Zurutuzak 2017ra arte luzatu du kontratua

Realak eta David Zurutuzak akordioa itxi dute erdilariaren kontratua 2017ra arte luzatzeko. Orain arte izan duen kontratua 2013ko ekainaren 30ean bukatzen zen. Gaur eguerdian sinatu du Jokin Aperribay presidentearekin eta Loren Juarros kirol zuzendariakerekin batera.

Reala jaitsiera postuetatik aldendu da

Sevillak ez du bere partidarik honena jokatu Michelen debutean. Realak 2-0 irabazi dio talde andaluziarri goleatzaileak Carlos Vela eta Rubén Pardo izanik. Montainerren mutilak Europa Leaguetik eta jeitsieratik lau puntutara eta Championsetik bost puntutara daude.

Realak garaipen garrantzitsua lortu du Anoetan Sevillaren aurka. Hiru puntu horiei esker, txuri-urdinak Europa League eta jeitsieratik lau puntutara geratu dira eta Championsetik bostera.

Michelek Sevillako entrenatzaile bezala egin du debuta Donostian. Zelairatu duen hamaikakoan ezuste nagusia Palop izan da, Javi Varas gripe bat dela eta aulkian utzita. Montaneirrek, aldiz, Griezmann aulkian utzi du eta hasieratik sartu da Rubén Pardo.

Lehen zatian Realak eta Sevillak ez dute maila onik erakutsi eta arriskua sortzeko zailtasunak izan dituzte. Lehen aukera 12. minutuan iritsi da eta Realarena izan da. Pardok pase bikaina eman dio Velari, baina aurrelari txuri-urdinaren errematea langara joan da.

Sevillaren erantzuna ez da 32. minutura arte etorri, Negredok buruz baloia langara bidali duenean. Lehen zatia amaitu orduko Realak beste gol aukera on bat izan du, Carlos Martinezek hegaletik erdiraketa bikaina jarri du, Vela errematatzera iritzi da, baina Palopek bikain gelditu du. Golik gabe iritsi da partida atsedenaldira.

Bigarren zatian erritmoa bizitu da eta joan etorriko futbola sortu dute bi taldeek. Horrela, Realak lehengoa egin du 65. minutuan. Carlos Velak baloia area barruan hartu eta erremate paregabe baten ondorioz 1-0koa jarri du markagailuan. Gol honek

poza eraman du harmailetara eta hiru minutu geroago, 68. minutuan, Pardok sartu duen golak are gehiago poztu ditu zale txuri-urdinak. Errioxako jokalari gazteak area kanpotik jaurtiketa bortitz baten ondorioz jarri du 2-0koa. Hau izan da Realarekin sartu duen lehen gola.

Oso minduta geratu da Michelen taldea bigarren golaren ondorioz eta ez du erreakzionatu. Arean baloiak loratuz aldea murrizten saiatu da talde andaluziarra, baina Montaneirren mutilak defentsan fin agertu dira. 2-0koarekin adierazi du amaiera Iglesias Villanueva epaileak.

Fitxa teknikoa:

Sevilla: Palop; Cala, Fernando Navarro, Fazio, Coke; Trochowski, Campaña (Rakitic, min. 71), Manu del Moral (Kanouté, min. 71), Navas, Reyes (Luna, min. 79); Negredo.

Reala: Bravo; Carlos Martinez, Iñigo Martinez, Mikel Gonzalez, Cadamuro; Pardo (Demidov, min. 76), Aranburu, Markel, Carlos Vela (Llorente, min. 89), Xabi Prieto; Agirretxe (Griezmann, min. 73).

Golak: 1-0, min. 65: Carlos Vela. 2-0, min. 68. Pardo.

Epailea: Iglesias Villanueva.

Realak Michelen debuta zapuztu nahi du

Azkenean Diego Ifran eta Antoine Griezmann deialdian sartu dira, Camp Nou zelaitik minduta itzuli ondoren. Realak Sevilla hartuko du Anoetan gaueko bederatzietan.

Jose Miguel Gonzalez 'Michel' Sevillako entrenatzaile berriaren debuta zapuzteko asmoz zelairatuko da talde txuri-urdina. Reala puntu beharrean dago eta Sevillak irabazteko premia du zazpi jaurdinalditan garaipena zer den jakin gabe egon ondoren.

www.ultimahora.es

Nahiz eta azken aldian emaitza onak pilatu sailkapen postuetatik oso gertu daude txuri-urdinak. Talde andaluziarra boladatza txarra agurtu nahian helduko da Anoetara.

Reala eta Sevillaren arteko norgehiagoka jokatzeko Diego Ifran eta Antoine Griezmann deialdian sartu ditu Montaneirrek azkenean. Biak azken ordura arte zalantza izan dira Camp Nou zelaian min hartu zutelako. Itxura denez, frantziarra hasierako hamaikakoan egongo da.

