Realak 2013-14 denboraldiko ekipazioa aurkeztu du

https://twitter.com/RealSociedad

Realak Haris Seferovic fitxatu du

Reala eta ACF Fiorentina akordio batera iritsi dira Haris Seferovic aurrelari suitzarra fitxatzeko. Klub txuri-urdinak eta jokalariak ere akordioa lortu dute kontratua 2017ko ekainaren 30era arte izateko. Seferovic-ek gaur goizean gainditu du azterketa medikua  Poliklinika Gipuzkoan eta ondoren kontratua sinatu du Anoetako bulegoetan. Jokalaria bere herrialdera itzuliko da gaur kontu pertsonal batzuk konpontzeko eta aurkezpen ofiziala datorren astearen hasieran izango da. 

Jose Angel Realera itzuliko da AS Romak utzita

Reala eta AS Roma akordio bateraheldu dira Jose Angelek 2014ko ekainaren 30a arte klub txuri-urdinean utzita joka dezan.  Bihar bertan hasiko da asturiarra gainontzeko taldekideekin Jagoba Arrasateren aginduetara entrenatzen. 

Reala eta Joseba Llorente ados jarri dira jokalariaren kontratua desegiteko

Klub txuri-urdinak eta Joseba Llorentek akordioa lortu dute jokalariaren kontratua desegiteko. Gauzak horrela, Realak eta Hondarribiarrak adostasun batera helduz egin diote uko Joseba Llorenteri geratzen zitzaion urteari. 

Jagoba Arrasate izango da Realeko entrenatzaile berria

Txuri-urdinek Txapeldunen Liga jokatuko dute

Realak Deporren aurka irabazi (0-1) eta Valentziak galdu egin du Sevillan (4-3)

Txuri-urdinek ez du Deporren aurka hutsik egin eta Valentziak, berriz, Sevillaren aurka galdu egin du. Ondorioz, Realak Txapeldunen Liga jokatzeko txartela lortu du. Donostiarren garaipenaren ondorioz, Deportivo Bigarren Mailara jaitsi da. 

Lehen zatiaren hasieran ez da aukera eskorik egon, hala ere, lehen abagunea Deportivok zian du, baina Brunoren jaurtiketa kanpora joan da. Partidako gol bakarra 22. minutuan iritsi da. Agirretxek jokaldi on bat egin du Ze Castro lurrean utzita, usurbildarraren jaurtiketa Aranzubiak desbideratu du, baina Griezmann adi egon da baloia sare barrura bidaltzeko 0-1ekoa eginez.

www.telecinco.es

Realak gola egin ondoren asko zaildu zaio kontua Deportivori. Galiziarrek jaitsiera zuten jokoan, baina aukera argienak Montanierren mutilek izan dituzte. Atsedenaldia iritsi aurretik, Carlso Velak donostiarrentzat bigarrena egiteko aukera izan du, baina errematean huts egin du. Horrenbestez, atsedeladia 0-1eko markagailuarekin iritsi da. 

Bigarren zatian indartsu irten da Depor eta abagune argienak etxeko taldeak izan ditu. Oliveirak Bravoren atea arriskua sortu duen arren, ez du txiletarra gainditzea lortu. Ondoren Salomaoren jaurtiketari ere, bikain erantzun dio Realeko atezainak. 84. minutuan Markel Bergaren bigarren txartel horia ikusi du eta txuri-urdinak jokalari bat gutxiagorekin geratu dira. Deportivo gogor saiatu da norgehiagoka berdintzen, baina ez du lortu. Realak oso lan ona egin du defentsan. Partida donostiarren garaipenarekin amaitu da. Txanponaren bi aurpegiak, Deportivo Bigarren Mailara eta Reala Txapeldunen Ligara.

www.marca.com

Fitxa teknikoa:

Deportivo: Aranzubia; Manuel Pablo, Aythami (Nélson Oliveira, 56. min), Ze Castro, Sílvio; Abel Aguilar, Juan Dominguez; Bruno Gama (Salomao, 46. min), Valeron, Pizzi; eta Riki.

