Realak porrot egin du Sienan (0-1)

Talde txuri-urdinak nekea sumatu du aurredenboraldiko azken partidan

Realak ezin izan dio Parmako stage-ari garaipen batekin agur esan. Sienak bat 1-0 irabazi baitu Calaiok 51. minutuan sartutako golari esker. Nekea eta partiden arteko hurbiltasuna antzeman dituzte gaur Montanierren gizonek. 

Talde txuri-urdina erritmoa galduz joan da partidan zehar. Reala gogotsu eta ondo hasi da, baina bigarren zatiaren hasieran, gola jaso dutenean, ezin izan dio partidari buelta eman. 

Honenbestez, Realak agur esango dio Italiako kontzentrazioari. Taldea bihar bueltatuko da etxera eta astearte arratsaldean berriro ekingo dio lanari.

www.mundodeportivo.com

Fitxa teknikoa:

AC Siena: Pegolo, Neto, Della Fiore, Paci, Mannini, Vergassola, D'Agostino, Valiani, Del Grosso, Rosina, Calaio. También han jugado Verre, Giannetti, Bogdani, Rubin, Sestu. 

Reala: Bravo, Dani Estrada (Carlos Martínez, min. 46), Ansotegi, Mikel, José Angel (Sarpong, min. 77), Elustondo, Markel (Zurutuza, min. 46), Illarra, Ros (De la Bella, in. 46), Agirretxe (Ifrán, min. 62), Chory Castro. 

Gola: 1-0, min. 51: Calaio.

Epailea: Doveri.

Realak aise irabazi du Varaseren aurka (2-4)

Griezmannek erakustaldia eman du Franco Ossola futbol zelaian

Realak merezitako garaipena lortu du gaur. Talde txuri-urdinak itxura asko hoebtu du eta lehen zatian partida erabakita utzi du 0-3ko markagailuarekin. Griezmannek egin ditu bi lehenak eta Agirretxek hirugarrena, honetan ere frantziarraren lana azpimarratuz. 

Bigarren zatian Montanierren taldeari gehiago kostatu zaio, aldaketa asko izan direla eta. Horrela, 52. minutuan etxeko taldeak lehen gola egin du. Ondoren, Zurutuzak ondo erantzun eta donostiarrentzat hirugarren gola egin du. Vareseren bigarren golak ez du emaitzan eraginik izan. 2-4ko markagailuarekin iritsi da partidaren amaiera.

Fitxa teknikoa:

AS Varese: Bressan, Pucino, Carrieri, Corti, Martinetti, Gomes, Tarmo, Grillo, Nadarevic, Zecchin y Troest. También han jugado Milan, Damonte, Momenté, Fiamozzi, Tripolo, Lazaar, Wagner, Miracoli. 

Real Sociedad: Royo, Estrada (Carlos Martínez, min. 46), Mikel (Ansotegi, min. 46), Cadamuro, De la Bella (José Ángel, min. 46), Markel (Ros, min. 46), Zurutuza (Elustondo, min. 71), Pardo (Illarra, min. 71), Griezmann (Sarpon g, min. 46), Agirretxe (Vela, min. 46) e Ifrán (Chory Castro, min. 62). 

Golak: 0-1, min.6: Griezmann. 0-2, min.28: Griezmann. 0-3, min.34: Agirretxe. 1-3, min.52: Momenté. 1-4, min.65: Zurutuza. 2-4, min.77: Momenté, de penalti. 

Epailea: Ostinelli. 

Realak Parmaren aurka galdu du (2-0)

Talde txuri-urdinak lau garaipen, berdinketa bat eta bi porrot daramatza aurredenboraldian

Realak ezin izan du Parma garaitu Ennio Tardini Futbol Zelaian (2-0). Lehen gola Lucarelli atzelariak egin du 33. minutuan, korner bat aprobetxatuz. Bigarrena 90. minutua pasata iritsi da, goleatzailea Morrone izanik. Montanierren mutilek ez diote erritmo handirik jarri partidari eta horri punteria falta ere batu zaio.

