Ez dago etxetik kanpo irabazterik! (2-2)

Bi aldiz joan da Reala markagailuan aurretik, baina ezin izan ditu hiru puntuan eskuratu

Txuri-urdinek lehen aldiz puntuatu dute etxetik kanpo, hala ere, ezin izan dituzte hiru puntuak eskuratu.  Realak 2-2ko berdinketa lortu du Valladoliden kontra Jose Zorrilla zelaian. Donostiarren bi golak Griezmannenak izan dira. Baina Ebert eta Oscar partida berdintzeaz arduratu dira. 

Realak bigarren minutuan izan du lehen aukera argia, baina 'Chory' Castroren jaurtiketa gurutzatua kanpora joan da. Ondoren, Valladolideko taldea erasoan gogor sakatzen hasi da era Bergarak defentsa sendotu behar izan du. Etxeko taldeak falta batean izan du lehen abagune argia, baina Zubikaraik bikain desbideratu du Eberten jaurtiketa.

31. minutuan ere Ebertek urruneko jaurtiketa ona egin du, baina Zubikarain bi alditan gelditu du. Etxeko taldea gogor sakatzen ari zenean, Griezmannek 0-1ekoa jarri du markagailuan. Frantziarrak ederki aprobetxatu du korner baten aldaratzea markagailuan aurretik jartzeko. Pozak ez du asko iraun eta 43. minutuan Ebertek berdinketaren gola (1-1) egin du urruneko jaurtiketa batekin. Berdinduta joan dira bi taldeak aldageletara.

Bigarren zatiaren hasieran txuri-urdinak erasoan sakatzen hasi dira. 47. minutuan Griezmannek aukera argia izan du, baina baloia langara joan da. Realak Valladolid atzean sartu du eta 57. minutuan frantziar gazteak 1-2koa jarri du La Pucela zaharreko markagailuan. Griezmannek urruneko jaurtiketa batekin gainditu du Dani Hernandez.

Djukicen taldeak gogor presionatu du golaren ostean, baina ez da aukera argirik egon. Hala ere, Oscarrek berdinketaren gola (2-2) lortu du 74. minutuan Zubikari buruz gaindituta. Valladolideko taldea azkenengo minutura arte gogor aritu da erasoan, baina Montanierren mutilek ederki eutsi dute defentsan. Neurketako azkengo abagunea Jose Angelek izan du zelai erditik baloia jaurti ondoren, baina Dani Hernandezek gelditu ikusgarri batekin desbideratu du baloia. Azkenean, 2-2koarekin iritsi da partidaren amaiera. 

Fitxa teknikoa:

Valladolid: Dani Hernandez; Rukavina, Rueda, Marc Valiente, Balenziaga; Ebert, Alvaro Rubio (Neira, 65. minutua), Victor Perez, Omar (Bueno, 60. minutua); Oscar eta Guerra.

Reala: Zubikarai; Carlos Martinez, Mikel, Iñigo Martinez, De la Bella; Bergara, Illarramendi, Griezman (Pardo, 78. minutua); Castro (Jose Angel, 73. minutua), Vela (Prieto, 66. minutua), eta Agirretxe.

Golak: 0-1: 36. minutua, Griezmann. 1-1: 43. minutua, Ebert. 1-2: 56. minutua, Griezmann. 2-2: 75. minutua, Oscar.

Paperezko egunkarien gainbehera

Ez da gauza berria paperezko egunkarien salmenten beherakada. Hamarkada bat baino gehiago pasatu da Internet gure etxeetara etorri zenetik. Ordutik Interneten garapen azkarraz gain, hainbat teknologia berri asmatu dira: smartphonak, tabletak... Zihurrenik hamar urte barru ez da paperezko prentsarik egongo edo behintzat ez gaur bezain beste ale. 

Mugikor eta tabletentzat gero eta aplikazio gehiago daude; hauek berriak modu erraz eta azkarrean eskuratzeko aukera ematen dute. Gaur egun mundua oso azkar mugitzen da, beraz, gehienok bilatzen ditugun ezaugarriak erosotasuna eta bizkortasuna dira. Horretaz gain, ez da ahaztu behar krisi garaian gaudela, zertarako ordaindu doan eskura badezakegu? 