Reala: Bravo; Carlos Martinez, Íñigo Martinez, Mikel, De la Bella; Illarramendi ('Chory' Castro, 79. min), Bergara, Xabi Prieto (Ansotegi, 86. min); Vela (Zurutuza, 70. min), Agirretxe eta Griezmann.

Golak: 0-1, 22. min: Griezmann.

Txapeldunen liga jokoan

Txuri-urdinek Deporren aurka hiru puntuak lortzea eta Valentziak ez irabaztea behar dute

Deialdiak:

Deportivo; Aranzubia, Lux, Manuel Pablo, Laure, Silvio, Kaká, Aythami, Zé Castro, Assunçao, Jesús Vázquez Valerón, Juan Domínguez, Bruno Gama, Salomao, Camuñas, Abel Aguilar, Nelson Oliveira eta Riki

Reala: Bravo, Zubikarai, Carlos Martínez, Dani Estrada, Mikel, Iñigo, Ansotegi, Cadamuro, De la Bella, José  Ángel, Rubén Pardo, Markel, Illarra, Javi Ros, X. Prieto, Vela, Agirretxe, 'Chory' Castro, Vela, Griezmann eta Ifrán

Epailea: Fernández Forbalán

Realak azken minutuan berdindu du partida (3-3)

Realak laugarren postua jokatuko du Real Madrilen aurka

Txuri-urdinek ezinbesteko dute merengeen aurka irabaztea

Gaur arratsaldeko 20:00etatik aurrera jokatuko dute Realak eta Real Madrilek elkarren aurkako neurketa Anoetan. Txuri-urdinek laugarren postuan jarraitu nahi badute, ezinbestekoa dute andaluziako taldearen aurka irabaztea. Valentziak ere 20:00etan jokatuko du Granadaren aurka. 

Philippe Montanierrek eman duen zerrendan, Sevillako deialdiarekin alderatuta,  Zurutuza eta Jose Angel itzuli dira. Azkenean, astean zehar min hartuta egon ondoren, 'Chory' Castro ere deialdian sartu da.  Dani Estrada, berriz, kanpoan geratu da min hartuta dagoelako. Carlos Vela zigortuta dago.

www.que.es

Deialdiak:

Reala: Bravo, Zubikarai, Carlos Martínez, Mikel, Iñigo, Ansotegi, Cadamuro, De la Bella, José Ángel, Rubén Pardo, Markel, Illarra, Zurutuza, Javi Ros, X. Prieto, Agirretxe, 'Chory' Castro, Griezmann eta Ifrán

Real Madrid: Adán, Diego López, Jesús,Pepe, Carvalho, Marcelo, Arbeloa, Albiol, Nacho, Khedira, Kaká, Ízil, Essien, Modric, Callejón, Di María, Cristiano Ronaldo, Benzema, Higuaín eta Morata

Epailea: González González

Montanierrek ez du Realarekin kontratua berrituko

Philippe Montanierrek kontratua berritzeko eskaintza ez duela onartuko komunikatu dio Realari. Ondorioz, denboraldi honen amaieran, bere kontratua amaitzen denean, Realeko lehen taldeko entrenatzaile izateari utziko dio.

Pausu bat gehiago Txapeldunen Ligarantza (1-2)

Realak urrezko garaipena lortu du Sevillaren aurka

Txuri-urdinek Sanchez Pizjuan zelaian Sevillaren aurka 1-2 irabazi ondoren, datorren denboraldian Txapeldunen Ligan jokatzea ahalbidetzen duen laugarren postuan jarraitzen dute. Valentziak ez du Getaferen aurrean hutsik egin eta 0-1 irabazi du. Beraz, bi taldeak puntuetara berdinduta daude, baina averagea donostiarren aldekoa da. 

Partida bizi hasi da eta lehenengo gola 9. minutuan heldu da. Rakiticek Bravo ederki gainditu eta Sevilla markagailuan aurretik jartzea lortu du (1-0). Bigarren gola ere Kroaziarrak egin du, baina oraingoan atez erratu eta nahigabe Realarentzat egin du gola, markagailuan 1-1eko berdinketa ezarriz. 

