Hiru puntuak Donostian geratu dira (2-0)

Griezmannek eta Vela izan dira partidako goleatzaileak

Realak nagusitasun osoz irabazi dio Athletic mantso bati. Montanierren mutilek partida ona eginez eskuratu dituzte hiru puntuak, Anoetak hiru partidatik hirurak irabaziz. Txuri-urdinek bigarren zatian baieztatu dute, erabateko nagusitasuna eskuratu ondoren. 

Lehen zatian bi taldeak hurbildu dira ateetara, baina ez da gol aukera argirik egon. Griezmann lehenengoa egiteko zorian egon da falta baten bidez, baina Iraizozek eskuadratik atera du baloia. Lehen orduan neurketa orekatua izan den arren, hortik aurrera Reala nagusi izan da partida osoan zehar. Atsedenaldia baino lehen Griezmannek eta Illarrak gol aukerak izan dituzte.

Bigarren zatian Montanierren taldea izan da nagusi. Zuri-gorriak uneoro egon dira Realaren menpe. 62. minutuan Griezmannek area barruan jaurtiketa gurutzatua egin eta gola sartu du. Ondoren txuri-urdinek arriskua sortzen jarraitu dute. Gauzak horrela, Amorebietak baloia eskuarekin ukitu du area barruan eta epaileak egotzi egin du. Vela mexikarrak penaltiz gipuzkoarren bigarren gola egin eta neurketa erabakita utzi du. Poza nagusitu da realzaleen artean. 

Fitxa teknikoa:

Reala: Zubikarai; Estrada, Mikel Gonzalez, Iñigo Martinez, De la Bella; Illarramendi (Cadamuro, 81. minutua), Markel, Zurutuza (Chory Castro, 73. minutua); Griezmann, Xabi Prieto eta Agirretxe (Vela, 68. minutua).).

Athletic: Iraizoz; Castillo (Llorente, 66. minutua), Amorebieta, Gurpegui, Iraola; Iturraspe (San Jose, 54. minutua), De Marcos, Susaeta, Isma Lopez (Ibai, 60. minutua); Muniain eta Aduriz.

Golak: 1-0, 62. minutua: Griezmann. 2-0, 71. minutua: Vela, penaltiz.

Txuri-urdinek sendo jarraitu nahi dute Anoetan

Reala eta Athletic-en arteko derbia jokatuko da gaur Donostian

Gauko zortzietan jokatuko da Anoetan denboraldi osoko partida zirraragarrienetako bat. Zaleen arreta gehienbat bi ateetan egongo da, Realaren atean Zubikaraik jokatuko du Bravok erradioa hautsi ondoren. Zuri-gorrien kasuan, aldiz, oraindik ez dago argi Raulek edo Iraizozek jokatuko duen. Astearen hasieran Raulek jokatuko zuela ematen bazuen ere, ostegunean normaltasunez entrenatu zen Iraizoz.

Montanierrek emandako zerrendan bi nobedade daude. Imanol Agirretxe eta Liassine Cadamuro itzuli dira Diego Ifrán eta Carlos Martinezen ordez. Enrique Royo Sanseko atezaina ere deialdian sartu da, Claudio Bravo lesionatuaren ordez.

Deialdiak:

Reala: Royo, Zubikarai, Dani Estrada, Cadamuro, Ansotegi, Mikel, Iñigo, De la Bella, José Ángel, Javi Ros, Markel, Illarramendi, Griezmann, Xabi Prieto, Agirretxe, Vela, 'Chory' Castro

Athletic: Iraizoz, Raúl, Amorebieta, San José, Iraola, Castillo, Ekiza, Gurpegi, Ruiz de Galarreta, Iturraspe, De Marcos, Ibai, Susaeta, Muniain, Isma López, Llorente, Aduriz, Toquero

Epailea: Clos Gómez

Greba Orokorra I26

Greba deitzaileak pozik agertu dira lanuzteak izandako jarraipenarekin. Bilbon 800m inguruko manifestazio jendetsua izan zen, Laura Mintegi, EH Bilduko lehendakarigaia, besteak beste, bertan zelarik.

Atzoko Greba Orokorraren balorazio positiboa egin dute eragileek (ELA, LAB, STEE-EILAS, ESK, EHNE, HIRU, CGT eta CNT, hainbat gizarte-kolektiborekin batera). Bilbo, Donostia, Iruña eta Gasteizen izandako manifestazioetan 110.000 pertsonek parte hartu zutela adierazi dute. 