Igor Elortzak irabazi du Sopelako kanporaketa

Sopelako frontoian jokatu da 2012ko Bizkaiko Bertsolari Txapelketako laugarren kanporaketa gaur arratsaldean. Igor Elortza izan da nagusi 450 punturekin. Beraz, Elortza da zuzenean finalaurrekoetara sailkatu den laugarren bertsolaria. Behin-behinean puntuazioz sailkatuta dauden bost bertsolariak Gorka Ostolaza, Arrate Illaro, Iñaki Iturriotz, Gorka Lazkano eta Joseba Artza 'Urta' dira. 

Azkenengo kanporaketa hurrengo domekan, azaroak 4, jokatuko da Zornotzako Zelaieta Zentroan. Aitor Arrutia, Asier Legarreta, Josu Gotzon Landeta, Julen Erezuma, Oihana Bartra eta Unai Ormaetxeak kantatuko dute Maite Berriozabalen esanetara.

Sopelako puntuazioak:

Igor Elortza 450

Gorka Lazkano 407

Joseba Artza 'Urta' 392
Garikoitz Sarriugarte 391

Nerea Ibarzabal 391

Ekaitz Larrazabal 'Katxo' 315

www.bizkaikotxapelketa.biz

Reala etxetik kanpoko lehen puntuen bila

Aurreko asteburuko porrot mingarria ahaztu nahi du talde txuri-urdinak

Realak Valladoliden aurka jokatuko du astelehen honetan Nuevo Zorrilla zelaian (21:30). Txuri-urdinek porrot mingarria jaso zuten aurreko asteburuan Atletico de Madrilen aurka Anoetan (0-1). Lasaitasuna lortu nahi badute, etxetik kanpora irabaztera behartuta daude Montanierren mutilak. Orain arte, ez dute etxetik kanpo punturik lortu. 

Bravo, Zurutuza, Elustondo eta Cadamuro lesionatuek ez dute biharko partida jokatuko. Hala ere, jokalari guztiek bidaiatuko dute Valladolidera; ostegunean Erregearen Kopako partida jokatuko dute Cordobaren aurka eta ordura arte ez dira Donostiara itzuliko.

www.realsociedad.com

Deialdiak:

Valladolid: Jaime, Dani Hernández, Rukavina, Marc Valiente, Rueda, Sereno, Peña, Balenziaga, Baraja, Victor Pérez, Álvaro Rubio, Ebert, Óscar, Omar, Neira, Bueno, Javi Guerra, Lolo

Reala: Royo, Zubikarai, Dani Estrada, Carlos Martínez, Ansotegi, Mikel, Iñigo, De la Bella, José Ángel, Javi Ros, Rubén Pardo, Markel, Illarramendi, Griezmann, Xabi Prieto, Ifrán, Vela, 'Chory' Castro, Agirretxe

Epailea: Alvarez Izquierdo

Fredi Paiak irabazi du Mungiako kanporaketa

Mungiako Olalde Aretoan jokatu da 2012ko Bizkaiko Bertsolari Txapelketako hirugarren kanporaketa gaur arratsaldean. Fredi Paia izan da nagusi 443,5 punturekin. Beraz, algortarra zuzenean sailkatu da finalaurrekoetara. Behin-behinean puntuazioz sailkatuta dauden bost bertsolariak Gorka Ostolaza, Arrate Illaro, Iñaki Iturriotz, Ander Elortegi eta Imanol Uria dira. 

Hurrengo kanporaketa bihar, hilak 28, jokatuko da Sopelako frontoian. Ekaitz Larrazabal 'Katxo', Gari Sarriugarte, Gorka Lazkano, Igor Elortza, Joseba Artza 'Urta' eta Nerea Ibarzabalek kantatuko dute Zuriñe Iarrituren esanetara.