Txuri-urdinek bigarrena egin nahi izan dute kosta ala kosta eta 24. minutuan Agirretxek 1-2koa egitea lortu du. Carlos Martinezen erdiraketa bat ederki aprobetxatu du usurbildarrak eta Betok ezin izan du baloia desbideratu. Ondoren, Rakitic beste gol bat egiteko zorian egon da, baina Claudio Bravok bikain gelditu du baloia. 33. minutuan, Agirretxek aukera argia izan du, baina Sevillako atezainak kornerrera bidali du. Atsedenaldia 1-2ko markagailuarekin iritsi da. 

Bigarren zatian, Montanierren mutilek dezente sufritu dute, batez ere estrategiazko jokaldietan. Negredo izan da gola sartzeko abagune gehien izan dituena. Hala ere, ez du Claudio Bravo gainditzea lortu. 60. minutuan Carlos Velak hirugarrena egiteko aukera paregabea izan du, baina Betok gelditu ikusgarria egin du. 

Minutu gutxira, 68. minutuan, Cala partida berdintzeko zorioan egon da, baina bere errematea langa gainetik kanpora joan da. Sevilla gogor saiatu da berdinketa lortzen eta defentsa txuri-urdinak lan eskerga izan dute partidaren amaieran. 83. minutuan Realaren aukerarik argiena iritsi da, Griezmann 1-3koa egiteko puntuan egon da, baina, berriz ere, Betok kornerrera bidali du baloia. Azkenean Realak lortu ditu hiru puntuak. 

Fitxa teknikoa:

Sevilla: Beto; Coke (Cicinho, 66. minutuan), Cala, Fernando Navarro, Alberto Moreno; Medel (Stevanovic, 88. minutuan), Rakitic, Kondogbia; Jesus Navas, Perotti (Baba, 66. minutuan); eta Negredo. 

Reala: Claudio Bravo; Carlos Martinez, Iñigo Martínez, Cadamuro, De la Bella; Illarramendi (Javi Ros, 88. minutuan), Bergara, Xabi Prieto; Griezmann (Chory Castro, 88. minutuan), Carlos Vela (Estrada, 79. minutuan) eta Agirretxe. 

Golak: 1-0, 10. minutuan: Rakitic. 1-1, 16. minutuan: Rakitic, bere atean. 1-2, 24. minutuan: Agirretxe.

Realak laugarren postua mantendu nahi du

Txapeldunen ligak txuri-urdinen esku jarraitzen du 

Gaur gaueko 22:00etatik aurrera jokatuko da Sánchez Pizjuan zelain Sevilla eta Realaren arteko partida. Txuri-urdinek laugarren postuan jarraitu nahi badute, ezinbestekoa dute andaluziako taldearen aurka irabaztea. Izan ere, Valentziak ez du hutsik egin Getafen aurka 0-1 irabazi ondoren. 

Javi Ros, Ansotegi eta Illarramendi deialdira itzuli dira. Mikel, aldiz, zerrandik kanpo geratu da zigortuta. Zurutuza eta José Ángel erabaki teknikoagatik geratu da kanpoan. Elustondok errekuperaketa prozesuarekin jarraitzen du. 

www.sevillafc.es

Deialdiak:

Sevilla: 

Reala: Bravo, Zubikarai, Carlos Martínez, Dani Estrada, Mikel, Iñigo, Ansotegi, Cadamuro, De la Bella, Rubén Pardo, Markel, Illarra, Javi Ros, X. Prieto, Vela, Agirretxe, 'Chory' Castro, Griezmann eta Ifrán

Epailea: Álvarez Izquierdo

Ihes egin dio garaipenak Realari (2-2)

Txuri-urdinek gehiegi barkatu ostean, Granadak azken minutuan sartu du berdinketaren gola

Realak eta Granadak 2-2ko berdinketa lortu dute Anoetan. Montanierren taldeak gehiegi barkatu du eta azken minutuan Reciok egindako golak puntu bakarrarekin utzi du Reala. Donostiarrek laugarren postuan jarraitzen dute oraindik, baina Valentziarekin puntuetara berdinduta. Izan ere, averagea Realaren aldekoa da. 