Bilboko manifestazioa, esaterako, "Euskal Herrian murrizketarik ez" lelopean abiatu zen eguerdiko 12:30etan, Moyua plazatik Jesusen Bihotzeraino. Helmugara iritsitakoan, jendetza Moyu plazaraino ikus zitekeen (800m inguru). Ekitaldian ELA eta LABeko idazkari nagusiak, Adolfo Muñoz, Txiki, eta Ainhoa Etxaide, hurrenez hurren, entzuteko aukera egon zen. Alderdiak eta euskal erakundeak murrizketen aurrean desobenditzera eta hauei kontra egitera estutu zituzten. 

Juaris25

Bilboko manifestaziora gerturatutakoen artean, Laura Mintegi, EH Bilduko lehendakarigaia, zegoen. Egindako adierazpenetan Greba Orokorra subiranotasuna eta justizia soziala lortzeko beste pauso bat dela esan zuen. Hiru urteran egin den bostgarren Greba Orokorra dela ere gogorarazi du, "egoera larria" dela azpimarratuz. 

Juaris25

Greba Orokorraren jarraipena martxokoa baino murritzagoa, baina hala ere "gogoangarria" izan zela esan jakinarazi dute deitzaileek. 

Claudio Bravok eskuin besoko erradioa hautsi du

Claudio Bravo Realeko atezainak atzo goizeko entrenamenduan torsio eta kolpea jaso zuen baloi bat geratzean eskuin eskumutur eta besaurrean. Policlinica Gipuzkoan egindako azterketa osagarrietan erradio haustura dela ikusi zen; atzo arratsaldean bertan egin zioten ebakuntza Martinez Renobales doktorearekin. 

Hiru puntuek ihes egin diote Realari (2-1)

Txuri-urdinak irabazten hasi arren, bigarren zatian Levantek markagailua irauli du

Realak 2-1eko porrota jaso du Ciutat de Valencian Levanteren aurka. Horrela, etxetik kanpo urtarriletik irabazi gabe jarraitzen dute Montanierren mutilek. 

Lehengo zatian erritmoa falta izan da, aurreneko aukera Barkerok izan du zortzigarren minutuan, baian ezin izan du Juanluren erdiraketa ondo errematatu. Velak ere aukera izan du 16. minutuan; urrutitik saiatu da, baina baloia gutxigatik kanpora joan da.

Zurutuzak 0-1ekoa jarri du 22. minutuan; baloia Levanteren ateko eskerreko zutoinean jo eta gero sartu da. Golak indarra eman dio Realari eta 39. minutuan Vela bigarrena egiteko zorian egon da. Azken minutuetan txuri-urdinak erlaxatu eta talde valentziarra esnatu da.

Bigarren zatian, Levante indartsu zelairatu da eta 63. minutuan epaileak gola baliogabetu dio Martinsi jokoz kanpo zegoelako. Realak erritmoa galdu eta 71. minutuan Barkerok, penaltiz, neurketa berdindu du. Iñigo Martinezek El Zhar Levanteko jokalariari falta egin dio area barruan eta epaileak penaltia adierazi du, Realeko jokalari ohiak ez du hutsik egin.

Maldan gora jarri zaio norgehiagoka Donostiako taldeari eta berdineta ziurtzat jotzen zenean, Martins Bravoren aurrean bakarrik geratu da eta partida erabakita hutsi du 2-1eko markagailuarekin.

Fitxa teknikoa:

Levante: Munua; Juanfran, Navarro, Lell, Ballesteros; Iborra (Martins, 46'), Diop, El Zhar, Barkero, Juanlu (Pedro Rios, 70'); Ruben (Michel, 56').

Reala: Bravo; Iñigo Martinez, Mikel Gonzalez, De la Bella, Estrada; Illarramendi (Javier Ros, 81'), Bergara, Griezmann, Jose Angel (Castro, 46'), Zurutuza (Xabi Prieto, 77'); Vela.

Golak: 0-1, 2. min: Zurutuza. 1-1, 71. min: Barkero. 2-1, 87.min: Martins.

Realak Levanten bilatuko du etxetik kanpoko lehen garaipena

Txuri-urdinek urtarriletik ez dute etxetik kanpo partidarik irabazi 

Realak gaur arratsaldeko 16:00etan jokatuko du Levanteren aurkako partida Ciutat de Valencian. Donostiarrentzat zelai madarikatua da hau, bertan jokatutako sei partidetik bakarra irabazi baitute.

