliver Torres, Thomas, Adrián, Falcao eta Diego Costa

Reala: Bravo, Zubikarai, Carlos Martínez, Dani Estrada, Mikel, Ansotegi, Cadamuro, Iñigo, De la Bella, Illarra, Rubén Pardo, Zurutuza, Markel, Xabi Prieto, Vela, Agirretxe eta Griezmann 

Epailea: Ayza Gámez

Partida zoroa Anoetan (3-3)

Txuri-urdinek ez dute Txapeldunen Ligako postuetan sartzea lortu

Realak eta Betisek puntu bana lortu dute, edozeinek irabazi zezakeen partida zoro batean. Talde bakoitzak hiruna gol sartu ditu eta bi taldeak partida jokatu aurretik zeuden postuetan geratu dira. Jorge Molina eta Pabón (2) izan dira Andaluziako taldeko goleatzaileak. Carlos Velak, Iñigo Martínezek eta X. Prietok, berriz, etxeko taldearentzat egin dituzte golak.

Realak indartsu hasi du partida, lehen aukera garbia Agirretxerena izan da, Velaren pase baten ostean, baina Adrianek gelditzea lortu du. Bi taldeek izan dituzte zenbait aukera, baina Montanierren gizonek intentsitate handiagoa eman diote jokoari. Ondoren, 10. minutuan, Pabonek kontraeraso batean urrunetik gola egiteko aukera izan du, baina baloia gora joan da. Jarraian, Xabi Prieto gola egiteko zorian egon da, baina donostiarrak ezin izan du Zurutuzak jarritako baloia errematatu. 16. minutuan Mariok akats bat egin du eta oso aukera argia izan du Carlos Velak, baina atezainak gelditu egin du.  

 

Reala oso ondo ari zen jokatzen 23. minutuan Griezmannek gol bikain bat sartu duenean. Baina epaileak baliogabetu egin du, frantziarra ez zegoen jokoz kanpo. Beste aukera on bat izan du Realak baina Agirretxeren burukadak zutoinean jo eta Betisek kontraerasoa bikain burutu du. Jorge Molina 0-1ekoa egin du 29. minutuan.

Markagailuari buelta ematen saiatu da Reala, baina gola egin ondoren eroso aritu da Pepe Melen taldea. Realak kontraerasora irten ondoren amaitu da lehen zatia, baina ez du inork errematatu Carlos Martinezen errematea. Betis gehiago zela iritsi da atsedenaladia.

Bigarren zatia hasi era bereala Sevillako taldearentzat bigarrena egin du Pabonek, Mikel Gonzalezen akats larri bat aprobetxatuz. Bi minutu geroago, txuri-urdinei gauzak oso zail jarri zaizkiela zirudienean, Velak 1-2koa egin du. Hortik gutxira, 57. minutuan Iñigo Martinezek neurketa berdintzea lortu du burukada batez. Berdindu bezain laster, 60. minutuan, Iglesias Villanueva epaileak penaltia adierazi du Angel Lopezek area barruan baloia eskuarekin ukitu ondoren. Xabi Prietok Panenka estiloan 3-2koa egitea lortu du. Partida zoratu egin da.

Betisen taldeak ez du denbora askorik hartu norgehiagoko berdintzeko, izan ere, 68. minutuan Pabonek gol bilakatu du,  Ruben Castrorekin egin duen jokaldia. Momentu horretatik aurrera edozein taldek eraman zitzakeen hiru puntuak. Aukera argiena Amaya bere aten gola sartzeko zorian egon denean izan da, Adrianek Agirretxeren aukera bat eten ondoren. Azken momentura arte partidak erritmorik galdu ez duen arren, berdinketarekin bukatu da partida.

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella; Bergara, Zurutuza (Ruben Pardo, 66. min.), Xabi Prieto (Diego Ifran, 80. min); Griezmann, Vela eta Agirretxe.

Betis: Adrian, Angel, Mario, Antonio, Nacho; Cañas, Beñat (Chica, 82. min.), Campbell (Nono, 66. min.), Juan Carlos (Castro, 63. min.); Pabon eta Molina.

Golak: 0-1, 29. min.: Jorge Molina. 0-2. 48. min.: Pabon. 1-2, 50. min.: Carlos Vela. 2-2, 57. min.: Iñigo Martinez. 3-2, 60. min.: Xabi Prieto (p). 3-3, 67. min.: Pabon.

Realak Europan jokatzeko leiatik urrundu nahi du Betis

Philippe Montanierrek baja garrantzitsuekin egin beharko dio aurre partidari

Bihar gaueko 21:00etatik aurrera Reala eta Betisen arteko norgehiagoka jokatuko da Anoetan. Bi taldeek datorren denboraldian Europan jokatu nahi dute, beraz, bi taldeentzako izango da garrantzitsua garaipena eskuratzea. Txuri-urdinak oso bolada onean daude, azken hamabost partidetatik bakarra galduz. Betisek berriz orain arte puntu asko lortu izan ditu donostiarren zelaian.

Philippe Montanierrek zenbait aldaketa egin beharko ditu ohiko hamaikakoan, Gorka Elustondo, Asier Illarramendi eta 'Chory' Castro baja medikua baitira. Ansotegi, aldiz, erabaki teknikoagatik geratu da deialditik at. Javi Ros eta Jose Angel zerrendara itzuli dira. 

www.eitb.com

Deialdiak:

Reala: Bravo, Zubikarai, Carlos Martínez, Estrada, Mikel, Cadamuro, Iñigo, De la Bella, Jose Angel, Javi Ros, Rubén Pardo, Markel, Zurutuza,  Xabi Prieto, Vela, Agirretxe, Ifrán eta Griezmann 

Betis: Adrián, Casto, Chica, Ángel, Nacho, Paulao, Amaya, Mario, Cañas, Beñat, Joel, Juan Carlos, Fausto, Pozuelo, Nono, Pabón, Molina eta Rubén Castro

Epailea: Iglesias Villanueva