Partidaren hasieran ia ez da aukerarik egon. Izan ere, abaguneak ez dira estrategia jokaldietaraino etorri. 8. minutuan, Velak falta bat atera eta Agirretxek ez du area txikitik huts egin 1-0ekoa eginez. Usurbildarra jokoz kanpo zegoen arren, epaileak ez du ezer adierazi. Minutu gutxira, 14. minutuan, Granadak markagailuan berdinketa jartzea lortu du. Andaluziako taldea kontraerasoan atera eta El Arabik ez du barkatu. 

Berdinketarekin partidaren erritmoak behera egin du. Ondorioz, parekotasuna izan da nagusi eta abaguneak eskasak izan dira. Atsedenaldira partida berdinduta iritsiko zela ematen zuenean, lehen zatiko azken minutuan, Realak 2-1ekoa egin du. Velak jokaldi eder batean, area ertzetik erdiraketa bikaina egin eta agirretxek bularrarekin bidali du baloia sare barrura. Honenbestez, 2-1eko emaitzarekin iritsi da partida atsedenaldira. 

www.eitb.com

Bigarren zatian Montanierren taldea izan da nagusi. Lehen minutuetan aukera argiak izan dituzte, baina Agirretxeren eta Velaren erremateak zutoinera joan dira. Txuri-urdinek larregi barkatu dute eta Granada lur jota egon da. Hala ere, Andaluziako taldeak estrategia jokaldi bat ederki bideratu eta partida berdintzeko zorioan egon dira. Bravok erantzun bikaina eman dio erremateari. 

Donostiarrak gehiegi barkatzen ari zirela ikusita, Granada gora joan da berdinketa egiteko asmoz. Bravok lan handia egin behar izan du norgehiagokako azken minutuetan. Granadak aukera onak izan ditu, baina atezain txiletarra fin aritu da. Azken minutuetan kanpoko taldea izan da jaun eta jabe; hala ere, 89. minutuan, Estradak hirugarrena sartzeko aukera izan du, baina Roberto atezainak ederki erantzun du. Realak hiru puntuak eramango zituela ematen zuenean, azken jokaldian, defentsa txuri-urdinak huts egin eta Reciok sare barrura bidali du errematea 2-2ko berdinketa eginez. Horrenbestez, puntu banarekin geratu da talde bakoitza. 

Fitxa teknikoa:

Reala: Bravo; Carlos Martinez, Iñigo Martinez, Mikel, De la Bella (Cadamuro, 88. min); Bergara, Xabi Prieto, Griezmann; Castro (Ifran, 66. min), Agirretxe, Vela (Estrada, 80. min).

Granada: Roberto; Nyom, Mainz, Diakhate, Siqueira (Angulo, 46. min); Torje (Aranda, 57. min), Mikel Rico, Recio, Nolito; Brahimi; El-Arabi (Bounanotte, 73. min).

Golak: 1-0, 9. min: Agirretxe. 1-1, 15. min: El Arabi. 2-1, 44. min: Agirretxe. 2-2, 93. min: Recio.

Realak Granadaren aurka irabazi behar du laugarren postuari eusteko

Valentziaren garaipenaren ondorioz, txuri urdinek ezin dute hutsik egin

Gaur gaueko 22:00etatik aurrera jokatuko da Anoetan Reala eta Granadaren arteko partida. Txuri-urdinek Txapeldunen Liga jokatzea ahalbidetzen duen postuan jarraitu nahi badute, ezinbestekoa dute andaluziako taldearen aurka irabaztea. Izan ere, Valentziak 0-4 irabazi du Rayoren aurka. 