Hasieran bi taldeak parekatuta egon dira eta biek izan dituzte gol aukerak. Hala ere, Realak gola jaso duenean partida erritmo faltan zegoen. Ondoren taldeak erreakzionatu eta Vela, Agirretxek, José Ángelek, Griezmannek eta Ifránek aukerak sortu dituzte. Hortik aurrera Parma falta arriskutsuak egiten hasi da eta erritmoa berriz ere jeitsi egin da. Morrone aurrelariaren golaren aurretik, esan daiteke Ifrani penaltia egin diotela. Horrenbestez, 2-0ko markagailuarekin iritsi da norgehiagokaren amaiera. 

www.mundodeportivo.com

Fitxa teknikoa:
Parma FC: Mirante; Zaccardo, Paleta, Lucarelli; Biabiany, Ninis, Valdés, Parolo, Gobbi; Pabon y Amauri. También han jugado Rosi, Fideleff, Acquah, Belfodil, Pelle, Modesto, Morrone.

Real Sociedad: Bravo, Estrada, Ansotegi, Iñigo (Mikel, min. 52), De la Bella; Elustondo (Pardo, min. 70), Markel, Illarra, Vela (Prieto, min. 46 (José Angel, min. 78)), Agirretxe (Ifrán, min. 70) y Griezmann (Sarpong, min 83). 

Golak: 1-0, min. 33, Lucarelli. 2-0, min. 90: Morrone. 

Epailea: De Marco.

Ifranek garaipena eman dio Realari Modenan (0-1)

Aurredenboraldiko sentsazio onek aurrera darraite

Montanierren mutilek merezitako garaipena lortu dute Modena taldearen etxean (0-1). Italiako stageko lehen partida jokatu du Realak Alberto Braglia futbol zelaian. Diego Ifranek, 83. minutuan egin du talde txuri-urdinaren eta partidako gol bakarra.

Hasieran erritmo pixka bat falta izan zaio Realari, baina bigarren zatian aukera gehiago sortu ditu. Lehen zatian neurketa parekatuta egon da, baina atsedenaldia eta gero donostiarrak jaun eta jabe izan dira. Horrela, azkenean uruguayarraren gola heldu da. Aurredenboraldi honetako sentsazio onak areagotuz doaz.

www.mundodeportivo.com

Fitxa teknikoa:

Módena FC: Colombi, Gozzi, Andelkovic, Perna, Carini, Nardini, Della Bona, Signori, William, Ardemagni, Greco. También han jugado Manfredini, Belfasti, Spezzani, Stanco, Rizvani, Fantini, Cilloni, Minarini. 

Reala: Bravo, Ros, Mikel, Cadamuro, José Angel (De la Bella, min.71), Elustondo (Illarra, min.46), Pardo (Markel, min.59), Zurutuza (Griezmann, min.59), Xabi Prieto (Sarpong,min.59), Vela (Agirretxe,min.59), Chory Castro (Ifrán, min.59). 

Gola: 0-1, min. 83: Ifrán.

Hasi da stage-a Parman

Reala jada Italiako Parmara heldu da eta datorren astebururarte izango da han. Philippe Montanier entrenatzaile frantziarrak lehen taldeko jokalari guztiak eraman ditu, fitxatu berria den Jose Angel barne. Horietaz gain, Sanseko Enrique Royo atezaina ere bertara eraman du frantziarrak. Lehen taldearekin aritu ohi den Iker Hernándezek, aldiz, Sanserekin jarraituko du aurredenboraldia. Beraz, zerrenda osoa honakoa da:

Atezainak: Bravo, Zubikarai, Royo.

Atzelariak: Carlos Martinez, Dani Estrada, Mikel, Ansotegi, Iñigo Martinez, Cadamuro, De la Bella, Jose Ángel.

Erdilariak: Xabi Prieto, Sarpong, Markel, Elustondo, Zurutuza, Illarra, Pardo, Ros, Chory Castro.

Aurrelariak: Ifran, Agirretxe, Vela, Griezmann.

