Gregorio Larrañagari (Mañurkota) tarte bat eskeiniko diot gaurkoan. Gehienok jakingo duzuenez Markina-Xemeingo bertsolaria dugu Mañu. Bere ezizena baserriaren izenetik dator, bertan jaio bait zen orain dela 68 urte.
Zergaitik otu zait Mañuri buruz idaztea? Erantzun erraza du horrek. Aurten ere ezin izan naiz joan Zarauzko Putzuzulo gaztetxean abenduan ospatzen den Kopla Txapelketara. Hala ere, sarean bideoak ikusteko aukera izan dut. Oraindik ez dute saio oso eskegi, baina bai buruz burukoa. Azken txanparaino heldu zirenak Mañu eta Beñat Gaztelumendi izan ziren; bidean geratu zirenak, aldiz, Oier Aizpurua, Amets Arzallus (iazko txapelduna), Aitzol Barandiaran, Oihana Bartra, Alaia Martin, Izar Mendiguren, Maindi Murua eta Oskar Estanga.
Bideoa jarri orduko barrez lehertu naiz gure Mañurekin, azkenean Beñatek irabazi bazuen ere, Markinarrak eragiten dituen barre algarek ez dute preziorik. Ez dut zuzenean kantatzen askotan entzun, baina entzun dudanetan irrifar batekin itzuli naiz etxera. Plazetan bera bezalakoen falta sumatzen da, etxean egindako bertsolariena alegia.
Eskerrik asko Mañu!
Mañu eta Irazu Iraetan (2008)
No hay comentarios:
Publicar un comentario