Xabi Prieto zerrendara itzuli da bere lesiotik sendatu ostean. Illarrak, Elustondok eta Ansotegik min hartuta jarraitzen dute. Javi Ros erabaki teknikoagatik geratu da zerrendatik kanpo.. 

www.deportesapalategui.com

Deialdiak:

Reala: Bravo, Zubikarai, Carlos Martínez, Dani Estrada, Mikel, Iñigo, Cadamuro, José Ángel, De la Bella,  Zurutuza, Rubén Pardo, Markel, X. Prieto, Vela, Agirretxe, 'Chory' Castro, Griezmann eta Ifrán

Granada: Toño, Roberto, Allan Nyom, Brayan Angulo, Pape Diakhaté, Diego Mainz, Guilherme Siqueira, Juanma Ortiz, Iñigo López. Mikel Rico, Recio, Iriney Santos, Lucena, Gabriel Torje, Nolito, Yacine Brahimi, Diego Buonanotte, El-Arabi eta Aranda

 

Epailea: Estrada Fernández

Realak 117 egun eta gero berriro galdu du (2-1)

Txuri-urdinek, Getaferen aurka galdu ondoren, amaiera eman diote bolada onari 

Realak 2-1 galdu du Getaren aurka Alfonso Perez Coliseum zelaian. Honenbestez, Montanierren gizonek amaiera eman diote bolada onari 117 partida galdu gabe igaro ondoren. Txuri-urdinek laugarren postuan jarraitzen dute, baina Valentziarekiko zuten bost puntuko aldea bira murriztu da. 

Partida oso erritmo biziarearekin hasi da, bi taldeak golan bila irten dira lehen minututik. Lehengo aukerarekin batera, lehengo gola iritsi da. Izan ere, laugarren minutuan, Carlos Velak ongi errematatu du Zurutuzak hegaletik egindako erdiraketa bikaina, horrela 0-1ekoa eginez. 

Gola sartu eta ondorengo minutuetan Reala izan da nagusi, donostiarrek izan dute baloia. Baina Moyaren atera ez zirela apenas iristen ikusita, Madrilgo taldea zelaian gero eta erosoago sentitzen hasi da. Horrela, neurketako 18. minutuan Markel Bergarak huts egin du area ertzean pase bat ematerakoan eta Pedro Leonek ederki aprobetxatu eta ez du Claudio Bravoren aurrean hutsik egin (1-1). 

Golak guztiz irekita utzi du partida eta bi taldeak joan dira bigarrena egiteko abaguneen bila. 30. minutuan Lafitak aukera argia izan du, baina baloia kanpora joan da. Hiru minutu geroago, Moyak ederki erantzun du Carlos Velaren errematearen aurrean. Atsedenaldia iristear zela, 38. minuruan, Barradak Bravoren desbideraketa oker bat baliatu du Getafe markagailuan aurretik jartzeko (2-1). Atsedenaldia 1-2ko markagailuarekin iritsi da. 

Bigarren zatiaren hasieran, donostiarrak berdinketaren golaren bila irten dira, baina Getafek ederki eutsi dio. Partidaren azken ordu laurdenera arte ez da ia abagunerik egon. 77. minutuan 'Chory' Castrok erdiraketa bikaina egin du, baina Agirretxe eta Vela ez dira iritsi. Hortik sei minutuara, Carlos Martinezek aukera bikaina izan du, baina errematea kanpora joan zaio. Realaren azken aukera Griezmannek izan du 84. minutuan, baina baloia langa gainetik kanpora bidali du. Azken minutuetan Getafek hirugarrena egiteko aukerak izan ditu, baina partida 1-2ko emaitzarekin amaitu da. 

Fitxa teknikoa:

Getafe: Moya; Valera, Rafa (Lopo, 82. min), Fede, Mane; Lacen, Borja (Xavi Torres, 76. min); Pedro Leon, Barrada (Sarabia, 71. min) Diego Castro eta Lafita.

Reala: Bravo; Carlos Martinez (Estrada, 82. min), Mikel Gonzalez, Iñigo Martinez, De la Bella; Bergara, Ruben Pardo (Chory Castro, 67. min); Vela, Zurutuza (Ifran, 76. min) Griezmann; eta Agirretxe.

Golak: 0-1, 4. min: Vela; 1-1, 18. min: Pedro Leon; 2-1, 39. min: Barrada.