Jose Angelek Realean jokatuko du AS Romak utzita

Jokalari asturiarra ezker hegalerako errefortsua izango da 2012-13 denboraldian. Honela, udako hirugarren fitxaje bihurtu da 'Chory' Castro eta Carlos Velaren ondoren. Atzelaria Calcioko Roma talde historikoak utzita iritsiko da. 

Jose Angel Valdes Gijonen jaio zen 1989ko irailaren 5ean; 1,82ko altuera du eta 77kg pisatzen ditu. Benjaminetan Gijongo Sportinen harrobian sartu zen eta ez zitzaion asko kostatu nabarmentzea, espainiko selekzioarekin sarri joanez. Bere mailak Europako talde handienen interesa piztu zuen, Roma besteak beste, eta duela urtebete fitxatu zuen.

Beste meritu batzuk ere izan ditu asturiarrak, 2010ean Fubol Draft saria jaso zuen laterar ezker bezala era zilarrezkoa aurreko urtean. 2011ko maiatzean 21-beko Europako txapeldun izan zen Espainiako selekzioarekin.

Talde txuri-urdinak isiltasunean eraman ditu negoziaketak azken asteetan eta atzo amaitu ziren. Behin Jose Angelek azterketa medikua pasatuta, akordioa itxi da. Ez du orain bere hiri berria ezagutzeko astirik izango, Italian hasiko baitu bere abentura Realarekin,

Reala astelehen honetan, arratsaldeko lauretan itzuliko da lanera

Realeko lehen taldearentzat amaitu dira oporrak. Astelenehean, arratsaldeko 16:00etan daude deituta jokalari txuri-urdinak. Claudio Bravok, Antoine Griezmannek eta Vadim Demidovek aste bat beranduago hasiko dute aurredenboraldia, uztailaren 9an.

Denboraldi honetan Rubén Pardo, Javi Ros eta "Chory" Castro jokalariak Philippe Montanierren aginduetara egongo dira astelehenean. Baita Iker Hernández ere, momentuz lehen taldearekin aurredenboraldia egingo duen bakrra. Hala ere, posible da aurredenboraldian zehar Sanseko jokalari batzuk lehen taldeko entrenamenduetan parte hartzea. 

Honetaz gain, atzo Lorenzo Juarros kirol zuzendariak esan bezala, abuztuaren 3tik 12ra kontzentrazioa egingo du lehen taldeak Italian. Zehaztu gabe zegoen "stage" horretako laugarren laguanrtekoa Sienaren aurka izango da.

Bederatzi lagunarteko eta Italian kontzentrazioa

Realeko lehen taldea uztailaren 2an itzuliko da lanera eta Zubietako instalazioetan arituko da hilabete horretan. Denpora horretan zehar Montanierren mutilek bost lagunarteko partida jokatuko dituzte, hiru Gipuzkoan eta bi Iparraldean. 

Lehiakideetako bat eta partiden ordutegiak falta arren hau da bost partiden egutegia:

• 2012/07/13: Reala-Eglantins. Hendaian, talde honen mendeurrena delako.
• 2012/07/18: Reala-Eibar. Azpeitin, Mikel Aranburi omenaldia.
• 2012/07/21: Reala- ?. Baionan, Seaskaren alde.
• 2012/07/28: Reala-Girondins. Galen, Sportmundi torneoa.
• 2012/07/31: Reala-Zaragoza. Bergaran.

Honen ondoren, aurredenboraldiko bigarren fasea etorriko da. Abuztuaren 2tik 12ra kontzentrazio bat buruko dute Italiako iparraldean, Garda lakuaren inguruan. Hurrengo egunetan erabakiko da zein izango den txuri-urdinen lantokia Italiako "stage"-an. Kontzentrazio honetan zehar lau partida jokatuko dira, Modena, Parma, Varese eta Chievo Verona aurkari izanda. Oraingoz, datak eta lekuak zehazten dabiltza.

"Stage"-aren ondoren, Reala Zubeitara itzuliko da, haster izango den 2012-13 denboraldiari prestatzen jarraitzeko.