Gorka Elustondo erdilariak ere hamaikakora itzultzeko aukera izango du, itxura ona agertu zuen jokatutako azken partidetan lesionatu zen arte. Sevillak Anoetan jokatu dituen azken hiru partidak irabazi ditu.

http://corazontxuriurdin.blogspot.com/

Deialdiak:

Reala: Bravo, Zubikarai, Carlos Martínez, Dani Estrada, Demidov, Mikel González, Cadamuro, Iñigo Martínez, Xabi Prieto, Markel, Elustondo, Aranburu, Pardo, Griezmann. Agirretxe,Vela, Ifrán, Llorente

Sevilla: Palop, Javi Varas, Coke, Cala, Fazio, Luna, Fernando Navarro, Alexis, Guarente, Trochowski, Manu del Moral, Rakitic, Campaña, Jesús Navas, Kanouté, Baba, Reyes y Álvaro Negredo

Epailea: Iglesias Villanueva (Galiziako Batzordea).

Saririk gabeko esfortsua

2-1ekoa geratu da markagailuan Tello, Messi eta Carlos Velaren golen ondorioz. Valdes eta Bravo atezainak protagonista izan dira zenbait gol aukeratan.

Punturik gabe geratu da Reala Camp Nou futbol zelaian. Ia partidu osoan zehar gol bateko aldea egon da markagailuan eta txuri-urdinek berdintzeko aukerak izan dituzte zale blaugranak urduri jarriz.

Bederatzigarren minutuan egin du Tellok lehengoa eta partidua zaildu zaio Realari. Lehen zatian Bartzelona izan da nagusi, eta nahiz eta gol aukerak sortu 1-0koarekin joan dira aldageletara Bravoren lan onaren ondorioz.

www.eitb.com

Bigarren zatiaren hasieran Griezmannek abisua eman dio Guardiolaren taldeari, frantziarra bakrrik geratu da Valdesen aurrean, baina atezainak gola eragotsi du. Baloi jabetza Bartzelonarena izan arren, Reala bere aukeraren zain egon da. 72. minutuan Messik 2-0ekoa jarri du.

Pozak ez die asko iraun blaugranei, 74. minutuan aldea murriztu du Carlos Velak 2-1eko gola sartuta. Azken minutuetan Reala berdinketa lortzen saiatu da, baian 2-1ekoarekin amaitu da norgehiagoka.

Fitxa teknikoa:

Bartzelona: Valdes; Alves, Puyol (Abidal, m.76), Mascherano, Adriano; Dos Santos (Busquets, m.76 (Pique, m.82), Thiago, Cesc; Tello, Messi eta Cuenca.

Reala: Bravo; Carlos Martinez, Mikel Gonzalez, Iñigo Martínez, Cadamuro; Aranburu, Markel, Ruben Pardo (Llorente, m.78); Xabi Prieto (Agirretxe, m.83), Griezmann; eta Ifran (Vela, m.58).

Golak: 1-0. m.9: Tello. 2-0, m.72: Messi. 2-1, m.74: Vela.

Epailea: Clos Gomez.

Mariga jada ez da Realeko jokalaria

Reala eta Inter de Milán akordio batera heldu dira, Mariga talde txuri-urdinarekin lotzen duen kontratua bertan behera uzteko. Erdilari keniarra Italiara itzuliko da.

www.afrikansoccer.com

Gol festa Anoetan

Oso ondo hasi dute norgehiagoka txuri-urdinek, aurreneko hiru minutuetan Zurutuzak bi gol sartu ditu. Realaren kalitateak 5-1eko markagailua jartzea lortu du.

Realak Sporting jipoitu du Anoetan. Horrela, Manolo Preciado entrenatzailea egoera larrian utzi dute, eta bide batez, arnasa hartu dute sailkapenean.

Realak bikain hasi du neurketa eta bi jokaldi onen bidez jarraian sartu ditu lehen bi golak Zurutuzak. Realeko erdilaria protagonista izan da partidako lehen m

inutuetan, izan ere bi golak sartu ondoren lesionatu egin da. Gregory Sportingeko defensaren eta Zurutuzaren buruek elkar jo dute airean eta bi jokalariek lesionaturik berdegunea utzi behar izan dute.

www.eitb.com

Jokaldi horren ondore neurketak erritmoa galdu du eta Realaren baloi-jabetza jeitsiz joan da, baina Sportingek ez du arriskurik sortu.

Bigarren zatia ere bizi hasi da, lehen minutuan De las Cuevas Sportingeko jokalariak 2-1ekoa jarri du markagailuan. Golaren ondoren beraien jokoa bizitu dute asturiarrek, baina ez dituzte aukerak aprobetxatu.