Talde txuri-urdinak Valentziarengandik urrun mantendu nahi du

Getaferen aurka garaipena behar du Realak distantzia mantentzeko

Bihar 22:00etatik jokatuko da Getafe eta Realaren arteko partida Coliseum futbol zelaian. Txuri-urdinek Valentziarekiko duten distantzia mantendu nahi badute ezinbestekoa izango dute irabaztea. Getafek, aldiz, ez du datorren denboraldian Europan jokatzeko aukera baztertu nahi.

Joan den jardunaldiarekin alderatuta, Griezmann, José Ángel eta Javi Ros deialdian sartu dira. Elustondo, Xabi Prieto eta Illarra, aldiz, min hartuta daude eta zerrendatik kanpo geratu dira. 

www.eitb.com

Deialdiak:

Getafe:

Reala: Bravo, Zubikarai, Carlos Martínez, Dani Estrada, Mikel, Ansotegi, Iñigo, Cadamuro, José Ángel, De la Bella,  Zurutuza, Rubén Pardo, Markel, Javi Ros, Vela, Agirretxe, 'Chory' Castro, Griezmann eta Ifrán

Epailea: Undiano Mallenco

Reala gertuago dago Txapeldunen Liga jokatzeko ametsetik

Txuri-urdinek 4-2 irabazi dute Valentziaren aurka

Realak garaipen garrantzitsua lortu du Anoetan Valentziaren aurka 4-2 irabazita. Ondorioz, txuri-urdinak Txapeldunen Ligan jokatzeko ametsetik gertuago daude. Izan ere, donostiarrek bost puntuko alde lortu dute Valentziarekiko eta Malagarekiko. 

Neurketaren hasiera indartsua izan da, biek nahi zuten garaipena kosta ala kosta. Txuri-urdinen lehen aukera bigarren minutuan izan da, baina Velaren jaurtiketa gutxigatik kanpora joan da. Jarraian Valentziak lehen aukera izan du, baina Claudio Bravok bikain erantzun dio Mathieuren jaurtiketari. Lehen gola 25. minutuan iritsi da, Cissokhok erdiraketa ona atera eta soldadok ez du Bravoren aurrean hutsik egin, horrela, talde valentziarra aurretik jarri da.

Juaris25

Valentziak gola sartu eta minutu gutxira, 29. minutuan, Bravok area kanpoan baloia eskuaz jo du, baina epaileak ez du ezer adierazi. Gutxinaka, Montanierren taldea suspertuz joan da eta 35. minutuan Iñigo Martinezek norgehiagoka berdintzea lortu du. Kornerretik zetorren erdiraketa bat boleaz sarera bidalita 1-1ekoa egin du. Lehen zatiaren amaiera 1-1eko berdinketarekin iritsi da. 

Bigarren zatiaren hasieran, Valverderen taldea izan da baloiaren jabe, baina Reala sendo aritu da defentsan eta kontraerasoan min egitea bilatu du. Valentzia ondoen ari zenean, iritsi da txuri-urdinen bigarren gola, kontraerasoan 'Chory' Castrok 2-1ekoa egin du. 

Golaren ondoren, Valentziak gogor jo du erasora, baina Realak ez du defentsan hutsik egin. Donostiarrak kontraeraso bidez arriskuz iritsi dira zenbaitetan Diego Alvesen atera. Horrela, 88. minutuan, Agirretxek 3-1ekoa egin du Xabi Prietoren erdiraketa on bat baliatuz. Golaren ondoren, Valentziak ez du etsi eta bi minutu geroago, 90. minutuan, Jonasek 3-2koa sartu du.

Juaris25

Luzapenean, Valentzia berdinketaren bila joan da lerro guztiak aurreratuz. Baina Realak beste kontraeraso bat baliatu du partidari amaiera bikaina emateko, Agirretxek gol eder bat sartu du 4-ekoa eginez. Honenbestez, txuri-urdinek lauagrren postuari eutsi diote.

Fitxa teknikoa:

Reala: Bravo; Carlos Martínez, Iñigo Martinez, Mikel, De la Bella; Illarramendi (Pardo, 87. min), Bergara, Xabi Prieto (Ansotegi, 88. min); Chory Castro (Zurutuza, 76. min), Vela eta Agirretxe.