Mungiako puntuazioak:

Fredi Paia 443,5

Iñaki Iturriotz 393,5

Ander Elortegi 377

Malen Amenabar 370,5

Txaber Ormazabal 352

Peru Vidal 345

www.bizkaikotxapelketa.biz

Realak etxeko bolada ona hautsi du (0-1)

Falcaok partidako azkenengo minutuan egin du Atletico Madrilen gola

Txuri-urdinek porrot mingarria jaso dute neurketako azken minutuan, Falcaok markagailuan 0-1ekoa jarri ondoren. Realak partida ona jokatu du eta nagusi izan dira zelaian, baina aurrelari kolonbiarrak estrategia jokaldi baten ostean hiru puntuak eman dizkio talde zuri-gorriari.

Reala indartsu zelairatu da eta edertki gainditu du talde madrildarraren presio gogorra. Txuri-urdinek gola egiteko aukerak izan dituzte, baina Courtois atezaina fin ibili da. Norgehiagokako lehen aukera argia Carlos Velak izan du, baina Atleticoko atezainak ederki desbideratu du baloia kornerrera. 

Atletico Madrilek ere gola sartzeko aukera bikaina izan du 28. minutuan, baina Raul Garciaren errematea kanpora joan da. Talde donostiarra indartsu aritu da, baina jokalariek ez dute errematean asmatu. Atsenaldian, Anoetako margakagailua 0-0ekoa izan da. 

Bigarren zatiaren hasieran talde zuri-gorriak presio gogorra egin du erasoam eta FAlcaok arrisku handia sortu du area inguruan. Mirandak 60. minutuan madrildarren lehen gola lortzeko aukera paregabea izan du, baina baloia langa gainetik kanpora joan da.

Eñaut Zubikaraik gelditu garrantzitsuak egin behar izan ditu eta Simeoneren taldeak ez du Realeko atezaina gainditzerik izan. 82. minutuan Carlos Velak aukera bikaina izan du, baina mexikarrak, Courtoisen aurrean bakarrik zegoela, langa gainetik bidali du baloia. Partidako gol bakarra Falcaok eskuratu du azken minutuan, falta jaurtiketa txokotik sartuta. Txuri-urdinen etxeko bolada ona hautsi du Atletico Madrilek Anoetan 0-1 irabazita.

Fitxa teknikoa:

Reala: Zubikarai; Estrada, Mikel, Iñigo Martinez, De la Bella; Illarra, Bergara, Xabi Prieto (Chori Castro, 66. minutua); Griezmann (Ifran, 83. minutua), Agirretxe (Pardo, 78. minutua) eta Vela.

Atlético de Madrid: Courtois; Juanfran, Miranda, Godin, Filipe Luis, Mario Suarez, Gabi, Raul Garcia (Cebolla Rodriguez, 61. minutua); Koke (Emre, 80. minutua), Adrian (Diego Costa, 86. minutua) eta Falcao.

Golak: 0-1, 90. minutua: Falcao. 

Asier Illarramendik 2018ra arte luzatu du kontratua

Reala eta Asier Illarramendi akordio batera iritsi dira, azken honen kontratua 2018. urteko ekainaren 30era arte luzatzeko. Horrela hiru urtez luzatu du talde txuri-urdinarekin duen lotura, 2015ean amaitzen zitzaiona. Jokin Aperribay zuzendariaren eta Loren Juarros kirol-zuzendariaren presentzian sinatu du Illarramendik kontratu berria Anoetako bulegoetan. 

Ibon Ajuriak irabazi du Balmasedako kanporaketa

Balmasedako Klaret Antzokian jokatu da 2012ko Bizkaiko Bertsolari Txapelketako bigarren kanporaketa gaur arratsaldean. Ibon Ajuria izan da nagusi 431,5 punturekin. Beraz, Ajuria zuzenean sailkatu da finalaurrekoetara. Behin-behinean puntuazioz sailkatuta dauden bost bertsolariak Gorka Ostolaza, Arrate Illaro, Imanol Uria, Xabier Enbeita eta Eñaut Uruburu dira. 

Hurrengo asteburuan, legebiltzarreko hauteskundeak direla eta, ez da kanporaketarik izango. Beraz, hirugarren kanporaketa hilaren 27an, zapatua, jokatuko da Mungiako Olalde Aretoan. Ander Elortegi, Fredi Paia, Iñaki Iturriotz, Malen Amenabar, Peru Vidal eta Txaber Ormazabal izango dira bertan kantatuko duten sei bertsolariak.