Zaragozaren aurkako deialditik aldaketa batzuk egon dira, Xabi Prieto eta  'Chory' Castro sartu dira oraingoan, berain lesioetatik errekuperatuz. Agirretxe ez da deialdian sartu minduta dagoelako. Beraz, jokatzeko aukerak izan ditzake Diego Ifranek. Carlos Martinez ere deialdian sartu da, aurtengo denboraldian lehen aldiz.

www.vavel.com

Deialdiak:

Levante: Múnúa, Keylor Navas, Navarro, Hector Rodas, Juanfran, Nikos, Ballesteros, Pedro López, Chris, Barkero, El Zhar, Iborra, Dudka, Pedro Ríos, Juanlu, Michel, Diop, Rubén, Ángel, Martins

Reala: Bravo, Zubikarai, Dani Estrada, Carlos Martínez, Ansotegi, Mikel, Iñigo, De la Bella, José Ángel, Javi Ros, Markel, Illarramendi, Griezmann, Xabi Prieto, Ifrán, Vela, 'Chory' Castro

Epailea: Hernández Hernández

Meriturik gabeko garaipena (2-0)

Realak hiru puntuak lortu ditu Anoetan Zaragozaren aurka jokatutako partidan

Txuri-urdinek sendo jarraitzen dute Anoetan. Meritu handirik egin gabe, Montanierren mutilek, Zaragoza mendean hartu dute Iñigo Martinez eta Carlos Velaren golei esker. Horrela, denboraldi honetan etxean jokatutako partida guztiaz irabazi dituzte.

Lehen zatian ez da gol aukera askorik izan eta jokoa aspergarria izan da. Lehen aukera Zaragozak izan du zortzigarren minutuan, baina Bravok ederki geratu du Postigaren jaurtiketa. Lehengo zatiaren amaiera arte Zaragozarrak izan da nagusi; hala ere, ez dute arrisku handiegirik sortu. 

Montanierren taldeari asko kostatu zaio gol aukerak sortzea, ez du abagunerik izan lehen zatiko amaiera arte. De la Bellaren jaurtiketari erantzun ona eman dio Roberto atezainak. Minutu gutxi eta gero, Griezmann bakarrik geratu da Zaragozako atezainaren aurrean, baina Robertok gelditu ikusgarria egin du. Atsedenaldia 0-0ko markailuarekin iritsi da.

Bigarren zatia biziagoa izan da eta gol aukera gehiago izan dira. Neurketa parekatuta egon da, baina reala 57. minutuan markagailuan aurreratu da. Realak korner bat atera eta Iñigo Martinezek 1-0koa jarri du. Golaren ondoren, Zaragoza berdinketa lortzen saiatu arren, ez du aukera argirik sortu. 

Realak erosoago jokatu du markagailuan aurretik joanda, horrela, gol aukerak areagotuz. Gola sartu eta lau minutura, Paredesek area barruan falta egin dio Carlos Velari. Iglesias Villanueva epaileak penaltia adierazi du eta Carlos Velak ez du hutsik egin, 2-0koa jarriz. 

Bi gol jaso ondoren, Zaragoza saiatu da aldea murrizten, baina Reala sendo ibili da defensa lanetan. Txuri-urdinak saiatu dira min gehiago egiten, baina ez dute asmatu. 2-0eko markagailuarekin heldu da partidaren amaiera. Esfortsu handirik gabe, errealak hiru puntuak eskuratu ditu.

Fitxa teknikoa:

Reala: Bravo; Estrada, Mikel Gonzalez, Iñigo Martinez, De la Bella; Markel, Illarramendi, Zurutuza (Ros, 77. min); Griezmann, Vela (Ifran, 85. min) eta Agirretxe (Jose Angel, 82. min).

Zaragoza: Roberto; Abraham, Paredes, Alvaro, Sapunaru; Montañes, Zuculini (Apoño, 63. min), Stefan (Álamo, 75. min), Jose Mari, Edu Oriol (Aranda, 63. min); Helder Postiga.

Golak: 1-0, 55. min: Iñigo Martinez. 2-0, 61. min: Vela.

Realak ez du Anoetan hutsik egin nahi

Txuri-urdinek Zaragozaren aurka irabazi nahi dute, kanpoan bi porrot jaso ondoren

Gaur arratsaldeko 19:50etan jokatuko da Reala eta Zaragozaren arteko neurketa Anoetan, Montanierren mutilek hiru puntuak eskuratu nahi dituzte sailkapenean lasaitasuna lortzeko. Etxetik kanpo bi porrot jaso eta gero, Zaragozaren aurka galtzeak urduritasuna ekarriko luke aldagelara.

