Abenduaren 31, urteko azken eguna heldu da berriz ere, ematen du atzo ospatu genuela 2010ekoa. Nik ere ospatu egiten dut gaurko eguna, baina ez dit ilusio handiegirik egiten egia esan. Zer dago ospatzeko? Urte bat gehiago pasatu dela eta bizirik jarraitzen dugula? Hala bada, hobe dugu aurten ezer ez ospatzea, 2012ak munduaren amaiera ekarriko duela dabil hortik bolo-bolo eta. Nik ez dut gauza horietan sinesten, baina besteetan ere ez. Ez dut uste ospatzekoa denik urte berrian sartzea, ez dut uste gaurko eguna eta biharkoa oso desberdinak izango direnik.
Agian bai, desberdinak izango dira. Gaur ospakizun eguna da eta bihar izango dira komeriak. Biharamunarekin egongo gara mundu erdia baino gehiago, eta errealitate krudela gure atzetik oihuka etorriko da zein txarto gauden gogoraraziz. Egoerak hobera egingo ez duela jakinda, 2012ari osasuna eskatzea besterik ez zaigu geratzen.
Urte berri on!
No hay comentarios:
Publicar un comentario