Balmasedako puntuazioak:

Ibon Ajuria 431,5
Gorka Ostolaza 413
Eñaut Uruburu 354
Xabat Galletebeitia 349,5
Ander Salaberria 329
Itxaso Paia 319

www.bizkaikotxapelketa.biz

Markel Bergarak 2016ra arte luzatu du kontratua

Markel Bergarak gaur goizean sinatu du kontratu berria Anoetan Jokin Aperribay Presidentearen presentzian. Erdilaria 2016ko ekainaren 30era arte arituko da Realean. Aurreko kontratua aurtengo denboraldian bukatzen zitzaion. 

Iratxe Ibarrak irabazi du Berriatuako kanporaketa

Berriatuan hasi da gaur 2012ko Bizkaiko Bertsolari Txapelketa. Bertan jokatu den lehenengo kanporaketan Iratxe Ibarra nagusitu da 450 punturekin. Beraz, Markinarra zuzenean sailkatu da finalaurrekoetara. Beste bost bertsolariek sailkapenaren arabera izango dute aukera. 

Hurrengo kanporaketa datorren domekan izango da Balmasedako Klaret antzokian, 17:30ean. Bertan kantatuko dute Ander Salaberria, Eñaut Uruburu, Gorka Ostolaza 'Potxis', Ibon Ajuria, Itxaso Paia eta Xabat Galletebeitiak. 

Berriatuako puntuazioak:

Iratxe Ibarra 450

Arrate Illaro 402

Imanol Uria 371,5

Xabier Enbeita 357,5

Jone Larrinaga 346

Inazio Vidal 340

www.bizkaikotxapelta.biz

Realak etxetik kanpo irabazi gabe jarraitzen du (2-0)

Neurketa bi geldikako jokalditan erabaki da

Realak 2-0 galdu du Benito Villamarinen Betisen aurka jokatutako partidan. Bi golak geldiakko jokalditan iritsi dira, atzelari txu-urdinak ez dira batere fin aritu. Partidako momentu batzutan gogor saitu dira Montanierren mutilak, baina Betiseko atezainak lan bikaina egin eta aukera guztiak zapuztu ditu.

Norgehiagoka hasi behar zuena baino hamabost minutu beranduago hasi da, futbol-zelaia argindarrik gabe geratu dela eta. Realak ondo kokatuta hasi du partida, baina minutuak aurrera joan ahala Betisek eskuratu du neurketaren jabetza. Gauzak horrela, 19. minutuan Paulao atzelariak Betisen lehen gola egin du korner batean.

Lehen gola jaso ondoren, Realak zalantzak izan ditu. Hala ere, lehen zatiko azken minutuetan suspertu egin dira donostiarrak eta sakatu dute. Carlos Velak izan du abagunerik argiena, baina ez du asmatu atezainaren aurrean bakarrik zegoelarik. Minutu gutxi geroago, Mikel Gonzalezek area kanpotik jaurtiketa ikusgarria egin du, baina Betiseko atezainak bikain geratu du. 

Bigarren zatiaren hasieran Ruben Castrok aukera argia izan du, baina baloia langara bidali du. Ondoren Realaren kontraeraso bat etorri da, Velak kontrol bikaina egin du area barruan, baina jaurtiketa kanpora bidali du. 

Norgehiagoka amaitzear zela, 80. minutuan, Ruben Castrok buruz Sevillako taldearen bigarren gola egin du. Neurketa bukatzeko hiru minutu falta zirenean epaileak Betiseko Mario atzelaria egotzi du. Andaluziarrei zalantzak sortu zaizkien arren, txuri-urdinek ez dute aprobetxatu. 

Fitxa teknikoa:

Betis: Adrian; Nelson, Mario, Paulao, Alex Martinez; Cañas, Beñat, Nosa (Agra, 57. minutua); Pozuelo, Ruben Castro eta Juan Carlos (Nacho, 75. minutua).

Reala: Zubikarai; Dani Estrada, Mikel, Iñigo Martinez, De la Bella; Markel, Illarra, Zurutuza (Ifran, 71. minutua); Griezman, Vela (Chori Castro, 71. minutua) eta Xabi Prieto.