Deialdiko berririk handiena Zurutuzaren itzulera da. Hala ere, baja oso garrantzitsuak dituzte donostiarrek. Xabi Prieto eta Rubén Pardo lesionatuen ordez Sanseko jokalari diren Fuchs eta Jonathan deitu ditu Philippe Montanierrek. Elustondo, Cadamuro eta 'Chory' Castro ere baja medikua dira, eta Carlos Martínez deialditik at geratu da erabaki teknikoagatik. 

www.heraldo.es

Deialdiak:

Reala: Bravo, Zubikarai, Dani Estrada, Ansotegi, Mikel, Iñigo, De la Bella, José Ángel, Javi Ros, Fuchs, Markel, Illarramendi, Griezmann, Ifrán, Vela, Agirretxe, Jonathan

Celta: Roberto, Leo Franco, Movilla, Paredes, Álvaro, Goni, Aranda, Edu Oriol, Postiga, Apoño, Montañés, Romaric, José Mari, Stefan, Sapunaru, Zuculini, Abraham, Javi Álamo eta Víctor Rodríguez. 

Epailea: Iglesias Villanueva

Txuri-urdinek ezin izan dute Ono Estadiko maldizioa apurtu (1-0)

Ondo hasi da Reala, baina ez dio erritmoari eutsi

Realak porrota jaso du Liga Txapelketako hirugarren jardunaldian. Ezin izan du Mallorca garaitu nahiz eta lehenengo zatian horretarako aukerak izan. Casadeus Mallorcako jokalaria izan da neurketako goleatzaile bakarra. 

Neurketaren hasieran txuri-urdinak jaun da jabe izan dira; horrela, Agirretxek izan du gola sartzeko lehen abagunea.  Mallorcak bere aukerei itxaronez hasi du partida. Minutuak aurrera joan ahala partida orekatuz joan da eta ez da jabe argirik egon. Nsuek, Pereirak eta Victorrek izan dituzte aukerak, baina Rubén Pardok ondo oztopatu ditu. 

Bigarren zatian, Caparrosen taldea Reala baino gehiago izan da, baina hala ere ez da aukera argiegirik izan. Partida 0-0eko margailuaz bukatuko zela uste zenean, 75. minutuan, Casadeusek 1-0koa jarri du Javi Marquezen erdiraketa bikain baten bidez. Horrela Realaren porrotarekin amaitu da norgehiagoka.

Fitxa teknikoa:

Mallorca: Aouate; Ximo, Nunes, Coincençao, Lopez; Pereira, Marquez (Marti, 87'), Pina (Joao Victor, 79'), Nsue (Alfaro, 64'); Victor eta Hemed.

Reala: Bravo; Estrada, Ansotegui, Mikel Gonzalez; De La Bella (Ifran, 78'); Markel, Ruben Pardo, Illarramendi (Jose Angel, 85'), Xabi Prieto; Vela (Griezmann, 69') eta Agirretxe.

Gola: 1-0 75. minutuan: Victor Casadesus.

Realak garaipena bilatuko du zelai zail batean

Txuri-urdinek ez dakite Mallorcan irabaztea zer den 2002/03 denboralditik 

Gaueko hamarretan jokatuko da Mallorca eta Realaren arteko neurketa Ono Estadi zelaian. Montanierren mutilek hiru puntuak lortu nahi dituzte Mallorcako zelaiko maldizioa behingoz hausteko, hain zuzen ere, hamar urte dira La Palmako futbol zelaian Realak azkenengo garaipena lortu zuela. Horretaz gain, donostiarrek urtarriletik ez dakite etxetik kanpo irabaztea zer den.

Deialdian lau izen berri daude Celtaren aurkako partidarekin alderatuta. Javi Ros, Iñigo Martínez, David Zurutuza eta Sanseko Royo atezaina. Min hartuta dauden 'Chory Castro', Gorka Elustondo eta Zubikarai etxean geratuko dira, baita Carlos Martínez ere, azken hau erabaki teknikoagatik. 

www.vavel.com

Deialdiak:

Mallorca: Aouate, Miño, Antonio López, Nunes, Anderson Conceiçao, Geromel, Ximo, Bigas, Charlie Took, Joao, Pina, Pereira, Nsue, Javi Marquez, Martí, Alfaro, Marc Fernández, Victor, Tomer

Reala: Bravo, Royo, Dani Estrada, Ansotegi, Iñigo, Mikel, Cadamuro, De la Bella, José Ángel, Xabi Prieto, Rubén Pardo, Javi Ros, Markel, Illarramendi, Zurutuza, Griezmann, 'Chory' Castro, Vela, Agirretxe

Epailea: Fernández Borbalán