Griezmannek 76. minutuan jarritako kornerrean Elustondok hirugarrena sartu du. Sportingek kolpe latza hartu du eta luzapenean Aranburuk eta Griezmannek 5-1ean uzti dute markagailua.

www.eitb.com

Fitxa teknikoa:

Reala: Bravo; Carlos Martinez, Mikel Gonzalez, Iñigo Martinez, Estrada; Elustondo, Aranburu, Zurutuza (Markel Bergara, 8. minutua), Vela (Xabi Prieto, 80. minutua), Griezmann; Agirretxe (Ifran, 61. minutua).

Sporting: Juan Pablo; Canella, Galvez, Gregory (Botia, 13. minutua), Damian; Rivera, Nacho Cases (Muñiz, 46. minutua), De las Cuevas, Trejo, Carmelo (Sergio Alvarez, 78. minutua); Bilic.

Golak: 1-0, 1. minutua: Zurutuza. 2-0, 2. minutua: Zurutuza. 2-1, 46. minutua: De las Cuevas. 3-1, 75. minutua: Elustondo. 4-1, 90. minutua: Aranburu. 5-1, 90+3. minutua: Griezmann.

Agur bolada onari

Txuri-gorriek partida hasi bezain laster lortu dute 0-1ekoa eta partida osoan zehar nagusi izan dira Simeoneren mutilak. Realak ez du gol aukera argirik sortzeko betarik izan.

Txuri-urdinek porrot mingarria jaso dute etxean Atletico Madrilen aurka 0-4 galduta. Penalti bati esker Falcaok lehenengoa egin du 2. minutuan eta erabat zaildu zaio partida Montaneirren taldeari. Bigarren zatian ere Realak ez du gol aukerarik sortu eta txuri-gorrientzat erraza izan da partida irabaztea.

Partida ez da batere ondo hasi Realarentzat, lehengo minutuetan Muñiz Fernández epaileak penaltia adierazi du txuri-urdinen aurka. Demidovek besoarekin ikutu du baloia area barruan eta Falcaok 11 metrotatik 0-1ekoa jarri du.

Lehenengo minutuetan Reala ez da oso eroso sentitu eta Atletico Madrilek izan du baloiaren jabetza. Minutuak aurrera joan ahala, Montaneirren mutilak txuri-gorrien atera hurbilduz joan dira. Abagune nabarmenenak Carlos Velak eta Agirretxek izan dituzte; hala ere, ez dute gol aukera argirik sortu. Norgehiagokako aukerarik argiena Griezmannek izan du 29. minutuan, baina edertki geratu du baloia Courtois atezainak.

www.eitb.com

Simeoneren mutilak kontraerasoan gogor aritu dira, baian Claudio Bravo atezain txuri-urdinak ez du aparteko arazorik izan. Aldageletara markagailuan 0-1 jartzen zuelarik joan dira.

Bigarren zatiko aurreneko minutuetan 0-2koa jarri du Adrianek. Atletico Madrilek taldeko jokaldi aparta egin du eskuineko hegaletik eta aurrelariak baloia sarera bidali du. Realak bigarren zatian izan duen aukerarik argiena Elustondok falta bat jaurti duenean izan da, baina baloia zuzenean kanpora joan da.

Partidako 81. minutan Falcaok gol bikaina sartu du Claudio Bravo gainetik gaindituz eta 0-3koa jarri du markagailuan. Txuri-urdinak erabat etsituta geratu dira eta partidako azken gola, 0-4koa, Falcaok egin du.

Fitxa teknikoa:

Reala: Bravo; Estrada (Diego Ifran, 73. minutuan), Demidov, Mikel Gonzalez, Cadamuro (Xabi Prieto, 59. minutuan); Elustondo, Aranburu, Zurutuza, Griezmann, Vela; Agirretxe (Llorente, 82. minutuan).

Atletico Madril: Courtois; Juanfran, Godín, Miranda, Filipe Luis; Gabi, Mario Suarez (Perea, 68. minutuan); Arda Turan (Assunçao, 87. minutuan), Diego (Koke, 79. minutuan), Adrian; Falcao

Golak: 0-1, 2. minutuan: Falcaok penaltiz. 0-2, 47. minutuan: Adrian. 0-3, 82. minutuan: Falcao. 0-4, 90. minutuan: Falcao.

Bolada onari segida eman nahian

Montaneirren taldeak ligako zazpi norgehiagoka daramatza galtzea zer den jakin gabe. Gaur Anoetan Atletico Madrilen aurka bolada ona mantentzen saiatuko dira txuri-urdinak.