Golak: 1-0. 19. minutua. Paulao. 2-0: 80. minutua, Ruben Castro.

Realak etxetik kanpoko lehen puntuak eskuratu nahi ditu

Txuri-urdinek urtarriletik daramate etxetik kanpo irabaztea zer den jakin gabe

Montanierren mutilek Betisen aurka etxetik kanpoko lehen hiru puntuak eskuratu nahi dituzte. Partidak gaueko hamarretan izango du hasiera. Entrenatzaile frantziarrak hasierako hamaikakoan aldaketa egin beharko ditu, Imanol Agirretxe lesionatuta baitago.  Usurbildarrak bigarren graduko zuntz haustura du eskuin aldakan eta ez da Betisen aurkako deialdian sartu.

Reala sailkapenean ondo kokatuta dago Anoetan lortutako bederatzi puntuei esker, baina etxetik kanpo oso itxura kaskarra eman dute. Derbia irabazi ondoren, jokalariak gogotsu eta konfidantzarekin daude Betis mendean hartzeko. 

Philippe Montanierrek eman duen zerrendan aldaketa bakarra dago, Athletic-en aurkako partidarekin alderatuz. Diego Ifran uruguayarra sartu da, lesionatuta dagoen Imanol Agirretxeren ordez.

http://6cero.com

Deialdiak:

Betis: 

Reala: Royo, Zubikarai, Dani Estrada, Cadamuro, Ansotegi, Mikel, Iñigo, De la Bella, José Ángel, Javi Ros, Markel, Illarramendi, Griezmann, Xabi Prieto, Ifrán, Vela, 'Chory' Castro

Epailea: Teixera Vitienes

Berton da Bizkaiko Bertsolari Txapelketa

Domekan ospatuko da lehen kanporaketa Berriatuan

Aurtengo Bizkaiko Bertsolari Txapelketan 38 bertsolarik hartuko dute parte. 'BaDaGaRa' izango da txapelketako leloa, Joseba Santxok sortua. Txapelketako sintonia eta bideoklipa, aldiz, Gernikako Audience taldeak sortu ditu. Parte-hartzaileen artean aurretik txapeldun izandako Igor Elortza eta Arkaitz Estiballes aurkitzen dira. 

Asteburu honetan hasi eta abendura arte, bost kanporaketa eta hiru finalaurreko jokatuko dira. Kanporaketetako irabazleak zuzenean igaroko dira finalaurreetara era gainontzekoak puntuazioaren arabera erabakiko dira. Finalaurreetan berdina gertatuko da, hiru irabazleek zuzenean lortuko dute finalerako txartela, gainontzeko bostak puntuazioaren arabera igaroko dira. Aurtengo Bizkaiko Bertsolari Txapelketako finala abenduaren 15ean izango da. Aurten Bilboko Miribillan egindo dute, BECen beharrean. 

Domekan, Berriatuako frontoian jokatuko dute Iratxe Ibarra, Arrate Illaro, Imanol Uria, Xabier Enbeita, Jone Larrinaga eta Inazio Vidalek txapelketaren lehenengo kanporaketa, 17:30ean. Leire Bilbao arituko da gai-jartzaile lanetan.

Egutegia:

Kanporaketak

Urriaren 7an, domeka, Berriatuako frontoian 17:30ean

Urriare 14an, domeka, Balmasedako Klaret Antzokian, 17:30ean

Urriaren 27an, zapatua, Mungiako Olalde aretoan, 17:30ean

Urriaren 28an, domeka, Sopelako frontoian, 17:30ean

Azaroaren 4an, domeka, Amorebieta-Etxanoko Zelaieta zentroan, 17:30ean

Finalaurrekoak
Azaroaren 18an, domeka, Basauriko kiroldegian, 17:30ean
Azaroaren 25ean, domeka, Durangoko Landako Gunean, 17:30ean
Abenduaren 2an, domeka, Gernika-Lumoko Jai Alai frontoian, 17:30ean

Finala
Abenduaren 15ean, zapatua, Bilboko Miribilla kiroldegian, 17:30ean

Bideoklipa