Valentzia: Diego Alves; Joao, Ricardo Costa, Mathieu, Cissokho (Valdez, 79. min); Albelda (Guardado, 75. min), Ever Banega, Feghouli (Piatti, 72. min), Dani Parejo; Jonas, Soldado.

Golak: 0-1, 25. min: Soldado. 1-1: Iñigo Martinez. 2-1, 73. min: Chory Castro. 3-1, 86. min: Agirretxe. 3-2, 90. min: Jonas. 90+4. min: Agirretxe.

Realak Valentzia atzean utzi nahi du

Txuri-urdinek laugarren postua mantentzea bilatuko dute Anoetan

Bihar jokatuko dute Anoetan elkarren aurkako partida Realak eta Valentziak gaueko 21:00etatik aurrera. Txuri-urdinek Txapeldunen Ligan jokatzeko arerio zuzena atzean utzi nahi dute, laugarren postua mantenduz.

Illarra, zigorra beteta eta Zurutuza eta Elustondo, lesioetatik sendatuta, deialdian sartu dira. Elustondo, min hartuta dagoelako, eta Griezmann, zigortuta dagoelako, ere Montanierrek emandako zerrendatik at geratu dira. Jose Angel eta Javi Ros erabaki teknikoagatik geratu dira kanpoan. 

www.rtve.es

Deialdiak:

Reala: Bravo, Zubikarai, Carlos Martínez, Dani Estrada, Mikel, Ansotegi, Iñigo, Cadamuro, De la Bella,  Zurutuza, Rubén Pardo, Markel, Illarra, X. Prieto, Vela, Agirretxe, 'Chory' Castro eta Ifrán

Valentzia: 

Epailea: Fernández Borbalán

Zapore gazi-gozodun berdinketa Iruñan (0-0)

Golik gabeko derbia jokatu da El Sadarren

Osasuna eta Realaren arteko derbiak zapore gazi-gozoa utzi du golik gabe berdindu ostean. Partida parekatua egon da baina inor ez da baloia sarera bialtzeko gai izan. Txuri-urdinak puntu bakarra lortu ondoren, datorren igandeko Valentziaren aurkako partidan, laugarren postua jokatuko dute. Osasuna, berriz, puntu bakarra lortuta, jeitsiera postuetara gerturatu da. 

Juaris25

Partida parekatuta izan da, talde gorritxoa baloiaren jabe izan da eta Montanierren gizonek kontraerasoetan sortu dute arriskua. Lehen aukera Armenterosek izan du, falta bikain bat aterata, baina jaurtiketa kanpora joan da.  24. minutuan, txuri-urdinak gola egitetik gertu egon dira, baina Agirretxeren erremateak zutoienean jo du, ondoren Xabi Prietok aldaratzea jaso eta Andres Fernadezek gelditu du. Atsedenaldiaren ordua heldu da, ia gol aukerarik sortu gabe. 

Juaris25

Bigarren zatian hasi bezain laster jokaldi polemiko bat izan da. Donostiarrek penaltia eskatu dute Flañok area barruan Iñigo Martinezi falta eginda, baina Mateu Lahozek ez du adierazi. Ondoren, Osasunak erasora jo du, baina Reala bikain aritu da defentsa lanetan. Bi taldeek aukera gutxi batzuk izan dituzte, baina inork ez du asmatu. Donostiarrak, Andres Fernandezen atera heldu dira Xabi Prieto eta Ifranen bidez, baina ez dute zorterik izan. Mendilibarren taldeak ere lehenengoa egiteko aukera izan du Gato Silvaren bitartez. Azkenean golik gabe amaitu da partida. 

Fitxa teknikoa:

Osasuna: Andres Fernandez; Oier, Arribas, Miguel Flaño, Nano; Raoul Loe, Silva (Puñal, 79. min); Cejudo (Masoud, 90. min), Armenteros, De las Cuevas (Nino, 74. min); eta Kike Sola.

Reala: Bravo; Carlos Martinez, Mikel, Iñigo Martinez, Cadamuro; Markel Bergara, Elustondo (Chory Castro, 68. min), Xabi Prieto; Vela (Ifran, 82. min), Agirretxe eta Griezmann.