Taulan aurrerapausu bat emateko txuri-urdinek Simenoneren taldea gainditu beharko dute. Argentinarraren taldeak itxura ona eman du Manzano joan zenetik; beraz, ez da erraza izango koltxoneroen aurka irabaztea. Txuri-gorriek Anoetan irabazi duten partida bakarra iazko denboladikoa izan zen (2-4).

www.marca.com

Bi taldeak sasoi onean aurkitzen dira Realak ligako azken zazpi partidetan lau berdinketa eta 3 garaipen lortu ditu. Azkenengo garaipena gainera, joan den larunbatean lortu zuten Mestallan, horrek indarberrituta eramango ditu jokalari txuri-urdinak Anoetara. Hala ere, Atletiko Madrilek Simeonerekin izan duen hasiera paregabeareakin, konfiantzaz beteta helduko dira Donostiara.

Montaneirren Iñigo Martínez eta Carlos Martínez atzelariak berreskuratu baditu ere, badirudi ez direla hasierako hamaikakoan egongo. Erasoan Imanol Agirretxe, Antoine Griezmann eta Xabi Prieto arituko dira.

www.que.es

Deialdiak

Reala: Bravo, Zubikarai, Carlos Martínez, Dani Estrada, Demidov, Mikel González, Cadamuro, Iñigo Martínez, Xabi Prieto, Markel, Elustondo, Zurutuza, Mariga, Griezmann, Vela, Agirretxe, Ifrán, Llorente.

Atletico: Courtois, Asenjo, Perea, Godín, Filipe, Domínguez, Miranda, Assunçao, Juanfran, Diego, Mario Suarez, Gabi, Koke, Salvio, Arda Turan, Adrián, Pizzi, Falcao.

Zauria zirikatzen

Gaur ospatzen da Athletic eta Mallorcaren arteko joaneko norgehiagoka San Mamesen arratsaldeko zortziretatik aurrera. Min handia ematen dit partida horrek, gauzak beste era batera gertatu izan balira, ni hor egongo nintzateke Katedralean, oihuka, nire taldea animatzen. Gauzak ez ziren ondo joan eta gaur ez gara errealzaleak San Mamesen egongo. Etxean geratuko gara Bilboko partidaren eta Bernabeun gaueko hamarretan jokatuko den klasikoaren zain.

Zer egingo diogu? Sufrimendua eta tristura ekarriko dizkigu gaurko partidak, baina burua altxatu beharra dago, eta horretarako pausu erraldoia izan zen larunbatean Mestalla gertutu zena. Espero dut datorren denboraldiko Erregearen Kopan erne egotea, eta sartutako golak eta hartutako abantaila pikutara ez bidaltzea.

Agur eta ohore Epelde!

Larunbatean eman zuen azken hatsa Joxe Mari Soraluze "Epelde" soinu jotzaileak

Joan den larunbatean zendu zen Epelde, baina atzo zabaldu zuen berria Euskal Herriko Trikitixa Elkarteak. Hileta elizkizuna atzo egin zen Azkoitiko parrokian.

Ia mende oso bat bizi izan da Epelde eta urte horietatik, 80 bat eman ditu soinu txikiari lotuta. Xabier Gantzarain idazleak haren inguruko biografia idatzi zuen 2004ean eta Euskal Herriko Trikitixa Elkarteak argitaratu zuen.

www.berria.com

1914an jaio zen Epelde Azkoitiako Martirieta auzoan, Munoa baserrian. Auzo horretako baserri gehienetan zeuden soinu jotzaileak eta berari ere irrika piztu zitzaion. Hala ere, etxetik zetorkion musikarako zaletasuna aita eta aitona dultzaineroak bait zituen.

Baserriko lana amitu ondoren ekiten zion soinua jotzeari, baina 1936ko gerra iritsi zenean denboratxo bat eman zuen jo gabe. Gerrak oroitzapen gogorrak uzteaz gain, hiru balen markak ere utzi zizkion: sorbaldan, gibel aldean eta oinean.

Gerratik bueltatu zenean berriro hartu zuen soinua eta Epelde baserriko Joxepa Balentziagarekin ezkondu zen, baita 8 seme-alaba izan ere. Seme-alabak hezi beharraren pisuak ez zuen inoiz Epelde soinua jotzetik aldendu. Frankismo garaian ere ez zuen soinua isildu eta erromeriak egin zituen mendi partean.

1972an bere semeetako batek, Tomasek alegia, Euskal Herriko Trikitixa Txapelketa irabazi zuen; bere aita bigarren geratu zen Egurrolarekin, bere ohiko pandero jotzailearekin. 1979koa da Epelde eta Egurrolaren grabazio bakarretakoa, ez bait ziren sekula atrebitu.

80 urterekin utzi zion Epeldek soinu txikia jotzeari, baina harekiko sentitzen zuen maitasuna baztertu gabe.